ఇక మోనాల్ అక్కడ అక్కర్లేదు… బయటికి పంపించేయండి బాస్…

చివరికి బిగ్‌బాస్ క్రెడిబులిటీ ఎంత పాతాళానికి చేరిందీ అంటే… మోనాల్‌ను ఎలిమినేట్ చేసేశారు అని రాసినా ఎవరూ నమ్మలేని పరిస్థితి… ఎహెఫో, ప్రతిసారీ అలాగే అంటారు… ప్రతిసారీ ఆమెను బయటికి పంపించేయండ్రోయ్ అని ప్రేక్షకులు కోరుతూనే ఉంటారు… ప్రతిసారీ అందరికన్నా తక్కువ వోట్లు వస్తాయి… ఐనా ప్రతిసారీ ఆమెను బిగ్‌బాస్ సేవ్ చేస్తూనే ఉంటాడు… మేమెందుకు నమ్మాలి అంటారు జనం… నిజమే… ప్రజలు వేసే వోట్లతో సంబంధం లేదు… బిగ్‌బాస్ ఏది అనుకుంటే అదే…

ఆమెతో కుదిరిన ఒప్పందం మేరకు ఇన్నిరోజులూ భరించాడు బిగ్‌బాస్… తన స్క్రిప్టు మేరకు ఆడించాడు… ఇద్దరితో లవ్ ట్రాకులు నడిపించినా… తరువాత వాళ్లిద్దరూ చీదరించుకున్నా… బిగ్‌బాస్ చెబుతూనే ఉన్నాడు, ఆమె వెళ్లి అఖిల్‌ను హత్తుకుపోతూనే ఉంది… మరి ఆమెకు ఇచ్చిన పాత్ర అదే… అందుకే ఇన్నిరోజులూ ఆమెను అలాగే ఉంచేశారు హౌస్‌లో… ప్రజల వోట్లు, తొక్కాతోలు గట్రా నాన్సెన్స్ బిగ్‌బాస్ పట్టించుకోడు… తనకు మసాలా కావాలి… దానికి మోనాల్ కావాలి… అంతే…

ఇక ఫినాలే దగ్గరకొచ్చింది… ఆమె అక్కర్లేదు… ఆమె పోషించిన అఖిల్, అభిజిత్ ఉమ్మడి లవ్ ట్రాకు కూడా హారిక హైజాక్ చేసింది… ఆమెకు అఖిల్ వోట్లు కావాలి కదా… అందుకని అఖిల్‌తో సాన్నిహిత్యం నటిస్తోంది… అఖిల్ ఎలాగూ ఫైనలిస్టు కాబట్టి తన ఫ్యాన్స్ వోట్లు తనకు పడాలని ప్లాన్… ఇంకోవైపు అరియానా ఫైటర్… అక్కడక్కడా మరీ సెల్ఫిష్‌గా బిహేవ్ చేసినా సరే, ఆమె ఫైనల్స్‌కు అర్హురాలే…

సొహెల్ ఎంత దిల్‌దారో, అరియానా అంత సెల్ఫిష్… ఎలాగూ అభిజిత్, అఖిల్, సొహెయిల్ ఫైనలిస్టులు… మిగిలింది హారిక, మోనాల్, అరియానా… అందులో అరియానా ఫైన్సల్‌కు అర్హురాలే… ఇక జాన్ జిగ్రీలు అయిన మోనాల్, హారిక మధ్య పీటముడి… నిజానికి బిగ్‌బాస్ మోనాల్‌ను ఎప్పటిలాగే సేవ్ చేసి, హారికను బయటికి పంపించేయాలి… మరి ఏం జరిగిందో ఏమిటో గానీ… మోనాల్ హౌస్ వీడిపోతున్నట్టు సంకేతాలు ఇచ్చింది నిన్న…

హారిక ఔదార్యంతో గోల్డెన్ మైక్ తీసుకున్న మోనాల్… గోవిందా గోవిందా, జైశ్రీక‌ృష్ణ అంటూ… ఇన్ని వారాల తన ప్రయాణం పట్ల జనానికి థాంక్స్ చెప్పుకుంది… ఎక్కడో గుజరాత్ నుంచి వచ్చి, తెలుగు నేర్చుకుని, కాస్తోకూస్తో కష్టపడ్డాను అని చెప్పుకుంది… ఈసారి కూడా తనను గట్టెక్కించండీ అని చెప్పుకోవడంకన్నా జనానికి ధన్యవాదాలు చెప్పినట్టే అనిపించింది… ఐనా ఆమె థాంక్స్ చెప్పాల్సింది బిగ్‌బాస్ టీంకు కదా… జనానిదేముంది..? ప్రతిసారీ ఆమెను తిరస్కరించారు…

అర్ధరాత్రి గడిచాక, ఒక్కతే బయట కూర్చుని…. లవ్ యూ బిగ్‌బాస్ అంటూ ఏవేవో డైలాగులు విసిరింది… ఇక చాలు, వీడ్కోలు అన్నట్టుగానే ధ్వనించాయి ఆమె మాటలు… అనుకున్నట్టుగానే ఆమె బయటికి వెళ్లిపోక తప్పలేదని ప్రాథమిక సమాచారం… కానీ చెప్పలేం… ఫినాలే ముందు… బిగ్‌బాస్ టీం తప్పుడు లీకులు తనే స్ప్రెడ్ చేసినా చేస్తాడు… లేదా నిజంగానే ఆమె ఎలిమినేట్ అయి ఉండవచ్చు కూడా…

ఒకవేళ ఆమె బయటికొస్తే… దానికి ఆమె అర్హురాలే… హౌస్‌లో మిగిలిన వాళ్లు ఫైనల్స్‌కు అర్హులే… అరియానా ఎంత లోతు మనిషో, హారిక అంత లైట్ గోయింగ్… అరియానా ఫైటర్, హారిక లక్కీ వన్… ఆ ముగ్గురు మగాళ్లలో అభిజిత్ బుర్ర, సొహెయిల్ మనస్సు గట్టివి… అఖిల్… తనదేముందిలెండి… పులిహోర రాజా… అదృష్టవంతుడు… రకరకాల కారణాలతో ఫైనలిస్టు అయ్యాడు… మిగతా కథ నాగార్జున చూపిస్తాడు, చూసేయండిక…