తెలివైన ప్రేమి..! కార్తీకదీపం డబ్బుల్ని ఇక్కడే పెట్టుబడి పెట్టేస్తే పోలా..!!

కార్తీకదీపం టీవీ సీరియల్ హీరోయిన్ ప్రేమి విశ్వనాథ్… ఆమె ఎవరికీ ఇంటర్వ్యూలు ఇవ్వదు… ఏ సినిమా, టీవీ ఫంక్షన్లలోనూ పాల్గొనదు… ఏ ప్రైవేటు పార్టీల్లోనూ ఉండదు… తన పనేమిటో తను, తరువాత గాయబ్… ఛలో కేరళ… పెద్ద గాసిప్స్ కూడా ఉండవు ఆమె మీద… తను ఆమధ్య సాక్షి టీవీ కోసం యాంకర్ సుమ ఇంటర్వ్యూ చేసింది… సుమదీపం పేరిట… పెద్ద ఇన్ డెప్త్ ఇంటర్వ్యూ ఏమీ కాదు, ఆమె షోలలో ఉన్నట్టే కాసిన్ని సరదా ప్రశ్నలు, ఇద్దరూ మళయాళీలే కదా, ఆ ముచ్చట్లు… అందులో ప్రేమి చెప్పింది ఏమిటీ అంటే..? నా కోసం ఓ సినిమా తీయబోతున్నాం, హీరోయిన్ సెంట్రిక్ మూవీ, అందులో పోలీసు పాత్ర వేయబోతున్నాను… ఎలాగూ కార్తీకదీపం సీరియల్ ముగింపుకొస్తోంది… ఆమె సీరియళ్లకు సంబంధించి సీరియస్ నటి కూడా కాదు… ఆమె నటిస్తున్న వేరే సీరియళ్లు కూడా ఏమీ లేవు… బహుశా చేయదు కూడా…,

ఆ హీరోయిన్ సెంట్రిక్ మూవీ ఏదో ప్రకటిస్తుంది త్వరలో అనుకుంటుంటే… ఆల్ ఆఫ్ సడెన్… నా అభిమాన హీరో సుమంత్‌కు శుభాకాంక్షలు అంటూ ఓ మెసేజ్ వదిలింది సోషల్ మీడియాలో… ఇదేమిటబ్బా, ఈమె ఇలాంటి వాటికి దూరంగా ఉంటుంది కదా, పైగా సుమంత్‌ను తన ఫేవరెట్ హీరో అంటోంది, ఏదో కథ ఉందిలే అనుకుంటే… నిజంగానే ఇంట్రస్టింగు… సుమంత్ హీరోగా అనగనగా రౌడీ అనే ఓ కొత్త సినిమాను ప్రకటించారు కదా తాజాగా… అదుగో, ఆ సినిమాకు నిర్మాత ఈమె… ఏక్‌దోతీన్ ప్రొడక్షన్స్‌లో పార్టనర్ వినీత్ భట్… అనగా ప్రేమి విశ్వనాథ్ భర్త… ఆయనకు ఈ సినిమాలు, నిర్మాణం గట్రా ఏం తెలుసు గానీ… ఒకరకంగా చెప్పాలంటే ప్రేమియే నిర్మాత… తెలుగు టీవీ ప్రేక్షకుల ద్వారా సంపాదించిన కార్తీకదీపం డబ్బును ఇక్కడే పెట్టుబడి పెడుతుందన్నమాట…

తెలుగు టీవీ తారలందరిలోనూ ప్రేమి హైలీ పెయిడ్ ఆర్టిస్టు… అఫ్ కోర్స్, ప్రతివారం అత్యుత్తమ రేటింగులతో ఆ సీరియల్ పేరిట నిర్మాతలు బాగానే దండుకుంటున్నారు, అది వేరే విషయం… నిజానికి ప్రేమి వెల్ ఆఫ్… తన భర్త టీఎస్ వినీత్ పాపులర్ జ్యోతిష్కుడు… కేరళ, తమిళనాడు, తెలంగాణ మాత్రమే కాదు, ఇతర రాష్ట్రాలకూ వెళ్తుంటాడు… బిజీ పర్సన్… తంత్రి… thanthrik , astrologer, numerologist, vasthu consultant, ayurvedha expert వాట్ నాట్..? విగ్రహాల ప్రతిష్ఠాపన దగ్గర్నుంచి అన్నీ చేస్తాడు… పెళ్లయ్యాకే ప్రేమి లా చదివింది… ఏదో టైంపాస్ అన్నట్టుగానే కార్తీకదీపం ఒరిజినల్ మళయాళ సీరియల్ కరుతముత్తులో నటన స్టార్ట్ చేసింది… అదే ఊపులో కార్తీకదీపంలోకి కూడా వచ్చిపడింది… అది తప్ప తను వేరే తెలుగు సీరియల్ ఏదీ చేయలేదు, చేయకపోవచ్చు కూడా… మంచి ప్రతిభ కలిగిన నటి… కానీ ఇప్పుడిక ఆ సినిమా నిర్మాణ వ్యవహారాలు చూసుకుంటుందేమో… ఈ కాస్త అనుభవం అక్కరకొస్తే, తను సుమ ఇంటర్వ్యూలో చెప్పినట్టు మాంచి పోలీస్ పాత్రను తనే పోషిస్తూ మరో కొత్త సినిమాను కూడా త్వరలో ప్రకటిస్తుందేమో…!!