మీరు గమనించారో లేదో…. ఒకప్పుడు కార్తీకదీపం సీరియల్ అంటే తెలుగునాట ఫుల్ పాపులర్…. అదిప్పుడు గాలితీసిన బెలూన్… రోజురోజుకూ ఇంకా పెంటపెంట చేసేస్తున్నాడు ఆ సూపర్ దర్శకుడు ఎవరో గానీ…!! పాపం, ఆయనకు స్టార్ మాటీవీ ఎల్లప్పుడూ రుణపడి ఉండు గాక…. అసలు తెలుగు టీవీ సీరియళ్లు అంటేనే పరమ దరిద్రమైన క్రియేటివ్ వర్కుకు కేరాఫ్ అడ్రసులు… ఆ గొంగట్లో వెంట్రుకలు ఏరడం కష్టమే గానీ… కార్తీకదీపం లెవల్ చెత్తా సీరియల్ సమీప భవిష్యత్తులో మళ్లీ రాకపోవచ్చు…
అయినా బ్యూటీ ఏమిటంటే..? మీటర్, డేటా రిగ్గింగ్ అనే ఓ కళ ఉంది లెండి… సరే, సరే, ఎక్కడికో వెళ్లిపోతున్నాం కదా… సారీ… ఈ కార్తీకదీపం హయ్యెస్ట్ రేటింగులతో మొన్నమొన్నటిదాకా తెలుగునాట అలరారుతుండెను… కోట్లకుకోట్ల యాడ్ డబ్బులు కుమ్మేస్తూ ఉండెను… కానీ ప్రేక్షకులు మరీ తిరస్కరిస్తూ, ఛీత్కరిస్తూ, ఈసడించుకుంటూ…. కార్తీక్ అనబడే ఓ నల్కా కేరక్టర్‌ను చీదరించుకుంటూ ఆ సమయానికి చానెల్ నంబర్ వేరే ట్యూన్ చేస్తున్న కారణంగా… అనివార్యంగా… జీతెలుగువాడి నాగభైరవి అనబడే మరో చిల్లర సీరియల్ క్రమేపీ రేటింగ్స్ పొందసాగెను…
అసలే ఆ జీవాడికి రేటింగ్ ప్రమోషన్ తెలిసి పాడుగాదు… ఐనా సరే, ఆ ఏడున్నర స్లాటులో దూసుకొస్తోంది… జనం అయితే ఈటీవీ వాడి యమలీల లేదా జీ వాడి నాగభైరవికి మళ్లుతున్నారు… ఇక ఈ చెత్తా కార్తీకదీపాన్ని వదిలించుకునే టైమ్ వచ్చిందని స్టార్ మాటీ ప్రమోషన్ టీంకూ అర్థమై పోయినట్టుంది… ఇక దాన్ని తొక్కి, మెల్లిగా గృహలక్ష్మి, వదినమ్మను పైకి లేపుతుండిరి…
నిజానికి ఈమధ్య జీవాడి సీరియల్సే కాస్త బెటర్… స్టార్ మాటీవీ వాడి సీరియల్స్ భ్రష్టుపట్టిపోయాక… జీ సీరియల్స్ చూడటం ఎక్కువైంది… చివరకు సతీత్రినయని అనే విఠలాచార్య మార్క్ సినిమా కూడా మంచి రేటింగ్స్ సాధిస్తోందంటే అదే కారణం… కాస్త క్రైం కూడా మిళితమైన ‘ప్రేమ ఎంత మధురం’ కూడా జనం బాగానే చూస్తున్నారు… అఫ్ కోర్స్, అదీ సగటు తెలుగు టీవీ సీరియల్ అవలక్షణాలకు ప్రతీకే…
ఈటీవీ నిజానికి రియాలిటీ షోలకు ప్రసిద్ధి… కొన్నాళ్లు ఆ ప్రదీప్, ఆ సుధీర్ జోకుల కోసం ఢీ చాంపియన్స్ చూసేవాళ్లు… ఆ సర్కస్ ఫీట్ల డాన్సులను చీదరించుకున్నా సరే… కామెడీ స్కిట్ల కోసం చూసేవాళ్లు… ఇప్పుడు సుధీర్ డల్ అయిపోయాడు, ప్రదీప్ ఓవరాక్షన్ మొనాటనీ అయిపోయింది… హైపర్ ఆది హైపర్ యాక్షన్ సరేసరి… జనానికి చిర్రెత్తి, థూ, దీనికన్నా పరమ దరిద్రమైన ఆ జబర్దస్త్ నయం అనుకుని ఇక అదే చూడటం స్టార్ట్ చేశారు… అందుకే ఢీ చాంపియన్స్ అడుగంటింది… ఐనా ఈ షో అయిపోయింది లెండి… హమ్మయ్య, ముగించేశారు ఎట్ లాస్ట్… ఇక “వన్ సెకండ్ ఓహోంకర్ అన్నయ్య డాన్స్ షో రాబోతోంది గా” మాటీవీలో….
సతీ త్రినయని, ప్రేమ ఎంత మధురం మాత్రమే కాదు… జీవాడి రీచ్, ప్రమోషన్ వాల్యూ ప్రకారం చూస్తే… ఇతర సీరియళ్లూ బాగా పర్‌ఫామ్ చేస్తున్నట్టే లెక్క… కల్యాణ వైభోగమే, నంబర్ వన్ కోడలు, రాధమ్మ కూతురు, నాగ భైరవి, హిట్లర్ గారి పెళ్లాం… ఏక్‌సే ఏక్… మాటీవీ వాడి చెంప పగులగొడుతూ మంచి రేటింగ్స్ సాధిస్తున్నాయి… వాడిదేమో ఆర్టిఫిషియల్ రేటింగ్స్… జీవాడివి కాస్త నయం…
స్టార్ మాటీవీ వాడి సీరియల్స్ జనానికి ఎంత చిర్రెక్కిస్తున్నాయంటే… మొదటిసారిగా జెమిని వాడి టీవీలో ఏదో సీరియల్ చాన్నాళ్ల తరువాత 3 రేటింగ్స్ పొందింది… జనం చానెళ్లు తిప్పీ తిప్పీ మరీ ఓ మోస్తరు బెటర్ సీరియల్ కోసం చూస్తున్నారు మరి… ఇక ఈటీవీలోని యమలీల, నాపేరు మీనాక్షిని చూస్తున్నారు… మాటీవీ పేరుకు (దొంగ కారణాలు ఎన్నున్నా సరే…) వినోదంలో టాప్… కానీ అది ఈ ఆర్టిఫిషియల్ రేటింగుల్లోనే… జనం దాన్ని పట్టించుకోకుండా వేరే చానెళ్లకు మళ్లిపోతున్నారు… అదీ గతవారం బార్క్ రేటింగ్స్ విశ్లేషణ….
Share this Article