కారు చూశారుగా… ముందు భాగం నుజ్జునుజ్జు… అది బెంజ్ కాబట్టి… సమయానికి బెలూన్లు ఓపెన్ అయ్యాయి కాబట్టి… రాజశేఖర్ స్వల్ప గాయాలతో బయటపడ్డాడు… ఎదురుగా వచ్చే కారు వాళ్లెవరో తనను గుర్తుపట్టి, విండ్ షీల్డ్ నుంచి బయటికి తీశారని తనే చెబుతున్నాడు… అక్కడ రాజశేఖర్ కాదు, ఇంకెవరో అనామకుడు ఉన్నా సరే, ఎదుటి కారులో వాళ్లకు మానవత్వం ఉంటే బయటికి లాగుతారు, అది హీరో రాజశేఖరే కానక్కర్లేదు… ప్రేమతో రక్షించటానికి..! నిజంగా గ్రేటు… అది మామూలు కారు గనుక అయి ఉంటే, ఇప్పుడు మనం రాసుకునే వార్తలు వేరేగా ఉండేవి…
జీవిత చెబుతున్నది ఏమిటంటే… రాత్రి ఒంటిగంటన్నర ప్రాంతంలో రామోజీ ఫిలిమ్ సిటీ నుంచి వస్తుంటే టైర్ పగిలిందట, దాంతో డివైడర్‌ను ఢీకొని, పల్టీ కొట్టిందట… సరే, ఆమె ఏదో చెబుతుంది కానీ….
అసలు రాజశేఖర్‌కు ఏమైంది..? తను కారు ఎక్కితే చాలు… డ్రైవింగు రాదా..? స్పీడ్ కంట్రోల్ ఉండదా..? ఏదైనా మత్తులో ఉంటాడా..? అసలు ఔటర్‌పై 100 స్పీడు దాటితే ఫైన్లు… మరి అలాంటిది 180 కిలోమీటర్ల స్పీడ్ ఏమిటసలు..? వోకే… మరీ అంత నుజ్జు నుజ్జు అయ్యేలా కంట్రోల్ ఎలా తప్పింది..? అసలు తన కంట్రోల్‌లో లేడా..? ఓవర్ స్పీడ్ చలాన్లు మూడు ఆల్ రెడీ పెండింగు ఉన్నాయని పోలీసులు చెబుతున్నారు… ఇంకా నయం, అది ఔటర్ కాబట్టి వోకే… అదే మెయిన్ రోడ్లపై అదే స్పీడ్ మెయింటెయిన్ చేసి ఉంటే, వెనక వచ్చేవాళ్లకో, ముందు వచ్చేవాళ్లకో పరిస్థితి ఏమిటి..?
సందర్భం కాబట్టి మరొకటీ చెప్పుకుందాం… 2017లో, అక్టోబరులో… ఓరోజు రాత్రి పీవీ ఎక్స్‌ప్రెస్ హైవే మీద ప్రయాణిస్తున్న ఇంకో కారుతో తన కారును గుద్దేశాడు… ఆరోజు బాగా తాగి డ్రైవింగులో ఉన్నాడనీ, అసలు మన సోయిలోనే లేడని బాధితులు ఫిర్యాదు చేశారు… అఫ్ కోర్స్, తను తాగి లేడని డ్రంకెన్ డ్రైవ్ పరీక్షలు చేసి తేల్చారు… స్పాటులో పరీక్షలు చేస్తే ఫలితం ఎలా ఉండేదో గానీ… ఆరోజు ఏ చిక్కులూ లేకుండా బయటపడ్డాడు…
మళ్లీ అదే సీన్… అంత ఘోరంగా కారు నుజ్జునుజ్జు అయ్యిందంటే తను ఏ స్పీడులో, ఏ స్థితిలో డ్రైవింగులో ఉన్నాడో అర్థమవుతూనే ఉంది… తను నిజంగా లక్కీ… జస్ట్, చిన్న చిన్న గాయాలతో బయటపడిపోయాడు… అతివేగం, నిర్లక్ష్యం కారణంగా ప్రమాదం జరిగినట్టు పోలీసులు కేసు పెట్టారట… అబ్బే, ఆ కేసులతో ఏమవుతుందీ అంటారా…? అంతకన్నా పోలీసులు మాత్రం ఏం చేయగలరు..? అసలు ఔటర్ ఎక్కారంటే చాలు, సెలెబ్రిటీల కార్లకు ఏ కంట్రోలూ ఉండటం లేదు కదా… ఓ చిన్న సందేహానికి జీవిత సమాధానం చెప్పాలి… ఎలాగూ రాజశేఖర్ ఏమీ చెప్పడు… అంత పెద్ద హీరో కదా… తన కారుకు కనీసం డ్రైవర్ ఉండడా..? తను ఏ స్థితిలో ఉన్నాడనేది వదిలేద్దాం… తనపై తనకు కంట్రోల్ లేనప్పుడు కారు నడపడం దేనికి..? తనను తాను రిస్కులో పెట్టుకోవడం మాటెలా ఉన్నా, ఇదే సిట్యుయేషన్ ఔటర్ గాకుండా మిగతా రూట్లలో గనుక ఎదురైతే పరిస్థితి ఏమిటి…? మీ బెంజ్ సరే, ఎదుటి కారు బెంజ్ అయి ఉండాలని ఏమీ లేదు కదా జీవితమ్మా… అమ్మ తల్లీ… కంట్రోల్ ప్లీజు… మీతో కొట్లాడే సిట్యుయేషన్ ఓ సామాన్యుడికి రాకపోవచ్చు… అందుకే…