.
అసలు ఎవరు ఈ జెఫ్రీ ఎపిస్టయిన్..? పదే పదే ఈ పేరిట ఏవేవో ఫైల్స్ అని వార్తల్లో కలకలం రేగుతూ ఉంటుంది… మళ్లీ వార్తల్లోకి వచ్చింది ఈ ఇష్యూ… అమెరికా రంకు వ్యవహారాల ఫైల్స్ అనేసరికి సహజంగానే విశ్వప్రాముఖ్యత ఆ వార్తలకు…
వాడొక బ్రోకర్… ప్రపంచ కుబేరులకు ఆ సుఖాల్ని అందించడం తన వృత్తి… తనకి లిటిల్ సెయింట్ జేమ్స్ అనే ఒక సొంత దీవి ఉండేది … దానికి ఎపిస్టయిన్ దీవి , పీడోఫైల్ దీవి అని పేర్లు కూడా ఉండేవి …
Ads
పీడోఫైల్ అంటే మైనర్ల పట్ల లైంగికార్షణ ఉండే ఓ రకమైన సైకో లక్షణం … ఎపిస్టయిన్ కు సొంత బోయింగ్ 727 విమానం ఉండేది … దానికి లోలిటా ఎక్స్ప్రెస్ అని కూడా పేరు… లోలిటా అంటే మగాడి పశువాంఛ తీర్చే మైనర్ అని అర్థం …
ఎపిస్టయిన్ పనేమిటంటే..? ప్రపంచ కుబేరులతో, అధికారంలో ఉన్న వారితో సన్నిహిత సంబంధాలు… ఎక్కడెక్కడి నుంచో అమ్మాయిలను ఎలాగోలా ఆ దీవికి తరలించేవాడు… అందులో ఎక్కువ శాతం మైనర్లే… పేద కుటుంబాలకు చెందినవాళ్లు…
ఈ కుబేరులు లోలిటా విమానంలో ఆ దీవికి వెళ్లి పశువాంఛ తీర్చుకొనేవాళ్లు… కోట్లు ఇచ్చేవాళ్లు… తన ఫోల్డ్లోకి వచ్చిన అమ్మాయిల ద్వారా మరింత మందిని ఈ వృత్తిలోకి తెచ్చేవాడు … అదొక అత్యంత ధనిక వ్యభిచార దీవి…
ఈ తార్పుడు పనిలో తనకూ అపార సంపద వచ్చి పడింది… పైగా అత్యంత ప్రభావశీలురైన కస్టమర్లు… ఇంకేం, ఆడింది ఆట, పాడింది పాట… కానీ అన్ని రోజులూ ఒకలా ఉండవు… 2019 లో అరెస్టయ్యాడు …
తరువాత జైలులోనే చచ్చిపోయాడు… అనారోగ్యం కాదు… ఆత్మహత్య కొన్నాళ్లు ప్రచారం… కాదు, తమ రహస్యాలు బయటకు వస్తాయనే భయంతో తన సంపన్న కస్టమర్లు చంపించారు అని మరో ప్రచారం …
రీసెంటుగా అమెరికా జస్టిస్ డిపార్ట్మెంట్ ఎపిస్టయిన్ ఫైల్స్ పేరుతో ముప్పై లక్షల పేజీల డాక్యుమెంట్లు, 2000 వీడియోలు, లక్షా ఎనభై వేల ఫోటోలు బయటపెట్టింది … గేట్స్ కూడా ఈ దీవిలో రష్యన్ బాలికలతో ఆ ఆటలు ఆడుకున్నాడనీ, అందుకే సుఖ రోగాలు వచ్చాయనే వార్తలు కూడా వచ్చాయి… అఫ్కోర్స్, ఎహె, ఇవన్నీ నిజం కాదు అనే ఖండన వార్తలు కూడా వచ్చాయి…
ప్రపంచం ముందు వెలుగులు జిమ్మే వెండితెర లాంటి జీవితాలు ఒకవైపు… ఆ తెర వెనుక అగాధమంత చీకటి మరోవైపు… జెఫరీ ఎపిస్టయిన్ ఉదంతం కేవలం ఒక నేర చరిత్ర కాదు; అది అధికారం, అహంకారం, వికృత వాంఛల కలయికతో కూడిన ఒక ఆధునిక రాక్షస కావ్యం…
ప్రసిద్ధ మనుషుల వెనుక ఉన్న ఆ చీకటి కోణాలపై ఓ మ్యాగజైన్ విశ్లేషణ తెలుగులో… ఇదుగో…
ముసుగు వెనుక మృగాలు: ‘ది ఎపిస్టయిన్ ఫైల్స్’ వికృత నిజాలు
మనం ఎవరినైతే ఆదర్శంగా తీసుకుంటామో, ఎవరి మేధస్సును చూసి మురిసిపోతామో, ఎవరి సంపదను చూసి ఆశ్చర్యపోతామో… ఆ ‘మహానుభావుల’ ముసుగులు తొలగితే కనిపించేది వికృత రూపమేనని ఎపిస్టయిన్ ఫైల్స్ నిరూపిస్తున్నాయి…
వెలుగుల లోకం – చీకటి సామ్రాజ్యం బయటి ప్రపంచానికి జెఫరీ ఎపిస్టయిన్ ఒక అపర కుబేరుడు, సైన్స్ అంటే అమితమైన ఇష్టం ఉన్న మేధావి. కానీ అతని సొంత ద్వీపం ‘లిటిల్ సెయింట్ జేమ్స్’ లో రాసిన స్క్రిప్ట్ వేరు… అక్కడ వినిపించేవి విలాసవంతమైన విందుల సంగీతం కాదు, ముక్కు పచ్చలారని బాలికల మూగ రోదనలు…
-
లోలిటా ఎక్స్ప్రెస్..: ఒక విమానం గాలిలో ప్రయాణిస్తుంటే అది కేవలం మనుషులను మోసుకెళ్తున్నట్టు కాదు, మానవత్వాన్ని పాతర వేయడానికి వెళ్తున్నట్టు… ప్రపంచ స్థాయి నేతలు, విద్యావేత్తలు, వ్యాపారవేత్తలు ఆ విమానంలో ప్రయాణించారనే వార్త విన్నప్పుడు సామాన్యుడికి కలిగేది ఆశ్చర్యం కాదు, అసహ్యం….
-
ఎర వేసే వల…: పేదరికం, ఒంటరితనం ఉన్న అమ్మాయిలను ‘మసాజ్ థెరపీ’ పేరుతో రప్పించి, వారిని ఒక విషవలయంలోకి నెట్టేవారు… ఒకసారి లోపలికి వెళ్ళాక బయటకు రావడానికి దారి లేదు…
ఫైల్స్ అంటే ఏమిటి? ఇప్పుడు బయటకు వస్తున్న ‘ఫైల్స్’ అంటే కేవలం కాగితాలు కావు; అవి బాధితుల ఆర్తనాదాల సాక్ష్యాలు… కోర్టు ఆదేశాల మేరకు బయటకు వస్తున్న ఈ వేల పేజీల డాక్యుమెంట్లలో ప్రపంచ ప్రసిద్ధ వ్యక్తుల పేర్లు పదే పదే వినిపిస్తున్నాయి…
-
దాతృత్వానికి మారుపేరుగా చెప్పుకునే వారు ఎపిస్టయిన్తో గంటలు గంటలు గడిపింది ఎందుకు..?
-
శాస్త్రవేత్తలు, మేధావులు ఆ ద్వీపానికి వెళ్ళింది ఏ పరిశోధన కోసం? ఈ ప్రశ్నలకు సమాధానమే ఆ వికృత కోణాలు…
వికృత మనస్తత్వం (The Dark Psychology) సకల సంపదలు, అధికారం ఉన్నాక మనిషికి కలిగే అంతులేని అహంకారం, వారిని అమానవీయ కోణాల వైపు నడిపిస్తుంది… ఎదుటివారి వేదన తమకు వినోదంగా మారడం అనేది సైకో లక్షణం… ఎపిస్టయిన్ ఒక బ్రోకర్గా కంటే, ఈ బలహీనతలను పెట్టుబడిగా మార్చుకున్న ఒక ‘బ్లాక్ మెయిలర్’గా ఎదిగాడు… తన దగ్గరకు వచ్చిన ప్రతి ప్రముఖుడి రహస్యాన్ని రికార్డ్ చేసి, వారిని తన గుప్పిట్లో ఉంచుకున్నాడనేది ఒక నగ్న సత్యం…
ముగింపు: సత్యం పాతర పడదు పాపం పండినప్పుడు అత్యంత శక్తివంతులు కూడా కూలిపోక తప్పదు… ఎపిస్టయిన్ జైలు గదిలో ప్రాణాలు కోల్పోయి ఉండవచ్చు, కానీ అతను వెనక్కి వదిలి వెళ్ళిన ఆ ‘చీకటి ఫైల్స్’ ఇప్పుడు సజీవంగా సమాజంలోని పెద్దమనుషుల నైతికతను ప్రశ్నిస్తున్నాయి…
Share this Article