.
“దాదాపు పాతికేళ్ల క్రితం నేను మొదటిసారి ఇక్కడికి వచ్చినప్పుడు ఒక ఆసక్తికరమైన సంఘటన జరిగింది… అప్పటికే నేను పెద్ద స్టార్ని… నాకోసం జనం ఎగబడతారని, ఆటోగ్రాఫ్ల కోసం క్యూ కడతారని ఒక రకమైన ‘అహం’ ఉండేది… సరిగ్గా అదే సమయంలో తమిళనాడు నుంచి పెద్ద సంఖ్యలో భక్తులు ఆశ్రమానికి వచ్చారు…
నేను వారి మధ్యలోనే ఉన్నాను. కానీ, ఒక్కరంటే ఒక్కరు కూడా నన్ను పట్టించుకోలేదు! కనీసం నా వైపు చూడలేదు కూడా… అప్పుడు నాకు అర్థమైంది… ఇక్కడ నేను స్టార్ని కాదు, కేవలం ఒక సాధకుడిని మాత్రమే అని… ఆ క్షణం నా స్టార్డమ్ ఎంత చిన్నదో నాకు బోధపడింది…”
నాకు ఇష్టమైనవి హిమాలయాలు… తరువాత ఈ ఆశ్రమమే… గురువు గారితో నాది సుదీర్ఘమైన ప్రయాణం… ఆయన 70వ పుట్టినరోజు జరుపుకుంటున్న ఈ వేళ ఇక్కడ ఉండటం నా అదృష్టం… ఆయన ముఖంలో ఎప్పుడూ ఉండే ఆ చిరునవ్వు, ప్రశాంతత కొన్ని కోట్ల మందికి ధైర్యాన్ని ఇస్తున్నాయి… ఆయన కేవలం బోధనలు చేసే వ్యక్తి మాత్రమే కాదు, ప్రేమను పంచే ఒక గొప్ప శక్తి…”
Ads
“సినిమా ప్రపంచంలో గ్లామర్ ఉంటుంది, పేరు ఉంటుంది, డబ్బు ఉంటుంది… కానీ ప్రశాంతత (Peace of Mind) మాత్రం ఉండదు… అది కేవలం ఆధ్యాత్మికత వల్ల మాత్రమే సాధ్యం. బయట ప్రపంచంలో మనం ఏ స్థాయిలో ఉన్నా, ఇలాంటి ఆశ్రమానికి వచ్చినప్పుడు మన అహంకారాన్ని గేటు బయటే వదిలేయాలి… అప్పుడే మనం కొత్త విషయాలను నేర్చుకోగలం…”
“చాలామంది నన్ను అడుగుతుంటారు… ఇంత పేరు వచ్చినా మీరు ఎలా ఇంత సాధారణంగా ఉండగలుగుతున్నారు అని… దానికి కారణం నా గురువులు, నేను నడిచిన ఈ ఆధ్యాత్మిక బాట… ఈ ప్రయాణమే నన్ను ఒక మంచి మనిషిగా మార్చింది…”
“మే 12, 2026న బెంగళూరు ఆర్ట్ ఆఫ్ లివింగ్ ఆశ్రమంలో జరిగిన గురువు రవిశంకర్ 70వ జన్మదిన వేడుకల” సందర్భంగా రజినీకాంత్ చేసిన ప్రసంగంలోకి ఓ భాగం ఇది…
Share this Article