మోదీకి ఇండొనేషియా అపూర్వ స్వాగతం – ఎందుకీ ప్రాధాన్యం అంటే?

.

Srini Journalist…  ప్రపంచంలోనే అతిపెద్ద ముస్లిం దేశ హృదయంలో ‘భారత్’…
ప్రొటోకాల్స్ బద్దలు కొట్టి ప్రధాని మోదీకి ఇండోనేషియా బ్రహ్మరథం!
ప్రపంచంలోనే అత్యధిక ముస్లిం జనాభా కలిగిన దేశమైన ఇండోనేషియాలో భారత ప్రధాని నరేంద్ర మోదీకి లభించిన అపూర్వ స్వాగతం దౌత్య చరిత్రలోనే సరికొత్త అధ్యాయాన్ని లిఖించింది.

“భారత్‌పై ముస్లిం ప్రపంచంలో వ్యతిరేకత ఉంటుంది” అంటూ కొందరు సాగించే ప్రచారాలకు తలకిందులుగా, ఇండోనేషియా తన కఠినమైన ప్రొటోకాల్స్, సంప్రదాయాలను పక్కనబెట్టి మరీ భారతదేశానికి అత్యున్నత గౌరవాన్ని ఇచ్చింది. ఇది అంతర్జాతీయ వేదికపై మన దేశ సార్వభౌమత్వానికి, ఎదుగుతున్న దౌత్య శ్రేష్ఠతకు లభించిన పరమోన్నత నీరాజనం.

నిబంధనలు బద్దలు కొట్టి.. స్వయంగా వచ్చిన అధ్యక్షుడు
ఇండోనేషియా అధికారిక దౌత్య నిబంధనల (Protocol) ప్రకారం.. విదేశీ అధినేతలకు స్వాగతం పలకడానికి దేశ అధ్యక్షుడు ఎయిర్‌పోర్టుకు వెళ్లే సంప్రదాయం అక్కడ లేదు. సాధారణంగా విదేశాంగ మంత్రి లేదా గవర్నర్ మాత్రమే విమానాశ్రయానికి వెళ్తారు. కానీ, ఈ పర్యటనలో ఆ కఠినమైన ప్రొటోకాల్స్ అన్నీ పక్కన పెట్టబడ్డాయి.

ఇండోనేషియా అధ్యక్షుడు ప్రబోవో సుబియాంటో (Prabowo Subianto) స్వయంగా జకార్తా ఎయిర్‌పోర్టుకు వచ్చి ప్రధాని మోదీకి ఆత్మీయ ఆలింగనంతో ఘనస్వాగతం పలికారు. అంతేకాకుండా, ఇండోనేషియా అత్యున్నత పౌర పురస్కారమైన ‘బింతాంగ్ ఆదిపూర్ణ’ (Bintang Adipurna) ను ప్రధానికి అందజేసి అసాధారణ గౌరవాన్ని ప్రకటించారు.

ఆకాశంలో యుద్ధ విమానాల పహారా
భారత ప్రధాని ప్రయాణిస్తున్న విమానం ఇండోనేషియా వైమానిక పరిధిలోకి (Airspace) ప్రవేశించగానే, ఇండోనేషియా ఎయిర్ ఫోర్స్ కు చెందిన F-16, సుఖోయ్-30 యుద్ధ విమానాలు ఆ విమానానికి ఇరువైపులా నిలిచి, ఆకాశంలో రక్షణ ఎస్కార్ట్ ఇస్తూ ఎయిర్‌పోర్ట్ వరకు తోడ్కొని వచ్చాయి. సాధారణంగా అత్యంత సన్నిహిత రక్షణ, వ్యూహాత్మక భాగస్వామ్య దేశాలకు మాత్రమే ఇలాంటి సైనిక గౌరవాన్ని ఇస్తారు.

 గత 10-20 ఏళ్ల దౌత్య చరిత్రతో పోలిక (Comparison)
గత రెండు దశాబ్దాల ఇండోనేషియా చరిత్రను తిరగేస్తే, ప్రపంచంలోనే అత్యంత శక్తివంతమైన దేశాల అధినేతలకు కూడా జకార్తాలో ఇలాంటి అపూర్వ ప్రొటోకాల్ బ్రేకింగ్ స్వాగతం లభించలేదు.
🚩 చైనా అధ్యక్షుడు షీ జిన్‌పింగ్ (Xi Jinping): చైనా ఆర్థికంగా, సైనికంగా ఎంత బలంగా ఉన్నప్పటికీ, జిన్‌పింగ్ ఇండోనేషియా పర్యటనకు వచ్చినప్పుడు ఆ దేశ హోంమంత్రి, ఆర్థిక మంత్రులు మాత్రమే ఎయిర్‌పోర్టులో స్వాగతం పలికారు. అధ్యక్షుడు స్వయంగా రాలేదు.

🚩 అమెరికా అధ్యక్షులు: ఒబామా, ట్రంప్ లేదా జో బైడెన్ (G20 సదస్సు సమయంలో) వంటి అగ్రరాజ్య నేతలు వచ్చినప్పుడు కూడా నిబంధనల ప్రకారమే మంత్రులు స్వాగతం పలికారు తప్ప, ఇండోనేషియా అధ్యక్షులు ఎయిర్‌పోర్టుకు రాలేదు.
🚩 పాకిస్తాన్ నేతలు: పాకిస్తాన్ ప్రధాని లేదా సైన్యాధిపతులు ఇండోనేషియా వెళ్ళినప్పుడు కేవలం సాధారణ ద్వైపాక్షిక, పరిపాలనాపరమైన ప్రోటోకాల్ మాత్రమే లభించింది.

గత దశాబ్ద కాలంలో దక్కిన ఏకైక మినహాయింపు
2017లో సౌదీ అరేబియా రాజు కింగ్ సల్మాన్ ఇండోనేషియా వచ్చినప్పుడు అప్పటి అధ్యక్షుడు జోకో విడోడో స్వయంగా ఎయిర్‌పోర్టుకు వెళ్లారు. అయితే, ప్రధాని మోదీ విషయానికి వస్తే ప్రెసిడెంట్ స్వయంగా రావడంతో పాటు ఆకాశంలో యుద్ధ విమానాల ఎస్కార్ట్ ను జత చేయడం ద్వారా భారతదేశానికి ఇచ్చిన గౌరవం సౌదీ రాజుకు ఇచ్చిన దానికంటే కూడా ఒక మెట్టు పైనే నిలిచింది.

ఎందుకు ఇండొనేషియా మనకు ముఖ్యం

ఈ దేశానికి మనం కీలకమైన బ్రహ్మోస్, అస్త్ర క్షిపణులు ఇవ్వబోతున్నాం… ఇండో పసిఫిక్ ఏరియాలో అది ఈ దేశానికే భద్రతపరంగా కీలకం మాత్రమే కాదు, మలక్కా జలసంధికి దగ్గరలో ఉండేలా సబాంగ్ పోర్టును సంయుక్తంగా నిర్మించబోతున్నాయి ఇరుదేశాలు… చైనా వ్యూహాత్మక మారిటైమ్ ఆధిపత్యానికి భారత్ వేసే బ్రేక్ ఇది… ఇరుదేశాల దోస్తీ ఉభయతారకం…