.
అధికార పీఠంపై రాజ సన్యాసులు… మోదీ – యోగి వర్సెస్ వారసత్వ రాజకీయాల విలాసం…
భారత రాజకీయాల్లో నేడు రెండు భిన్నమైన ధ్రువాలు కనిపిస్తున్నాయి… ఒకవైపు అధికారాన్ని అడ్డం పెట్టుకుని తరతరాలకు ఆస్తులు కూడబెట్టే కుటుంబ పార్టీలు, మరోవైపు అధికారం ఉన్నా తమ కుటుంబాన్ని సామాన్యులుగానే ఉంచిన నిస్వార్థ నాయకులు… ప్రధాని నరేంద్ర మోదీ, యూపీ సీఎం యోగి ఆదిత్యనాథ్ ఈ రెండో వర్గానికి నిలువుటద్దాలు…
Ads
1. వారసత్వ పార్టీల వైభోగం – ఒక విలాసవంతమైన ప్రపంచం దేశంలోని అనేక ప్రాంతీయ పార్టీలు, జాతీయ పార్టీల నాయకులను గమనిస్తే, అధికారం వారి కుటుంబాలకు ఒక ‘సామ్రాజ్యాన్ని’ సృష్టించి పెట్టింది…
-
రాజప్రాసాదాలు…: వీరి నివాసాలు వందల కోట్ల విలువైన బంగ్లాలు, ఫామ్హౌస్లు… అట్టహాసాలు, పటాటోపాలు, అంతులేని అక్రమార్జనలు…
-
వారసత్వ రాజకీయాలు…: పార్టీ పదవుల నుండి మంత్రి పదవుల వరకు అన్నీ కుటుంబ సభ్యులకే దక్కుతాయి…. నాయకుడి కొడుకు, మనవడు కూడా పుట్టగానే రాజకీయ వారసులుగా ముద్రపడతారు…
-
అట్టహాసాలు…: విదేశీ పర్యటనలు, లగ్జరీ కార్ల కాన్వాయ్లు, వేల కోట్ల అక్రమ ఆస్తుల కేసులు వీరి చుట్టూ తిరుగుతుంటాయి…. అధికారం వీరికి ఒక వ్యాపారం లాంటిది….
2. నరేంద్ర మోదీ: అధికారమున్నా అందని కుటుంబం ప్రధాని మోదీ జీవితం ఒక తెరవని పుస్తకం కాదు, అది అందరికీ తెలిసిందే…
-
తల్లితో అనుబంధం…: వంద ఏళ్లు జీవించిన తన తల్లి హీరాబెన్ దగ్గరకు ఆయన వెళ్ళినప్పుడు ఒక సాధారణ కొడుకులా నేలపై కూర్చుని భోజనం చేసేవాడు… ఆమె మరణించినప్పుడు కూడా ఒక సామాన్యుడిలా తన భుజంపై పాడెను మోసి, సింపుల్గా అంతిమ సంస్కారాలు నిర్వహించి, వెంటనే దేశం కోసం తన విధుల్లో చేరిపోయాడు…
-
సోదరుల నిరాడంబరత…: ఆయన సోదరులు నేటికీ సామాన్య మధ్యతరగతి జీవితమే గడుపుతున్నారు… ఒక ప్రధాని సోదరుడిగా లభించే ఎలాంటి ప్రయోజనాలను వారు ఆశించలేదు, మోదీ వారిని ఎప్పుడూ తన అధికార నివాసంలోకి రానివ్వలేదు… తన అధికారం ఛాయల్లోకి వాళ్లకు ప్రవేశం నిషిద్దం…
3. యోగి ఆదిత్యనాథ్, రాజ్యాధికారం చేపట్టిన యోగి …. ఈయన కథ మరింత స్ఫూర్తిదాయకం… దేశంలోనే అతిపెద్ద రాష్ట్రానికి ముఖ్యమంత్రిగా ఉండి కూడా ఆయన తన కుటుంబాన్ని ఏ స్థితిలో ఉంచారో చూడండి…
-
బిఎస్ఎఫ్ సోదరుడు…: యోగి సోదరుడు మహేంద్ర సింగ్ బిష్త్ దేశ సరిహద్దుల్లో మైనస్ డిగ్రీల చలిలో దేశాన్ని కాపాడుతున్నాడు… తన అన్న సీఎం కాబట్టి వెనుక వరుసలో కూర్చుని సుఖపడాలనుకోలేదు…
-
టీ దుకాణం నడిపే సోదరి…: ఒక ముఖ్యమంత్రి సోదరి కావడంతో ఆమెకు వేల కోట్లు రావచ్చు… కానీ ఆమె ఇప్పటికీ ఒక చిన్న టీ దుకాణం నడుపుతూ తన స్వార్జితంతో బతుకుతోంది…
-
తల్లి నిరాడంబరత…: యోగి తల్లి సావిత్రి దేవి నివసించే మట్టి గోడల ఇల్లు చూస్తే, ‘నిజాయితీ’ అనే పదానికి నిఘంటువులో అర్థం వెతకాల్సిన పనిలేదు…
4. అంతరం ఎక్కడ ఉంది? కుటుంబ పార్టీల నాయకులు “నా కుటుంబమే నా దేశం” అనుకుంటే… మోదీ, యోగి వంటి వారు “దేశమే నా కుటుంబం” అని నమ్ముతారు…
-
ఒకవైపు కోట్లు సంపాదించి విదేశీ బ్యాంకుల్లో దాచుకునే వారుంటే, మరోవైపు పదవి అయిపోయాక తమ వెంట తీసుకెళ్లడానికి ఒక చిన్న సూట్కేస్ తప్ప మరేమీ లేని వారున్నారు…
-
ఒకవైపు అధికారం కోసం కుటుంబం కోసం పాకులాడే వారు, మరోవైపు తన తండ్రి చనిపోయినా రాష్ట్ర ప్రజల ప్రాణాలు కాపాడటం కోసం అంత్యక్రియలకు కూడా వెళ్లని కఠినమైన క్రమశిక్షణ గల యోగి ఉన్నారు…
ఇదంతా ఇప్పుడు ఎందుకు చెప్పుకుంటున్నాం అంటే… హిమాలయాల శ్రేణులలో, దేవభూమి ఉత్తరాఖండ్లోని పౌరీ జిల్లా, పంచూర్ గ్రామంలో ఒక పాత ఇల్లు ఉంది… అది మట్టి గోడలు, పెంకుటిల్లు… ఆ ఇంటి ప్రాంగణంలో, వయసు మళ్లిన ఒక తల్లి నిరాడంబరంగా కూర్చుని ఉంది… ఆమె ముఖంలో కఠోర శ్రమ, నిండైన ప్రేమ కలగలిపి కనిపిస్తాయి… ఆమె మరెవరో కాదు, దేశంలోనే అతిపెద్ద రాష్ట్రమైన ఉత్తరప్రదేశ్ ముఖ్యమంత్రి యోగి ఆదిత్యనాథ్ తల్లి, సావిత్రి దేవి… ఆమె జీవితం, ఆమె కుటుంబ సభ్యుల జీవనశైలి నేటి రాజకీయాల్లో అరుదైన, స్ఫూర్తిదాయకమైన కథ…
* ఆమెను కలిసేందుకు, అత్యంత కట్టుదిట్టమైన భద్రత మధ్య, కాషాయ వస్త్రాలు ధరించిన ఒక వ్యక్తి అడుగులు వేశాడు… ఆయన మరెవరో కాదు, సన్యాసిగా మారి, రాజ్యాధికారం చేపట్టిన యోగి ఆదిత్యనాథ్… ఈ ముఖ్యమంత్రి తన సొంత తల్లిదండ్రులను, తోబుట్టువులను కలవడం అనేది చాలా అరుదైన విషయం… యోగికి ఇది కేవలం ఒక పర్యటన కాదు, తన మూలాల్లోకి తిరిగి వెళ్లిన క్షణం…
ఆయన్ను చూసిన తల్లి సావిత్రి దేవి కళ్ళు చెమర్చాయి… “రాజు”గా మారిన తన కొడుకును ఆమె ఆప్యాయంగా ఆలింగనం చేసుకుంది… ప్రపంచం దృష్టిలో ఆయన శక్తివంతమైన ముఖ్యమంత్రి కావచ్చు, కానీ ఆమెకు ఆయన ఇప్పటికీ చిన్ననాటి అజయ్ సింగ్ బిష్త్ మాత్రమే… ఈ ఫోటోలు, ఈ వీడియోలు ఇప్పుడు వైరల్ అవుతున్నాయి…
రాజకీయంగా యోగిని, మోడీని తీవ్రంగా వ్యతిరేకించే వాళ్లు బోలెడు మంది... కానీ ఈ ఇద్దరి కఠిన, నియమబద్ధ వ్యక్తిగత జీవితానికి సంబంధించి ప్రత్యర్థులు కూడా ఆశ్చర్యంతో అభినందిస్తారు...
#YogiAdityanath #NarendraModi #MotherLove #SavitriDevi #SimpleLiving #UPCM #IndianPolitics #MuchataExclusive
Share this Article