ఈ మొహం గుర్తుంది కదా… ఈమె కన్ను ఇప్పుడు షిర్డీ మీద పడింది…

ఛస్, నాకిష్టం వచ్చిన దుస్తుల్లో వస్తాను, దమ్ముంటే ఆపండి అని సవాల్ చేసి…. చాలీచాలని దుస్తులున్నా సరే, అంగీకరించాలని డిమాండ్ చేస్తూ… సంప్రదాయ దుస్తులు ధరించాలనే బోర్డుల్ని మొత్తం పీకేస్తా, ఏం చేసుకుంటారో చేసుకొండి అంటూ బయల్దేరింది… (నిజం చెప్పొద్దూ… బీజేపీకి ఇలాంటోళ్లే అత్యంత బలం… ఈ తిక్క మెంటాలటీలే బీజేపీ పట్ల ప్రజల్లో ఆదరణ పెంచేది… వీలయితే అమిత్ షా ఇలాంటోళ్లను పిలిచి పద్మశ్రీలు ప్రదానం చేయాలి…. వీళ్లుంటేనే కదా బీజేపీకి బలం…)

ఈమెకు ఎలాగూ వేరే పనీపాటా లేదు, ఇదే పని,.. నాన్సెన్స్, ఈ సంప్రదాయ దుస్తులేమిటి అబ్సర్డ్, బోర్డులు పీకేస్తా అని బయల్దేరింది… ఈనెల 10 డెడ్ లైన్ అని ప్రకటించింది… మన మీడియాకు ఎలాగూ వేరే పనిలేదు కదా… ప్రచారం చేసింది… దీంతో షిర్డి ట్రస్టు బోర్డు అలర్ట్ అయిపోయింది… బోర్డులు పీకేస్తావా, నీ ఫ్యూజులు పీకేస్తాం అని ఎదురు తిరిగింది… నువ్వూ, నీ మద్దతుదారులు వస్తే కథ వేరే ఉంటుంది అన్నారు… సామాజిక కార్యకర్తలు అంటే హిందూ సమాజ వ్యతిరేక కార్యకర్తలా అనుకుంది…

శాంతిభద్రతలకు భంగం కలగకుండా చూడటానికి సీఆర్పీసీ సెక్షన్ 144 ప్రకారం తృప్తి దేశాయ్ డిసెంబర్ 11వ తేదీ అర్దరాత్రి వరకు షిరిడీలో అడుగు పెట్టకుండా చూడటానికి ముందుగానే ఆమెకు నోటీసులు జారీ చేశారు… మ్యాజిస్ట్రేట్ గోవింద్ శింథే సామాజిక కార్యకర్త తృప్తీ దేశాయ్ కి నోటీసులు జారీ చేశాడు… దేశాయ్ కి నోటీసులు జారీ చెయ్యడంతో తాత్కాలికంగా ఈ వివాదానికి చెక్ పడింది. ఈ దెబ్బతో మేడమ్ తృప్తి దేశాయ్ దిమ్మతిరిగిపోయింది…

డిసెంబర్ 11వ తేదీ అర్దరాత్రి వరకు షిరిడీ ఆలయం ఉన్న మహారాష్ట్రలోని అహమ్మద్ నగర్ జిల్లాలో అడుగు పెట్టకూడదని సామాజిక కార్యకర్త తృప్తి దేశాయ్ కి ఆదేశాలు జారీ చేశారు… తాము సంప్రదాయ దుస్తుల్లోనే ఆలయానికి రావాలని భక్తులకు మనవి చేశామని, ఇలాగే రావాలి, ఇలాగే ఉండాలని నిర్బంధం విధించలేదని షిరిడీ ఆలయ కమిటీ సభ్యులు, దేవాలయం అధికారులు వివరణ ఇచ్చారు… ఈ తృప్తి గనుక తిక్కతిక్క వేషాలు వేస్తే అల్టిమేట్ చర్యలకూ దిగాలని కమిటీ అనుకుంటోంది…

అవునూ, ఇలాంటి కేరక్టర్లకు ఇతర మతాల ఆచారాలు, సంప్రదాయాలు, కట్టుబాట్లు ఎందుకు కనిపించవు అంటారా..? అదే కదా ఈ దేశ దౌర్భాగ్యం…! మన మీడియాకు కూడా ఇదే కదా కావల్సింది… కానివ్వండర్రా… ప్రపంచంలోని మతాలన్నీ మంచివే… ఒక్క హిందూ మతం తప్ప…!!