ఢీ పదమూడో సీజన్ అయిపోయింది… ఫినాలేకు అల్లు అర్జున్ వచ్చినట్టుగా కూడా ప్రోమో విడుదలైంది… ఐకన్ స్టార్ అంటూ బన్నీకి అపూర్వ స్వాగతం, అట్టహాసం గట్రా మోతమోగిపోతోంది… బుధవారం రాత్రితో ఆ సీజన్‌కు ముగింపు… వెంటనే పద్నాలుగో సీజన్ స్టార్ట్ చేయడమే… ఢీ ఎప్పుడూ ఆగదు… మార్పులు, చేర్పులు కూడా ఉండవు… అదే డాన్స్ ఫార్మాట్‌లో, అవే సర్కస్ ఫీట్లతో అలా అలా కొనసాగుతూ ఉంటుంది… ఐతే ఈసారి ట్విస్ట్ ఏమిటంటే..? రాబోయే సీజన్‌లో సుధీర్, రష్మి ఉండబోవడం లేదు… వాళ్లు తప్పుకున్నారా..? తీసివేయబడ్డారో తెలియదు గానీ… గత సీజన్‌లో కొత్తగా వచ్చి చేరిన దీపిక పిల్లి కూడా ఉండబోవడం లేదు… ఒకటో తేదీ నుంచి పద్నాలుగో సీజన్ షూట్ చేయాల్సి ఉంది… వాళ్ల ప్లేసుల్లో కొత్తవాళ్లు ఎవరు అనేది ఇంకా తేలలేదు…
మాటీవీ నుంచి పారిపోయి వచ్చి మళ్లీ ఈటీవీలోకి…
ఒకేసారి ఇద్దరు ఫిమేల్ మెంటార్స్ ఖాళీ చేస్తుండటంతో ఆ కుర్చీల కోసం భానుశ్రీ, మేఘన తదితరులు అప్పుడే పైరవీలు మొదలెట్టేశారు… దీపిక పిల్లి ఇప్పుడిప్పుడే కాస్త ఆ వాతావరణానికి అలవాటవుతోంది… అప్పుడే ఫట్… అంతకుముందు వర్షిణిని ఇలాగే అర్ధంతరంగా వెళ్లగొట్టారు… మరో విషయం… ఢీ షోతో శేఖర్ మాస్టర్‌కు మంచిపేరొచ్చింది… కానీ మాటీవీ పిలవగానే ఢీ వదిలేసి వెళ్లి, అక్కడ కామెడీ స్టార్స్ అనే ఓ దిక్కుమాలిన కామెడీ షోలో జడ్జిగా చేరాడు… ఇజ్జత్ పోగొట్టుకున్నాడు… నవ్వలేక, నవ్వురాక, ఎవరినీ ఏమీ అనలేక నానా ‘చిత్రహింస’ భరించి, ఇక మళ్లీ ఈటీవీ ఢీ షోలోకి వచ్చిపడ్డాడు… నిజానికి ఆ ఖాళీలో ఈటీవీ ఎవరెవరినో ట్రై చేసింది కానీ ఎవరూ సరిగ్గా కుదురుకోలేదు… మొన్నటి దాకా గణేష్ మాస్టర్ ఎక్కువ ఎపిసోడ్లలో కనిపించాడు, కుదురుకున్నట్టే కనిపించింది… కానీ శేఖర్ మాస్టర్ అడగ్గానే ఇక ఈటీవీకి కూడా తప్పలేదు…
ఢీ షో సగం ప్రాణాన్ని చంపేయబోతున్నారా..?
Ads
ప్రియమణి కంటిన్యూ కావొచ్చు… కానీ పూర్ణకు మాత్రం ఇంకా ఏమీ చెప్పలేదట, సస్పెన్స్ కొనసాగుతోంది… ఆమె బదులుగా మరో ఫిమేల్ జడ్జిని కూర్చోబెడతారేమో… ఇక అసలు విషయానికి వద్దాం… ఢీ షోకు అసలు ప్రాణం డాన్స్ బిట్ల మధ్య వచ్చే కామెడీ స్కిట్స్… ప్రధానంగా సుధీర్, ప్రదీప్, రష్మి కామెడీ టైమింగ్… వాళ్లతో కలిసి శేఖర్ మాస్టర్, ప్రియమణి చేసే అల్లరి… లైవ్లీగా ఉండేది… పదమూడో సీజన్‌లో ఆదిని తెచ్చిపెట్టినా సరే, దీపికను ప్రయోగాత్మకంగా తీసుకొచ్చినా వాళ్లతో పెద్దగా ఒరిగిందేమీ లేదు, ఎందుకోగానీ సుధీర్, రష్మిలు కూడా పెద్దగా యాక్టివ్ అనిపించలేదు… అంతకుముందు సీజన్లలో కామెడీ బిట్లు మాత్రం హిలేరియస్… ప్రత్యేకించి సుధీర్, రష్మి డాన్సులు, ఆ కెమిస్ట్రీ తెలుగు బుల్లితెర మీద వెరీ పాపులర్… అలాంటి జంట ఇప్పుడు ఢీ నుంచి ఔట్ అంటే వినడానికే ఆశ్చర్యంగా ఉంది… సో.., ప్రదీప్, ఆది కొనసాగబోతున్నారన్నమాట… సుధీర్ ఢీ-9 నుంచి వరుసగా కొనసాగుతున్నాడు… మరేమైందో ఏమో గానీ… తనకు మల్లెమాల టీంలో పొగబెట్టబడుతోంది…
సుధీర్‌పై ముప్పేట దాడి… క్షుద్రపూజలు సహా…
మొదట్లో ఓ పండగ స్పెషల్‌ నుంచి తీసేశారు… తరువాత ఎక్సట్రా జబర్దస్త్ మానేయబోతున్నాడని వార్తలొచ్చినయ్… ఇంకా అది పూర్తిగా సెట్ కాలేదు, ప్రస్తుతానికి షూటింగుకు వస్తున్నాడు సుధీర్… ఎన్నాళ్లో తెలియదు… సమస్య మాత్రం ఉంది… ఆ టీంలో ఎవరో తనను టార్గెట్ చేస్తున్నట్టుగా ఉంది… (సినిమా అవకాశాలు పెరిగాయి, అందుకే మానేస్తున్నాడనే వివరణలు అబద్ధం… లైట్ తీసుకొండి… త్రీమంకీస్, సాఫ్ట్‌వేర్ సుధీర్ హీరోగా చేస్తున్నప్పుడే తను జబర్దస్త్ మానేయలేదు)… ఇప్పుడు ఇక ఢీ… మరో సమాచారమూ ప్రచారంలో ఉంది… బిగ్‌బాస్ నుంచి సన్నీ బయటికి రాగానే శ్రీదేవి డ్రామా కంపెనీ హోస్టింగ్ అప్పగిస్తారట… అంటే అక్కడా సుధీర్‌కు పొగే… ఎక్సట్రా జబర్దస్త్‌లో ఖాళీ అయ్యే సుధీర్ టీం స్పేస్‌లోకి రోహిణి, విష్ణుప్రియ టీం లీడర్లుగా ఓ టీం రాబోతున్నదట… (విష్ణుప్రియకూ సుధీర్‌కు ఎందుకు చెడిపోయింది..? రష్మి ఇప్పుడు ఎక్కడ ఉంటోంది..? సుధీర్‌ను దెబ్బతీయటానికి ఇద్దరు టాప్ యాంకరిణులు 22 కుక్కల్ని బలి ఇచ్చి సాగించిన ఆ క్షుద్రపూజ ఏమిటి..? అదంతా మళ్లీ వేరే క్షుద్రమైన కథ…) అవునూ.., సుధీర్, ఆటో రాంప్రసాద్, గెటప్ సీను ఎపిసోడ్ లేకుండా ఇక ఎక్సట్రా జబర్దస్త్ చూసేవాళ్లెవరు..? మంచు విష్ణు- ఆది తాలూకు బురదను, దురదను ఎలాగోలా శ్యాంప్రసాద్‌రెడ్డి ఎలాగోలా క్లియర్ చేశాడట… మరి ఈ సుధీర్ గొడవేంటి సార్..?! ఒకవేళ ఈటీవీ గనుక వదిలేస్తే సుధీర్ అండ్ బ్యాచ్‌ను జీతెలుగు క్యాచ్ చేయడం బెటర్, అక్కడ ఎలాగూ ఓ కామెడీ షో స్పేస్ ఖాళీగా ఉండిపోయింది…!!
Share this Article