చైనా తత్వమే మోసం… అది బంగ్లాదేశ్‌ను కూడా ముంచేస్తోంది ఇలా…

*******

చైనాకి చెందిన కొండా ఆర్ట్ మెటీరియల్స్ బంగ్లాదేశ్ కంపనీ లిమిటెడ్ [Conda Art Materials Bangladesh Co. Limited’] సంస్థ బంగ్లాదేశ్ లో వ్యాపారం నిర్వహిస్తున్నది… అయితే ఈ సంస్థ బీజింగ్ కి చెందిన నింగ్బో కొండా ఆర్ట్ సప్లైస్ గ్రూప్ కంపెనీ లిమిటెడ్, చైనా [Ningbo Conda Art Supplies Group Co Ltd. (China) కి అనుబంధ సంస్థ. ఈ సంస్థ ‘మేడ్ ఇన్ బంగ్లాదేశ్ ‘ లేబుల్ వేసి విదేశాలకి గూడ్స్ ని ఎగుమతి చేస్తున్నది.

నిజానికి ఎక్స్పొర్ట్ ప్రొసెస్సింగ్ జోన్ కింద [EPZ (Export Processing Zone) ] EPZ పరిధిలో తన కార్యకలాపాలని నిర్వహించుకోవాల్సి ఉంటుంది. అంటే చైనా నుండి ముడి సరుకు బంగ్లాదేశ్ కి దిగుమతి చేసుకొని, అక్కడ తయారు చేసి విదేశాలకి ఎగుమతి చేయాల్సి ఉంటుంది. చైనా నుండి దిగుమతి చేసుకునే ముడి సరుకుకి ఎలాంటి టాక్స్ కట్టనవసరం లేదు… కేవలం స్థానిక పన్నులు మాత్రమే కట్టాలి. కానీ సదరు చైనా కంపనీ చైనాలోనే తయారు చేసి, వాటిని బంగ్లాదేశ్ లోకి దిగుమతి చేసుకొని, వాటి మీద ‘Made In Bangladesh ‘ లేబుల్స్ వేసి, విదేశాలకి ఎగుమతి చేస్తున్నది. పట్టుబడిన వాటి దిగుమతి పన్ను విలువ 28 కోట్ల రూపాయలు ! ఈ 28 కోట్ల రూపాయలని ఎగవేసి, చైనా నుండి బంగ్లాదేశ్ కి దిగుమతి చేసి, తిరిగి విదేశాలకి ఎగుమతి చేసింది. మొత్తం 200 కనసైన్మెంట్స్ [consignments] కి సంబంధించి పన్ను ఎగవేసింది చైనా !

********

గత జనవరి నెలలో బంగ్లాదేశ్ కి చెందిన డైరక్టర్ జనరల్, యాంటీ ఫేక్ కంపనీస్, చైనాకి చెందిన ఒక కంపనీ మీద దాడి చేసినప్పుడు ఆశ్చర్యపరిచే విషయాలు వెలుగులోకి వచ్చాయి. చైనా సంస్థ బంగ్లాదేశ్ కి సరఫరా చేసిన రోల్ బొండ్స్ [a thin band wrapped around bidis and cigarette packets) అంటే సిగరెట్, బీడీ పాకెట్స్ మీద ఉండే సన్నని ప్లాస్టిక్ కవర్ దానిని చుట్టి ఉండే సీల్ [సీల్ చివరని పట్టుకుని లాగితే పాకెట్ మీద సన్నటి కవర్ ఊడి పోతుంది ] లని డూప్లికేట్ వి సప్లై చేసింది చైనా… వీటి వల్ల కలిగిన నష్టం 250 కోట్ల రూపాయలు. ఇదే చైనా సంస్థ ఫాక్టరీలో బంగ్లాదేశ్ పాస్ పోర్ట్ [నకిలీవి ] లు వేల సంఖ్యలో దొరికాయి. బంగ్లాదేశ్ కి చెందిన ఎన్నికల బాలెట్ పేపర్లు, బర్త్ సర్టిఫికెట్లు, బంగ్లాదేశ్ నేషనల్ ఐడెంటిటి కార్డులు కూడా దొరికాయి. వీటిని అదే సంస్థ ప్రింటింగ్ చేస్తున్నట్లుగా అధికారులు నిర్ధారించారు.

********

ఏప్రిల్ నెలలో బంగ్లాదేశ్ అధికారులు చిట్టగాంగ్ – ఢాకా హైవే మీద వెళ్తున్న 10 వాన్లు, 7 కంటైనర్స్ ని ఆపి చెక్ చేయగా భారీ మొత్తం లో పన్ను చెల్లించని వస్తువులు దొరికాయి. ఈ కంటైనర్స్ బంగ్లాదేశ్ ఎక్స్పొర్ట్ ప్రాసెసింగ్ జోన్ [BEPZ] నుండి వెళ్తున్నట్లు కనుగొన్నారు. కానీ ఎలాంటి పన్ను చెల్లించకుండా BEPZ అధికారులకి లంచాలు ఇచ్చి బయటి తెచ్చారు చైనా వాళ్ళు. చివరికి బలి అయింది మాత్రం BEPZ కి చెందిన బంగ్లా అధికారులు.

********

జులై నెలలో మరో చైనా సంస్థ కి చెందిన వాహనాలని తనిఖీ చేయగా 2700 కార్టన్ల చైనా తయారీ మద్యం బాటిళ్ళు దొరికాయి. వీటిని కూడా ఎలాంటి పన్ను చెల్లించకుండా ఢాకా రేవుకి తరలిస్తున్నారు వేరే దేశాలకి ఎగుమతి చేయడానికి… కానీ వాటి మీద బంగ్లాదేశ్ స్టిక్కర్లు ఉన్నాయి.

*********

దక్షిణ ఆసియా ప్రాంత దేశాలలో చైనా చేస్తున్న వ్యాపారాలు అన్నీ కూడా పన్ను ఎగవేతకి పాల్పడుతున్నాయి. వీటిలో చైనా ప్రభుత్వ సంస్థలతో పాటు, ప్రైవేట్ సంస్థలు కూడా ఉన్నాయి. ఆయా దేశాలలో నకిలీ పాస్పోర్ట్ లతో పాటు ఆయా దేశాల పౌరుల గుర్తింపు కార్డులని ప్రింట్ చేసే అదే దేశాలలోని సంఘ విద్రోహ శక్తులకి చౌకగా అమ్మడం వంటి పనులు కూడా చేస్తున్నాయి. 2011 – 2021 సంవత్సరాల మధ్య చైనా బంగ్లాదేశ్ లో ఇన్ఫ్రా ప్రాజెక్టు కోసం 10 బిలియన్ డాలర్లని పెట్టుబడులుగా పెట్టింది. 2016 లో జింగ్పింగ్ బంగ్లా పర్యటనలో ఇన్ఫ్రా ప్రాజెక్టులని ఇచ్చినందుకు గాను బంగ్లాదేశ్ కి ప్రయోజనాలు కలిగించే చిన్న ప్రాజెక్టులని ఉచితంగా చేసి పెడతాను అంటూ అగ్రిమెంట్ మీద సంతకం పెట్టి, తరువాత వాటిని నెరవేర్చలేదు. అంటే ఆఫ్ సెట్ కింద చైనా పెట్టాల్సిన పెట్టుబడులని పట్టించుకోలేదు ఇప్పటివరకు…

*********

ఇక బంగ్లాదేశ్ లోని కర్ణాఫుల్ మల్టిపుల్ రోడ్ టన్నెల్ ప్రాజెక్టుని [Karnaphuli multiple road tunnel project] 2017 లో జింగ్పింగ్ బీజింగ్ నుండి జెండా ఊపి ప్రారంభం చేశాడు. ఈ ప్రాజెక్టుని చైనా కి చెందిన [China Communication and Construction Company Limited] చైనా కమ్యూనికేషన్ మరియు కనస్ట్రక్షన్ కంపనీ లిమిటెడ్ [చైనా ప్రభుత్వ సంస్థ ] చేపట్టింది. 2020 కల్లా 9.3 కిలోమీటర్ల టన్నెల్ ని పూర్తి చేయాల్సి ఉండగా ఇప్పటి వరకు ఆ ప్రాజెక్ట్ పూర్తి కాలేదు, సరికదా బంగ్లాదేశ్ ప్రభుత్వం ఎన్నిసార్లు విజ్ఞప్తి చేసినా చైనా పట్టించుకోవట్లేదు. తాజాగా ఈ ప్రాజెక్టుని 2023 కల్లా పూర్తి చేస్తామని చెప్పింది, కానీ అప్పటికి కూడా పూర్తవతుంది అని గ్యారంటీ లేదు. ఈ ప్రాజెక్టుని కూడా నేపాల్ విద్యుత్ ప్రాజెక్టుని మధ్యలోనే వదిలేసి వెళ్లిపోయినట్లు చేస్తుంది అని బంగ్లా స్టార్ అనే పత్రిక వ్యాఖ్యానించింది. బహుశా ఈ ప్రాజెక్ట్ తిరిగి మన దేశానికి రావొచ్చు…

*********

2009 కి చైనాకి చెందిన ప్రభుత్వ రంగ సంస్థ నైజీరియాకి మందులు సరఫరా చేసింది. కానీ అవి నకిలీ మందులు అని నైజీరియా ప్రభుత్వం తిప్పి పంపింది .. ఆ మందుల మీద ‘Made In India ‘ అని ప్రింట్ చేసి మరీ సరఫరా చేసింది చైనా. నైజీరియా ప్రభుత్వం విచారణ ప్రారంభం చేయగానే వాటిని చైనా ప్రభుత్వ రంగ సంస్థ తయారు చేసినట్లు ఒప్పుకుంది. అదే సంవత్సరంలో మన రాహుల్ గాంధీ బీజింగ్ వెళ్ళి మరీ కాంగ్రెస్ పార్టీ మరియు చైనా ప్రభుత్వం మధ్య MoU కుదుర్చుకున్న సంగతి తెలిసిందే !

***********

చివరికి బంగ్లాదేశ్ కూడా శ్రీలంక కాకుండా జాగ్రత్త పడాలి అంటూ బంగ్లా పత్రికలు హెచ్చరిస్తున్నాయి.  రెండు రోజుల క్రితం మన దేశ పర్యటనకి వచ్చిన బంగ్లా ప్రధాని షేక్ హసీనా ప్రధాని మోడీ ముందు తమ దేశానికి కావాల్సిన ఆయుధాలని సరఫరా చేయాల్సిందిగా కోరింది. బంగ్లా అధికారులు ఒక లిస్ట్ తీసుకొని మరీ వచ్చారు తమకి ఏఏ ఆయుధాలు కావాలో ! అయితే షేక్ హసీనా మాత్రం ఈసారి తమకి క్రెడిట్ లైన్ కింద భారత ఆయుధాలని ఇవ్వాలని కోరింది. దానిని ప్రధాని మోడీ ఆమోదించారు! చైనా చెడు మనకి లాభం ఇస్తున్నది అన్నమాట !!