అణుయుద్ధం వైపే పయనం..? స్ట్రాటజిక్ బాంబులా..? అణుబాంబులా..?

గత ఫిబ్రవరిలో ఉక్రెయిన్ మీద దాడి చేసి, ఇప్పటి వరకు ఉక్రెయిన్ దేశంలోని 15% శాతం భూభాగాన్ని తన అధీనంలోకి తీసుకుంది రష్యా. ఈ భూభాగం లుహాన్సక్ [Luhansk], డొనేట్స్క [Donetsk], జపరోఝియ [Zeporizhzhia], ఖేర్సన్ [Kherson] ప్రాంతాలు ఉన్నాయి. మూడు రోజుల క్రితం అధికారికంగా ఈ నాలుగు ప్రాంతాలని రష్యాలో విలీనం చేసినట్లు పుతిన్ అధికారంగా ప్రకటించాడు.

లుహాన్సక్ [Luhansk], డొనేట్‌స్క్ [Donetsk], జపరోఝియ [Zeporizhzhia], ఖేర్సన్ [Kherson] ప్రాంతాలు క్రిమియా ద్వీపకల్పంతో కలిసిపోయి ఉన్నాయి. ఈ ప్రాంతాలు రష్యా భూభాగంతో సరిహద్దుని కలిగి ఉన్నాయి. అలాగే రైల్వే లైన్ కూడా ఉంది రష్యాతో. కానీ ఇటీవలే ఉక్రెయిన్ దళాలు ఈ నాలుగు ప్రాంతాలని రష్యాతో కలిపే రైల్వే, రోడ్డు మార్గాలని ధ్వంసం చేసి, రష్యా నుండి ఎలాంటి సహాయం అందకుండా చేయడంలో సఫలం అయ్యింది.

************************************

09, అక్టోబర్, 2022 శనివారం రోజున…. క్రిమియా ద్వీపకల్పాన్ని మరియు రష్యా మెయిన్ లాండ్ ని కలిపే కెర్చ్ బ్రిడ్జ్ [Kerch Bridge] … ఒక ట్రక్కులో ప్రేలుడు పదార్ధాలు నింపి, దానిని కేర్చ్ బ్రిడ్జ్ మధ్యలోకి తీసుకెళ్ళి అక్కడ ఆ ట్రక్కుని పేల్చేశారు, దాంతో రైలు, రోడ్డు మార్గాలు రెండూ కూడా ధ్వంసం అయ్యాయి. దాంతో క్రిమియాతో పాటు లుహాన్సక్ [Luhansk], డొనేట్స్క [Donetsk], జపరోఝియ [Zeporizhzhia], ఖేర్సన్ [Kherson] ప్రాంతాలకు రష్యాతో సంబంధాలు తెగిపోయినట్లయింది. ఇది ఇప్పటి వరకు రష్యా కి జరిగిన అతి పెద్ద నష్టంగా చెప్తున్నారు నిపుణులు. ప్రస్తుతం కేర్చ్ బ్రిడ్జ్ మాత్రమే రెండు ప్రాంతాలని కలుపుతూ వస్తున్నది. ఇప్పుడు అది కూడా నాశనం అయిపోయింది.

*****************************

రాబోయే రోజుల్లో క్రిమియాతో పాటు లుహాన్సక్ [Luhansk], డొనేట్స్క [Donetsk], జపరోఝియ [Zeporizhzhia], ఖేర్సన్ [Kherson] ప్రాంతాలలలో ఉన్న రష్యన్ సైన్యానికి మరియు అక్కడి ప్రజలకి ఎలాంటి ఆహార, ఇంధన, మంచి నీటి సరఫరా జరిగే అవకాశాలు లేవు. పోనీ కూలిపోయిన బ్రిడ్జ్ ని తిరిగి కట్టాలంటే ఇప్పట్లో అసాధ్యం… ఎందుకంటే రోజుల్లో బ్రిడ్జ్ అదీ సముద్రంలో కట్టడం కష్టం. ఒకవేళ రిస్క్ తీసుకొని పునర్నిర్మాణం చేయాలని చూసినా, ఉక్రెయిన్ ఆ ప్రయత్నాన్ని కూడా అడ్డుకుంటుంది ! పోనీ నల్ల సముద్రం ద్వారా సరఫరా చేయాలని చూసినా అక్కడ కూడా యాంటీ షిప్ మిసైళ్ళ ని ప్రయోగించి సరఫరా చేసే నౌకలని ముంచివేసే ప్రమాదం ఉంది. ఇప్పటికే సరఫరా చేసే నౌకలని మూడింటిని ఉక్రెయిన్ ద్వంసం చేసిన సంగతి తెలిసిందే !

ఇప్పటికే యుద్ధం వలన రష్యా ఆక్రమిత ఉక్రెయిన్ ప్రాంతాలలో మంచి నీటి కొరత తీవ్రంగా ఉంది. ఉక్రెయిన్ భూభాగం నుండి ప్రవహించే నదులని ఉక్రెయిన్ సైన్యం క్రిమియా దగ్గర నల్ల సముద్రంలో కలవకుండా ఆపగలిగింది ఇన్నాళ్ళూ. ఇప్పుడు శీతాకాలం కాబట్టి నీళ్ళు గడ్డ కట్టి ప్రవాహం అంటూ ఏమీ ఉండదు. మంచి నీళ్ళు దొరకక రష్యా నుండి ట్యాంకర్ల ద్వారా అరకొర నీళ్ళు సప్లై అవుతుండగా, తాజాగా కేర్చ్ బ్రిడ్జ్ ని ధ్వంసం చేయడం వలన ఆ కాస్త నీటి సరఫరా కూడా ఆగిపోయింది. ఆహారం, మందులు, ఆయుధాలు, ఇతర స్పేర్ పార్ట్శ్ సప్లై కూడా ఆగిపోయింది కాబట్టి రష్యన్ సైన్యం తాను ఆక్రమించుకున్న ప్రాంతాన్ని ఎన్ని రోజులు కాపాడుకోగలుతుంది అన్నదే ప్రశ్న !

ఇంతకీ కేర్చ్ బ్రిడ్జ్ ని ఎవరు పేల్చివేశారు ?

రష్యా, ఉక్రెయిన్ లు పరస్పర విరుద్ధమయిన ఆరోపణలు చేసుకుంటున్నాయి. తటస్థ మీడియా యుద్ధ వార్తలని బయటి ప్రపంచానికి తెలిపే క్రమంలో ఒక వార్త బయటికి వచ్చింది అది : ఉక్రెయిన్ స్పెషల్ ఫోర్సెస్ ఒక ట్రక్కు నిండా పేలుడు పదార్ధాలని తీసుకెళ్ళి సముద్ర మధ్య భాగంలో పేల్చివేయడం వలన బ్రిడ్జ్ కూలిపోయింది అని… కానీ ఒక ట్రక్కు పేలుడు పదార్ధాలు అంతలా బ్రిడ్జ్ ని కూల్చగలుతాయా ? అసంభవం ! కానీ అమెరికా లేదా యూరోపు దేశాలలో ఎవరో చాలా హై ఎక్స్‌ప్లోజివ్ బాంబులని ఉక్రెయిన్ కి ఇచ్చి వుండవచ్చు లేకపోతే అంత విధ్వంసం జరగదు.

కేర్చ్ బ్రిడ్జ్ ని కూల్చివేసిన తరువాత భయం వల్లనో లేదా ఎందుకో కానీ ఉక్రెయిన్ తాము బ్రిడ్జ్ ని కూల్చివేసినట్లు వస్తున్న వార్తలని ఖండించింది అలాగే రష్యన్ సైనికులే బ్రిడ్జ్ ని కూల్చివేశారు అంటూ ఆరోపణలు చేస్తున్నది. అయితే పుతిన్ స్ట్రాటజిక్ ఆటమిక్ వేపన్స్ ని ప్రయోగించడానికి బ్రిడ్జ్ కూల్చివేతని సాకుగా చూపిస్తున్నాడు అని ఉక్రెయిన్ ఆరోపిస్తున్నది. మరో వైపు నాటో దేశాలు వ్యూహాత్మకంగా పుతిన్ ని రెచ్చగొట్టి పరిమిత పరిధిలో అణు ధార్మికతని వ్యాపింప చేయగల స్ట్రాటజిక్ బాంబులని ప్రయోగించేలా చేసి, చివరికి అందరూ ఏకం అయ్యి రష్యాపైకి దాడి చేయాలనే కుట్ర కూడా దాగి ఉండవచ్చు. అయితే పుతిన్ అంతవరకు రానిస్తాడా? లేకపోతే తానే ముందుగా ICBM లని ప్రయోగించి నాటో దేశాల మీద దాడులు చేస్తాడా ? ఎవరి వ్యూహం ఏమిటో అంతు చిక్కకుండా ఉంది ప్రస్తుతం !

ఉత్తర కొరియా వరుసగా బాలిస్టిక్ మిస్సయిల్స్ ని ప్రయోగిస్తూ వెళుతున్నది. ఇది చైనా వెనక ఉండి చేయిస్తున్నది అని తెలుసు కానీ ఎలాంటి కవ్వింపు చర్య లేకుండా ఎందుకు ఈ పని చేస్తున్నది ? గత రెండు వారాల వ్యవధిలో ఇప్పటి వరకు 7 బాలిస్టిక్ మిస్సైల్స్ ని ప్రయోగించింది ఉత్తర కొరియా. ఈ చర్య రష్యాకి సమర్ధనగా చేస్తున్నదా లేక చైనా కి సమర్ధనగా చేస్తున్నదా ? ఏది ఏమయినా రానున్నవి గడ్డు రోజులే !