రాజ్యం పోయి, ఆస్తులు కరిగిపోయి… అంతటి నిజాం వారసుడు చివరకు…

చేతిలో చిల్లి గవ్వ లేదు. దీనికి తోడు హైదరాబాద్ లోని ఆస్తులపై అతని మేనత్తలు, వారి వారసులు కూడా కోర్టు కెక్కడంతో అవి ఎటూ తెగలేదు. హైదరాబాద్ లో కొన్ని ఆస్తులకు సంరక్షకులుగా ఉన్న వారు వాటిని అతనికి తెలియకుండా అమ్ముకున్నారు. హైదరాబాద్ పోలీస్ యాక్షన్ అప్పుడు ఏడో నిజాం మీర్ ఉస్మాన్ అలీ ఖాన్ కొంత డబ్బును పాకిస్థాన్ పంపించాడు. పాకిస్థాన్ ప్రభుత్వం ఆ డబ్బును లండన్ లోని వెస్ట్రన్ బ్యాంక్ లో జమ చేసింది. వడ్డీతో కలిపి అది ఇప్పుడు చాలా అయ్యింది. ఆ డబ్బు తమదంటే తమదని అటు పాకిస్థాన్, ఇండియా ప్రభుత్వాలు, ఇటు ప్రిన్స్ ముఖరంజా వాదించారు. మీరు ముగ్గురు ఏకాభిప్రాయంతో ఆ డబ్బు ఎవరిదని వస్తారో అప్పుడే ఇస్తామని వెస్టన్ బ్యాంక్ వారు చెప్పారు.

ఈ విధంగా ఎనిమిదో నిజాం కున్న ఆస్తులన్ని వివాదాల్లో చిక్కుకున్నాయి. చేతిలో ఉన్న ఆస్తులన్నీ కరిగిపోయాయి. ఒకప్పటి ప్రపంచ కుబేరుడు దివాళా తీశాడు. చివరి రోజుల్లో ఇస్తాంబుల్ లోని ఓ డబుల్ బెడ్ రూమ్ ప్లాట్ కే పరిమితమై పోయాడు. ఆయన ఆసక్తికరమైన జీవిత చరిత్ర గురించి విదేశీ జర్నలిస్ట్ The Last Nizam..The rise and fall of India’s greatest princely state అనే పుస్తకం రాశాడు. ఇందులో ప్రిన్స్ ముఖరంజా గురించి ఎన్నో విషయాలు వెల్లడించాడు. రాజుల సొమ్ము రాళ్ల పాలు అంటే ఇదేనేమో..!!