ఒక వార్త… పుష్ప సీక్వెల్‌లో సాయిపల్లవి నటించబోతోంది అని..! ఆల్ రెడీ సినిమా చేయడానికి ఆమె అంగీకరించిందనీ, సంతకాలు చేసిందనీ, ఈవిషయాన్ని పుష్ప టీం ఏప్రిల్ 8న బయటపెట్టబోతోంది అని ఆ వార్తల సారాంశం… ఆ డేట్ ప్రాముఖ్యం ఏమిటయ్యా అంటే… అది అల్లు అర్జున్ అలియాస్ బన్నీ బర్త్ డే…
ఇక్కడ ప్రశ్న ఏమిటంటే..? బన్నీ బర్త్‌డేకు, సినిమాలో సాయిపల్లవి పాత్రను రిలీవ్ చేయడానికి సంబంధం ఏమిటి..? ఈ సినిమా చేస్తున్నట్టు ఆమె వైపు నుంచి ఏ నిర్ధారణ లేదు… పుష్ప టీం కూడా ఏమీ మాట్లాడటం లేదు… ఫేక్ వార్త కావొచ్చుననే అభిప్రాయాలూ ఉన్నాయి… ఎందుకంటే..? సాయిపల్లవి చాన్నాళ్లుగా అయిపూజాడా లేదు…
మంచి పాత్ర దొరికితే మళ్లీ కనిపిస్తాను అని ఎక్కడో ఎవరితోనో అన్నట్టు వార్తలు వచ్చాయి గానీ… ఆమె చేతిలో ప్రస్తుతానికి ఏ సినిమా లేదు… అసలు ఆమె ఎవరికీ కనిపించడం లేదు… మధ్యలో ఒకసారి పుట్టపర్తి సాయి మందిరంలో కొత్త సంవత్సరం వేళ కనిపించినట్టు వినికిడి… అంతే… పుష్ప సినిమాలో అసలు రష్మిక పాత్రకే పెద్ద ప్రాధాన్యం లేదు… రెండుమూడు వెగటు సీన్లు కూడా ఉన్నాయి… ఓ డాన్స్ కూడా… హీరోయిన్ పాత్రే అలా ఉంటే, ఇక సాయిపల్లవికి ఆఫర్ చేసిన సెకండ్ లేయర్ పాత్రకు ఉండే ప్రాధాన్యం ఎంత..?
Ads
తన పాత్రకు పెద్దగా విలువ లేని పక్కా కమర్షియల్ సినిమాలో సాయిపల్లవి నటిస్తుందా..? కాకపోతే ఒక్కటి మాత్రం నిజం… బన్నీ, సాయిపల్లవి కలిసి డాన్స్ చేస్తే మాత్రం అదిరిపోతుంది… దాన్ని విజయవంతంగా సినిమాలో ఇరికించగలిగితే… కానీ ఆమెకు ఆ ట్రైబల్ లేడీ పాత్ర నచ్చాలి కదా… సో, కాసేపు ఈ ఫేక్ ప్రచారాన్ని పక్కన పెట్టేద్దాం…
పుష్ప సినిమా పాన్ ఇండియా రేంజులో ప్రతిచోటా క్లిక్కయింది… ఊహించనంత డబ్బు, పాపులారిటీ వచ్చాయి… ప్రత్యేకించి పుష్పలో సీన్లు, పాటలు హిందీలో ఎక్కువ పాపులరయ్యాయి… ఆ స్పూఫులు, వివిధ వేదికలపై ఆ పాటలు, డాన్సులు… అసలు పుష్ప టీం ఈ విజయాన్ని ఈ రేంజులో ఎక్స్‌పెక్ట్ చేయలేదు కూడా… సో, పుష్ప రెండో భాగానికి ఎంత ఖర్చయినా సరే అంటున్నారు… పుష్ప అనే బ్రాండ్ ఇమేజీతో కొట్టేస్తుంది సినిమా…
ఎర్ర చందనానికి జపాన్‌లో ఫుల్లు గిరాకీ కదా… అక్కడికే స్మగ్లింగు జరుగుతూ ఉంటుంది కదా… సో, పుష్ప తన స్మగ్లింగును జపాన్ దాకా విస్తరిస్తాడట… కథ అటు షిఫ్లయిపోతుందన్నమాట… అంతేకాదు, జపాన్ సినిమాల్లో ఈమధ్య బాగా పాపులరైన ఓ ఆర్టిస్టు ఉన్నాడట… అక్కడ హీరో వంటి పదాలు వాడరు… యాక్టర్, లీడ్ రోల్ వంటి పదాలే వాడతారు… ఆ నటుడికి 40- 50 కోట్ల దాకా ఆఫర్ ఇస్తున్నారట… ఆ రేంజులో వెళ్లిపోతున్నది పుష్ప టీం… సాయిపల్లవి ఎట్సెట్రా ఆర్టిస్టులు వాళ్లకు కనిపించే సీనే లేదు ఇప్పుడు…!!
Share this Article