ఎవరు ఆంధ్ర..? ఎవరు తెలంగాణ..? అంతా మన భ్రమ… లీడర్ల మాయ…!

పూర్తి ఆధారాలతోనే చెబుతున్నాను బ్రో … ప్రముఖ తెలంగాణవాదులు అందరూ ఇప్పుడు ఆంధ్రాలోనే చక్రం తిప్పుతున్నారు …

1 హైదరాబాద్ లో నేను తిరిగినన్ని గల్లీలు ఎవరూ తిరగలేదు. నేనే పక్కా హైదరాబాదీని అని కిరణ్ కుమార్ రెడ్డి ఎంత బాగా చెప్పే వాడు, గుర్తుందా నీకు ? ఇప్పుడాయన ఆంధ్రా బీజేపీలో చేరారు … ఆంధ్రా బీజేపీకి ఇప్పుడాయనే ఆశా కిరణం … ఒకప్పుడు తెలంగాణ ఏర్పాటును గట్టిగా వ్యతిరేకించి, చివరి బాల్‌కు సిక్స్ కొట్టబోయి తనే బోల్తా కొట్టాడు…

2. హైదరాబాద్ లో పుట్టి పెరిగాను. ఇక్కడ పతంగులు ఎగురవేస్తూ పెరిగాను … నేనే సిసలైన తెలంగాణవాణ్ని అని లోకేష్ వచ్చీ రాని తెలుగులో ఎంత ముద్దుముద్దుగా చెప్పే వారు గుర్తుంది కదా ? ఇప్పుడాయన ఆంధ్రాలో టీడీపీని అధికారంలోకి తీసుకురావడానికి పాదయాత్ర కూడా చేస్తున్నాడు … ఆంధ్రా టీడీపీకి ఆశా జ్యోతి ఆయనే ….

3 నందమూరి సుహాసిని అలియాస్ చుండ్రు సుహాసిని గుర్తున్నారా ? తెలంగాణ ఏర్పాటుకు వ్యతిరేకంగా రాజ్యసభ సభ్యత్వమే వదులుకున్న హరికృష్ణ కుమార్తె ఆమె… నేనూ తెలంగాణ మహిళనే అని మనకు అర్థం కాని ఏదో భాషలో మైకులో చెప్పినా, ఈనాడులో చక్కని తెలుగులో రాశారు… అసెంబ్లీ ఎన్నికల్లో కూకట్ పల్లి నుంచి పోటీ చేసి, నేనే సిసలు తెలంగాణ అని బలంగా వాయిస్ వినిపించారు … గుర్తుంది కదా … నిన్నటి వరకు ఈమె తెలంగాణ టీడీపీ కమిటీలో ఏదో పదవిలో ఉండేవారు … ఈసారి ఆంధ్రా నుంచి పోటీ చేయిస్తారట … అందుకే తెలంగాణ కమిటీ నుంచి తప్పించారు …

4. మరి షర్మిలక్క… నేనే తెలంగాణ …. తెలంగాణ అంటేనే నేను అంటున్న షర్మిలక్క అసెంబ్లీ ఎన్నికల తరువాత ఆంధ్రా వెళ్లి … ఆంధ్రాలో తెలంగాణవాదిగా చక్రం తిప్పుతారు …. చూస్తూ ఉండండి… ఇప్పుడు చెప్పండి, తెలంగాణ వాళ్లు ఆంధ్రాలో చక్రాలు తిప్పుతున్నారా లేదా..?