స్టార్ మాటీవీ దేశంలోనే నంబర్ వన్… మరింత దిగజారిపోయిన ఈటీవీ…

మనం అప్పుడప్పుడూ టీవీ చానెళ్ల రేటింగుల గురించి మాట్లాడుకుంటున్నాం… ఇప్పుడిక ఎన్టీవీ స్థిరంగా ఫస్ట్ ప్లేసులో కూర్చుండిపోయింది… ఇప్పట్లో టీవీ9 దాన్నికొట్టేసే పరిస్థితి, సూచనలు కనిపించడం లేదు… ఆ రెండే… మిగతావన్నీ సోసో… మరి వినోదచానెళ్లు..?

మనకు ఉన్నవే నాలుగు ప్రధానమైన వినోద చానెళ్లు… అందులో జెమిని టీవీని పక్కన పెట్టాల్సిందే… ఒకప్పుడు టాప్… ఇప్పుడది ఆరో ప్లేసు… ఎప్పుడో ఓసారి ఏదైనా హిట్ చిత్రాన్ని టెలికాస్ట్ చేసినప్పుడు తప్ప ఆ చానెల్‌ను ఎవరూ పట్టించుకోవడం లేదు… యాజమాన్యానికి కూడా పెద్ద ఇంట్రస్టు లేదు… సో, దాని గతి అంతే…

చెప్పుకోవాల్సింది స్టార్ మాటీవీ గురించి… 21.72 పాయింట్లతో టాప్… అదెప్పుడూ టాపే… దాని సమీపంలోకి కూడా ఇతర చానెళ్లు వెళ్లలేకపోతున్నయ్… ఆమధ్య కొన్నాళ్లు జీతెలుగు మంచి పోటీ ఇచ్చినా సరే, ఇప్పుడు అదీ చేతులెత్తేస్తోంది… దాని పాయింట్లు కేవలం 14.29 మాత్రమే…  రియాలిటీ షోలు చేతగాకపోయినా సరే…  ఒకవైపు స్టార్ మా దూసుకుపోతుంటే, అంతోఇంతో రియాలిటీ షోలు బాగానే చేస్తున్న జీ తెలుగు రేటింగ్స్‌లో పోటీ ఇవ్వలేకపోతోంది…

మూఢనమ్మకాలు, అభూతకల్పనల తిక్క సీరియళ్లతో పోటీ ఇవ్వాలనుకుంటే ఎలా..? పైగా చానెళ్ల రేటింగ్స్ అనేవి ఎలా పెంచాలో, ఏం చేయాలో స్టార్‌మా, అంటే స్టార్ గ్రూపుకు బాగా తెలుసు… రీచ్ పెంచుకోవడానికి డబ్బులు ఖర్చు చేయాలి… ఎంఎస్‌వోలు, డీటీహెచ్ ఆపరేటర్లతో డీల్ చేయడం ఓ పెద్ద టాస్క్… ఫాఫం ఈటీవీ… ఇవేవీ చేతగాక మూడో ప్లేసుకు పడిపోయింది… మరీ ఘోరమైన రేటింగ్స్, స్టార్ మా రేటింగ్స్‌తో పోలిస్తే మూడో వంతు మాత్రమే…!!

రియాలిటీ షోలలో కొత్తదనం లేదు… క్రియేటివిటీ లేదు… సీరియళ్లు బాగుండవు, యాజమాన్యానికి ఏమీ పట్టింపు లేదు… పోనీ, కొత్త సినిమాల ప్రసారం ఉంటుందా అంటే అదీ ఉండదు… ఆలీ, ఆది, సుమ, రష్మి… ఎంతసేపూ వీళ్లేనా..? పోటీ ఇచ్చే మూడో చానెల్ లేదు కాబట్టి ఇది మూడో ప్లేసులో కనిపిస్తోంది… లేకపోతే జెమిని టీవీ గతే ఈటీవిది కూడా…