ముత్యాలరావు బుడ్డిగ…. దీన్ని కూడా లాప్టాప్ అంటే హార్డ్‌వేర్ ఇంజినీర్లు, సాఫ్ట్వేర్ ఇంజినీర్లు ఉరేసుకు చావాలి…. ఇక 16990 అని బోర్డు పెట్టగానే లగెత్తుకెళ్ళి కొనేస్తారు కొందరు. లాప్టాప్ అంటే ఏమిటో తెలియకుండానే కొనేద్దాం అని పోటీలు పడతారు….
ఇది ఎలాంటి ప్రోగ్రామింగ్ కు పనికిరాదు. పిల్లలు ఆడుకునే గేమ్ లు కూడా ఇన్‌స్టాల్ చెయ్యలేరు. ప్లేస్టోర్‌లాగా జియో స్టోర్‌లో ఉండే కొన్నింటిని డౌన్లోడ్ చేసుకోవడం తప్ప ఏమీ చేయలేరు.
ఇందులో ఉంది మీడియా టెక్ ప్రాసెసర్. ఇది మొబైల్ ప్రాసెసర్. అంటే సెల్‌ఫోన్‌లో వాడే ప్రాసెసర్… ఇక RAM విషయానికి వస్తే LPDDR అని ఉంది. అది సెల్‌ఫోన్‌లో వాడే RAM… కంప్యూటర్ లేదా లాప్టాప్ లో వాడే RAM లను DDR అంటారు… గ్రాఫిక్ కార్డులో ఉండే వాటిని GDDR అంటారు… సెల్ఫోన్ లో వాడే వాటిని LPDDR అంటారు. అన్ని RAM లు ఒకటి కాదు.
కంప్యూటర్ లేదా లాప్టాప్ లో INTEL లేదా AMD కంపెనీ ప్రాసెసర్లు మాత్రమే అత్యుత్తమమైనవి. ఇక స్టోరేజ్ కోసం eMMC అని ఇచ్చాడు. అంటే ఫోన్ లో వేసుకునే మెమరీ కార్డు స్థాయివి… కాకపోతే అవి బోర్డుకు ఫిక్స్ చేసి ఉంటాయి.
లాప్టాప్ లేదా కంప్యూటర్ లో స్టోరేజ్ కోసం HDD లేదా SSD లు వాడతారు. ఒకప్పుడు చాలా పెద్దవిగా, బరువుగా ఉండేవి. ఇప్పుడు చాలా చిన్న సైజుకు వచ్చేశాయి… eMMC లకు SSD లకు చాలా తేడా ఉంటుంది.
ఆపరేటింగ్ సిస్టంలో చాలా రకాలు ఉంటాయి. మామూలుగా ఇంట్లో లేదా ఆఫీసుల్లో ఐతే microsoft windows లేదా APPLE MAC వాడతారు. ప్రోగ్రామింగ్ నేర్చుకునే వాళ్లు LINUX సీరీస్ లాంటి వాటి మీద నేర్చుకుంటారు. ఇక ఇందులో ఉంది JIO OS… అంటే జియో సొత ఆపరేటింగ్ సిస్టం…
కేవలం సినిమాలు చూడాలి అంటే, క్యాండీ క్రష్ లేదా FREE FIRE లాంటి GAMES ఆడుకోవడానికి , YOUTUBE చూడడానికి, వీడియోలో మాట్లాడుకోవడానికి , లేదా గూగుల్ క్రోమ్ లాంటి వాటిని చూడడానికి మాత్రమే పనికి వస్తుంది. అంటే సెల్ఫోన్ లో చేసేవే ఇందులో చేస్తారు. ఐతే స్క్రీన్ పెద్దదిగా ఉంటుంది. కీ బోర్డు ఉంటుంది.
రేట్ చూసి ఏదో నేర్చుకోవడానికి ఇది కొనేద్దాం అంటే వృధా ఖర్చే….. ఇంజినీరింగ్ పిల్లలకు సర్‌ప్రైజ్ ఇద్దామని తల్లితండ్రులు ఇది కొని షాక్ కు గురి అవ్వొద్దు… ఎందుకంటే ఒకసారి అమ్మినాక ఇక కంపెనీ వాడు రిటర్న్ తీసుకోడు…
JIO వాడు దాన్ని JIOBOOK అంటున్నాడు . వాడు కరెక్ట్‌గానే ఉన్నాడు … దీన్ని లాప్టాప్ అని చాలా మంది భ్రమపడతారు… ప్రజాప్రయోజనం దృష్ట్యా సోదరుని వాల్ నుండి ఈ సమాచారం సేకరించాను….
Ads
Share this Article