Subramanyam Dogiparthi… టైం బాగుండకపోతే బంగారం పట్టుకున్నా మట్టి అవుతుంది . జీవితంలో గెలవటానికి కూడా సుడి ఉండాలి . సుడి ఉండటం లేకపోవటం వివరిస్తానికి మంచి ఉదాహరణ పేకాట . Card show count పడుద్ది . ఒక్క డైమండ్ రెండే కావాలి షో తిప్పటానికి . సుడి లేనోడికి డీల్ లోనే 12 అయి పడుతుంది . కేవలం extension కావాలి . పేకలోకి వెళతాడు . డైమండ్ రెండు వస్తుంది . కోపం నషాళానికి అంటి , ఈడ్చి డిస్కార్డ్ చేస్తాడు . కిందోడు card show count తిప్పుతాడు . జీవితమంతా ఇంతే . జీవితమంటేనే ఇంత .
పాతాళభైరవి , మాయాబజార్ , జగదేకవీరుని కధ , శ్రీకృష్ణార్జున యుధ్ధం వంటి వందేళ్ళ సినిమాలు తీసిన కె వి రెడ్డి గారేనా ఈ ఉమ చండీ గౌరీ శంకరుల కధ సినిమా తీసిందని ఎవరయినా ఆశ్చర్యపోతారు . ఈ సినిమా కధ ఆయనకు ఎవరు చెప్పారో , ఏ పురాణంలో ఉందో ఆ భగవంతునికే తెలవాలి . ఈ సినిమా వలన తెలిసింది ఏమిటంటే భృగు మహర్షి భార్య పేరు పులమాదేవి అని .
మా నరసరావుపేటలో వెంకటేశ్వర పిక్చర్ పేలసులో చూసా . అప్పుడు అర్థం కాలేదు . కోపంతో ఈ సినిమాను ఉప్మా చట్నీ గారె సాంబారు కాఫీ అని అక్కసు కక్కేవాళ్ళం . తర్వాత టి విలో వచ్చినప్పుడల్లా చూస్తుంటా . అర్థం అయ్యేది కాదు . పట్టు వదలని విక్రమార్కుని లాగా చూడంగా చూడంగా ఈమధ్యనే కాస్త అర్థం అయింది . మీకూ అర్థం కావాలంటే యూట్యూబులో ఉంది . చూడవచ్చు .
Ads
NTR శివ తాండవం చాలా గొప్పగా ఉంటుంది . నర్తనశాల , దక్షయజ్ఞం ఈ సినిమా … చాలామంది డాన్స్ హీరోల కన్నా గొప్పగా తాండవిస్తారు . బి సరోజాదేవి , రుష్యేంద్రమణి , ముక్కామల , రేలంగి , రమణారెడ్డి , ఛాయాదేవి , ధూళిపాళ , బాలకృష్ణ ప్రభృతులు నటించారు . ఈ భృగు , దూర్వాస , విశ్వామిత్ర మహర్షులకు రజో గుణం , తమో గుణం ఎక్కువ అనుకుంటా !!!
పింగళి వారు వ్రాసినా పాటలు హిట్ కాలేదు . పెండ్యాల వారి సంగీత దర్శకత్వం కూడా so so నే . ఒకటి రెండు పాటలు హిట్ అయ్యాయి . కల గంటివా చెలీ కలగంటివా , థిల్లానా పాటలు శ్రావ్యంగా ఉంటాయి . అంతటి హేమాహేమీలు ఉండి కూడా ఈ సినిమా డిజాస్టర్ కావటం చాలా బాధాకరం .
This is a case study for every career oriented person . అందువలనే ఈ సినిమాని కూడా గుర్తు చేస్తున్నా . #తెలుగుసినిమాలసింహావలోకనం #telugureels #తెలుగుసినిమాలు #TeluguCinemaNews #telugucinema
Share this Article