ఓహ్… ఆ వధువు పడీపడీ నవ్విన వైరల్ వీడియో అసలు కథ ఇదా..?!

మొన్నామధ్య ఓ వీడియో వార్త గురించి చెప్పుకున్నాం కదా…. ఓ పెళ్లి రిసెప్షన్, ఫోటోగ్రాఫర్ ఓవరాక్షన్, ఈడ్చి ఒక్కటి పీకిన వరుడు… కింద పడి పడీపడీ నవ్విన వధువు… అదీ వార్త… పనిలోపనిగా పెళ్లిళ్లు, రిసెప్షన్లు, ప్రివెడ్ ఫూట్ల అతి బాగోతాల్ని కూడా చెప్పుకున్నాం… అక్కడ వధువు మరీ నేల మీద దాదాపు దొర్లినట్టుగా నవ్వాల్సిన అవసరం ఏముంది..? అక్కడే చాలామందికి డౌటనుమానం పొడసూపింది… ఇదేదో క్రియేటెడ్ వీడియో అయి ఉంటుందిలే అనుకున్నారు… వ్యూస్ కోసం అలాంటివి కామనే కదా… కొందరు మాత్రం అమాయకంగా రియల్ రియాక్షనే అయి ఉంటుంది అనుకున్నారు… కానీ దాని వెనుక అసలు కథ ఏమిటో సదరు వధువే వెల్లడించింది… అంతా ఓ షో… అసలు ఆ వధువే రియల్ వధువు కాదు, అదసలు పెళ్లి రిసెప్షనే కాదు…

అది స్పాంటేనియస్ నవ్వు కాదు… అందరి అనుమానమూ నిజమే… అది ఓ క్రియేటెడ్ వీడియో… ఓ సినిమా కోసం జరిగిన షూటింగ్… దాన్ని ఎవరో షూట్ చేసి ట్విట్టర్‌లో పెడితే అది కాస్తా వైరల్ అయిపోయింది… కాస్త అసాధారణంగా ఉంది కదా, పైగా ఫోటోగ్రాఫర్ల ఓవరాక్షన్ అందరూ చూస్తున్నదే కదా, అందుకే బాగా కనెక్ట్ అయిపోయింది… సదరు వధువు పాత్ర పోషించింది అనుకృతి చౌహాన్… ఆమే స్వయంగా ట్వీట్ చేసి అసలు కథ ఏమిటో చెప్పేసింది… ఇలా…

Film shooting time
( DARLING PYAAR JHUKTA NHI)
MY THIS VIDEO VIRAL NOW
BASICALLY THANKS TO @Ease2Ease
For tweet this video in your tweeter account ..! pic.twitter.com/RBxU6eP4VQ

— Anikriti Chowhan (@ChowhanAnikriti) February 6, 2021

డార్లింగ్ ప్యార్ జుక్తా నహీఁ… ఈ సినిమా కోసం తీసిన సీన్ అట అది… హహహ… పెద్ద జోక్ ఏమిటంటే… మొదట వైరల్ అయినప్పుడు ఆ వీడియోకు వేలకువేల లైకులు, కామెంట్లు గట్రా వచ్చాయి కదా… ఫాఫం, ఆమె నిజం చెప్పిన ట్వీట్‌కు మాత్రం జస్ట్ 250 లైకులు… అవును మరి, నిజం చెబితే ఎవరికి ఆసక్తి ఉంటుంది… అంతే… ఇప్పుడు అనిపిస్తున్నది కదా, ROFL అని… కింద పడి దొర్లుతూ నవ్వాలని… అంతేమరి… నిజానికీ అబద్ధానికీ నడుమ ప్రచారంలో తేడా అదే…!!