Muchata

Find Latest News in Telugu from Muchata.com, A leading news portal in Andhra Pradesh and Telangana

  • Home
  • Contact Us
  • Disclaimer
  • Privacy Policy

ఇలాంటి షీరోచిత సినిమాలే వాణిశ్రీని టాప్ స్టార్‌గా నిలిపాయి..!!

July 24, 2024 by M S R

కె రామలక్ష్మి మార్కు సినిమా . ఈ అభిమానవతి సినిమాకు కధ ఆమెదే . ఆమె వ్రాసిన కరుణ కధ అనే నవల ఆధారంగా డూండీ దర్శకత్వంలో వచ్చింది ఈ సినిమా . డైలాగులు కూడా ఆమే వ్రాసారు . మరి ఇంకా ఏదయినా సినిమాకు కూడా డైలాగులు వ్రాసారేమో నాకు తెలియదు . రామలక్ష్మి గారి హీరోయిన్ ఎలా ఉండాలో ఈ సినిమాలో హీరోయిన్ అలాగే ఉంటుంది .

షీరో వాణిశ్రీయే . ఆత్మాభిమానాన్ని ఎన్ని కష్టాలొచ్చినా వదలిపెట్టకుండా విధితోనే పోరాడే హీరోయిన్ గా వాణిశ్రీ బాగా నటించింది . అనాధగా పెరిగి , కోటీశ్వరుడికి భార్య అయి , ఇష్టం లేని అత్తగారి చేతిలో మోసపోయి , భర్త విదేశాలలో ఉన్నప్పుడు ఇంట్లో నుంచి బయటకు వెళ్ళవలసి వస్తుంది . బయటకు వెళ్ళాక తెలియకుండానే తండ్రి వద్దకు చేరి , హత్యానేరంలో కోర్టు బోనెక్కుతుంది . లాయరయిన కొడుకు రక్షిస్తాడు .

కృష్ణ తండ్రీ కొడుకులుగా బాగా నటించారు . అత్తగా యస్ వరలక్ష్మి , విలన్ గా శరత్ బాబు , కొడుకు కృష్ణకు ప్రియురాలిగా ప్రమీల బాగా నటించారు . ఇతర పాత్రల్లో ప్రభాకరరెడ్డి , మాడా , రావి కొండలరావు , టి జి కమలాదేవి ప్రభృతులు నటించారు .

Ads

చక్రవర్తి సంగీత దర్శకత్వంలో పాటలు శ్రావ్యంగా ఉంటాయి . ముఖ్యంగా దాశరధి వ్రాసిన నీపైన నాకెంత ప్రేముందో నీకెలా తెలిపేది పాట చాలా శ్రావ్యంగా ఉంటుంది . బాలసుబ్రమణ్యం చాలా బాగా పాడారు . మిగిలిన పాటల్లో మామిడితోటలో అనే పాట ఇద్దరు కృష్ణల మీద బాగుంటుంది .

మా నరసరావుపేటలో సత్యనారాయణ టాకీసులో చూసినట్లు గుర్తు . కమర్షియల్ గా ఎలా ఆడిందో గుర్తు లేదు కానీ , సినిమా బాగుంటుంది . ముఖ్యంగా వాణిశ్రీ , రామలక్ష్మి అభిమానులకు బాగా నచ్చుతుంది . కృష్ణ , యస్ వరలక్ష్మి , ప్రమీలల నటన కూడా బాగుంటుంది . యూట్యూబులో ఉంది . చూడబులే .

By the way , 1975 లోకి వచ్చేసాం . ఈ సంవత్సరంలో సుమారు 70 సినిమాలు వచ్చాయి . అనారోగ్య కారణాల వలన ఈ సంవత్సరం అక్కినేని సినిమాలు ఏవీ రాలేదు . #తెలుగుసినిమాలసింహావలోకనం #తెలుగుసినిమాలు ……….   ( By దోగిపర్తి సుబ్రహ్మణ్యం )

Share this Article



Advertisement

Search On Site

Latest Articles

  • దారి తప్పిన తూటా..! ఓ దశ, ఓ దిశ లేని కీర్తి రివాల్వర్ కెరీర్…!!
  • నక్సలైట్ల సురక్షిత స్థావరానికి నాడు ఇందిరమ్మ కట్టించిన నిచ్చెన..!
  • చంద్రబాబు ప్రమోట్ చేశాడు… టేస్ట్ అట్లాస్ కూడా తప్పనిసరై గౌరవించింది…
  • ఇద్దరు వీరోయిన్లతో చిరంజీవి కిందామీదా పడి దొర్లినా… ప్చ్, పాపం..!!
  • 82వ ర్యాంకు కాదు…! 2, 3 ఏళ్లలో వరల్డ్ టాప్-20 లిస్టులోకి హైదరాబాద్..!!
  • ధర్మేంద్ర కుటుంబానికి బ్రిటిష్ రాజవంశంతో చుట్టరికం..! ఎలా..?!
  • సాంబ, మూర్తి, వెంకటకృష్ణ… వీళ్లే హైదరాబాద్ ప్రేక్షకులకు ఇష్టులు..!!
  • అడ్డగోలు దందా బీఆర్ఎస్ హయాంలో..! బురద జల్లేది ఈ ప్రభుత్వంపై..!!
  • మీడియా జీవితాలను, కుటుంబాలను నిలబెట్టగలదు… ఇవి అవే స్టోరీస్…
  • సర్‌ప్రయిజ్ అప్పియరెన్స్..! ఈ తెలంగాణ ‘బతుకమ్మ’ గుర్తుందా మీకు..?!

Archives

Copyright © 2025 · Muchata.com · Technology Management by CultNerds IT Solutions