.
ఓ డిజిటల్ పత్రికలో చిన్న బాక్స్ ఐటమ్… జెస్సికా సింప్సన్ అనే ఓ అమెరియన్ గాయని ఆమె తన గాత్రాన్ని మెరుగుపరుచుకోవడానికి స్నేక్ స్పెరమ్ తాగుతున్నానని తన ఇన్‌స్టా ఖాతాలో పేర్కొంది…
అది ఫలానా అని చెప్పకుండా తన కోచ్ తనను దాన్ని తాగమన్నాడనీ, తాగిన తరువాత తన టోన్ గణనీయంగా మాధుర్యం పెంచుకుందనీ చెప్పుకొచ్చింది…
Ads
పత్రిక ఏదో తప్పు రాసిందని కాదు… మనకే పూర్తిగా ఓ క్లారిటీ లేక… ఇక్కడ వచ్చిన డౌట్ ఏమిటంటే..? పాములు సంభోగిస్తాయి (రగులుతుంది మొగలి పొద) నిజమే… చాలా సినిమాల్లో చూసిందే కదా, పెనవేసుకుని నాట్యం చేస్తూ, సంభోగిస్తూ… పరవశంలో మునిగిపోతాయి… కానీ పాములు వీర్యాన్ని విడుదల చేస్తాయా..?
అన్నింటికీ మించి అవి ఉభయ లింగ జీవులు సరే, కానీ ఆ వీర్యం కలెక్ట్ చేయగలడా మనిషి..? ఆ సంభోగ సమయంలో నేరుగా తమ సహ-సర్పంలోకి రిలీజ్ చేస్తుంది కదా… ఇది మరో డౌట్… పైగా కొన్ని పాములు పిల్లల్ని పెడతాయి, కొన్ని గుడ్లను పెడతాయి… సరే, కొన్ని నిజాల్ని సెర్చితే…
పాములు తమ సంభోగ సమయంలో వీర్యాన్ని విడుదల చేస్తాయి. పాములు సంభోగం సాధారణంగా లైంగిక పునరుత్పత్తి ద్వారా జరుగుతుంది, ఇందులో మగ పాము తన స్పెర్మ్‌ను ఆడ పాము శరీరంలోకి బదిలీ చేస్తుంది. ఈ ప్రక్రియలో మగ పాము తన హెమిపీన్స్ (hemipenes) అనే రెండు లైంగిక అవయవాలలో ఒకదాన్ని ఉపయోగించి ఆడ పాము క్లోయాకా (cloaca) ద్వారా వీర్యాన్ని బదిలీ చేస్తుంది. ఈ వీర్యం ఆడ పాము గుడ్లను ఫలదీకరణం చేస్తుంది, ఆ తర్వాత గుడ్లు లేదా సజీవ శిశువుల రూపంలో (పాముల్లో జాతుల్ని బట్టి) పుట్టుకొస్తాయి.
కొన్ని పాము జాతులు గుడ్లు పెడితే, మరికొన్ని జాతులు సజీవంగా పిల్లలను కంటాయి (ఓవోవివిపారస్), కానీ రెండు సందర్భాల్లోనూ వీర్యం ద్వారా ఫలదీకరణం జరుగుతుంది…
సాంకేతికంగా పాము వీర్యాన్ని సేకరించడం సాధ్యమే, కానీ ఇది సాధారణ పద్ధతి కాదు, దీనికి ప్రత్యేక పరికరాలు, నైపుణ్యం అవసరం. పాములు తమ స్పెర్మ్‌ను సంభోగ సమయంలో హెమిపీన్స్ (hemipenes) అనే అవయవాల ద్వారా విడుదల చేస్తాయి. పరిశోధనా ప్రయోజనాల కోసం, పాముల పునరుత్పత్తి అధ్యయనాల కోసం శాస్త్రవేత్తలు ఈ వీర్యాన్ని సేకరించవచ్చు. ఈ ప్రక్రియలో సాధారణంగా పామును నియంత్రించడం, దాని లైంగిక అవయవాల నుండి స్పెర్మ్‌ను జాగ్రత్తగా సేకరించడం జరుగుతుంది, ఇది విషపూరిత పాముల విషయంలో ప్రమాదకరం కూడా కావచ్చు…
జెస్సికా సింప్సన్ విషయానికొస్తే, ఆమె తన గాత్రాన్ని మెరుగుపరచడానికి “పాము స్పెర్మ్” తాగుతున్నానని ఇన్‌స్టాగ్రామ్ వీడియోలో చెప్పింది… ఆమె ఒక చైనీస్ హెర్బల్ డ్రింక్ గురించి మాట్లాడింది, దాని పదార్థాలను గూగుల్ చేసినప్పుడు “స్నేక్ స్పెర్మ్” ఉందని తెలిసిందని పేర్కొంది…
అయితే, ఇది నిజంగా పాము వీర్యమా లేక ఏదైనా సాంప్రదాయ చైనీస్ ఔషధంలో భాగమైన పదార్థమా అనేది స్పష్టంగా తెలియదు. చైనీస్ సంప్రదాయ వైద్యంలో పాము ఉత్పత్తులు (విషం, చర్మం వంటివి) ఉపయోగించబడతాయి, కానీ “పాము స్పెర్మ్”ను డ్రింక్‌గా తీసుకోవడం గురించి శాస్త్రీయ ఆధారాలు లేవు…
సేకరణ సాధ్యమైనప్పటికీ, దాన్ని తాగడం వల్ల గాత్రం మెరుగవుతుందనడానికి ఎటువంటి వైజ్ఞానిక ఆధారం లేదు. ఇది బహుశా ఆమె ఎందుకలా చెప్పిందో తెలియదు… ఆ డ్రింక్‌లో వేరే పదార్థాలు ఉండి, “స్నేక్ స్పెర్మ్” అని తప్పుగా అర్థం చేసుకుని ఉండవచ్చు కూడా…!!
Share this Article