.
Subramanyam Dogiparthi ………. టైటిలే జెంటిల్ ఉమన్ . సినిమా క్రూయెల్ ఉమన్ . సినిమా మొదట్లో శాకాహార సినిమాలా , సంసారపక్షంగా ప్రారంభం అవుతుంది . క్రమక్రమంగా మెత్తటి క్రూరంగా మారిపోతుంది.
హల్లో మొగోళ్ళూ ! జర జాగ్రత్త . రోజూ మీడియాలో చూస్తూ ఉంటాం . వివాహేతర సంబంధం కల మొగుడ్ని లేపేసిన మహిళ . లేపేసాక బాడీని ఏం చేయాలి ? ముందు ఫ్రిజ్లో పెట్టాలి . తర్వాత ఖండఖండాలుగా కట్ చేయాలి . పూటకో ముక్కని బిర్యానీలో కలిపి బయట కుక్కలకు వేయాలి .
Ads
బహుశా ఇందువలనే ఏమో వీధి కుక్కలు ఎక్కవయి జనాలని కరిచేస్తున్నాయి , పీక్కు తింటున్నాయి . కల్కి కాలం . మళ్ళా సినిమాలోకి వెళదాం .
ఈ సినిమాలో అమాయకంగా కనిపించే మూడు నెలల పెళ్ళికూతురు మొగుడికి వేరే సెటప్ ఉందని విడిచేసిన బట్టల నుండి వచ్చే వాసనను బట్టి పట్టేసి లేపేస్తుంది . సృష్టిలో ఆడవారికి మగవారి దుస్తుల వాసనను , శరీరం వాసనను ఇట్టే పట్టేసే శక్తి ఉంటుందని అంటారు . ఆ శక్తి వలనే భార్య లేపేసి ఫ్రిజ్లో పెడుతుంది .
సదరు మొగుడి గారికి పెళ్ళికి ముందే ఉన్న సెటప్ పోలీస్ స్టేషనుకి వెళ్లి కేసు పెడుతుంది . సందట్లో సడేమియా పోలీసాయన ఈ సెటప్ మీద అత్యాచారం చేయబోతే సెటప్ గారు వాడిని లేపేసి ఫ్రిజ్లో పెట్టేస్తుంది . ఇప్పుడు అర్థం అయిందా ? మనుషులు పట్టే ఫ్రిజ్జులను ఇంట్లో ఉంచుకోకూడదని . చివరాకర్లో భార్య గారు , సెటప్ గారు కలిసిపోతారు అధికార పక్షం , ప్రతిపక్షం లాగా …
అమెజాన్ ప్రైంలో ఉంది . సాదాసీదాగా మొదలయి , స్లోగా ముందుకు సాగుతుంది . చూడబులే . మారుతున్న కాలంలో వినూత్న పోకడలు . సతీ సావిత్రి , సతీ సుమతి రోజులు కావివి అని తన్ని చెప్పే సినిమా .
మహిళాగ్రహ సినిమా అన్న మాట . ధర్మహింసా తదైవచా . మొగోడు అధర్మరాజు అయితే లేడీ తన ధర్మాన్ని తాను అమ్మోరయి పైసల్ చేస్తుంది …
Share this Article