.
Subramanyam Dogiparthi ఆనాటి సతీ సావిత్రి యముడితో పోరాడి పతి ప్రాణాలను దక్కించుకున్నట్లు ఈనాటి అపర సతీ సావిత్రి ఓ నిర్దోషిని పతిగా చేసుకుని చట్టంతో చెడుగుడు ఆడి రక్షిస్తుంది . పతిగా నటింపజేసి, కాపాడి, తరువాత నిజపతిని చేసుకుంటుంది… కధకు అనుగుణంగా సతీ సావిత్రి నాటకం కూడా ఉంది . హీరో చిరంజీవి , హీరోయిన్ మాధవి యముడిగా , సావిత్రిగా నటిస్తారు . యముడిగా చిరంజీవి బాగుంటాడు .
కధ టూకీగా ఏమిటంటే : హీరో గొప్ప సింగర్ , డాన్సర్ . మరదలు సుమలత , హీరో చిరంజీవి గాఢంగా ప్రేమించుకుంటారు . బాబాయి రావు గోపాలరావు హామీగా నిలబడ్డ తండ్రి ఆస్తిని బకరా చేయడంతో తండ్రి పి యల్ నారాయణ గుండెపోటుతో చనిపోతాడు . ఆస్తి తగాదాలలో తాము చేసిన హత్యలో హీరోని ఇరికించి జైలుకు పంపుతాడు విలన్ .
Ads
అనాధ పిల్లల సంక్షేమార్ధం హీరో ఖైదీగా ఉంటూనే ప్రదర్శనలను ఇస్తుంటాడు . ఆ ప్రదర్శనలను చూసి హీరోయిన్ అతనంటే ఇష్టపడుతుంది . హీరోయిన్ లా విద్యార్ధి , ఆవేశపరురాలు , కరెక్ట్ అనుకుంటే ఎంత రిస్క్ అయినా తీసుకుంటుంది .
హీరో నిర్దోషి అని తెలుసుకుని అతన్ని ఉరిశిక్ష నుండి కాపాడటానికి అతన్ని తప్పించి , తాళి కట్టించుకున్నట్లు బిల్డప్ ఇచ్చి , ఆ పెళ్ళిని అడ్డం పెట్టుకుని కేసుని తిరగతోడుతుంది . కానీ కోర్టు కన్విన్స్ కాదు .
తాను తల్లిని కావాలని కోరుకుంటున్నాను కాబట్టి తాను తల్లి అయ్యేదాకా ఉరిశిక్షను వాయిదా వేసి భర్తతో సంసారం చేసేలా కరుణించమని రాష్ట్రపతికి పిటిషన్ పెట్టుకుంటుంది . రాష్ట్రపతి అనుమతిని ప్రసాదిస్తారు . విడుదలయిన హీరో దుష్టశిక్షణ చేసి , హీరోయిన్ మాధవితో జీవితాన్ని కొనసాగిస్తాడు .
పరుచూరి బ్రదర్స్ కాన్సెప్టుని బాగానే ఎంపిక చేసుకున్నారు . కానీ , హీరోయిన్ చట్టంతో చెడుగుడు ఆడుకోవటం కన్విన్సింగుగా ఉండదు . బాపయ్య దర్శకత్వంతో , చక్రవర్తి సంగీత దర్శకత్వంలోని పాటలతో , చిరంజీవి హీరోయిజంతో సినిమా బాగానే ఆడింది .
డాన్సరుగా , హీరోగా చిరంజీవి నటన బాగుంటుంది . మాధవి , సుమలత కూడా ఉండటంతో ఖైదీ ఫీల్ వస్తుంది . (ఖైదీ, చట్టానికి కళ్లు లేవు తరహా కథ అనుకుంటాం గానీ, ఇది పూర్తిగా డిఫరెంట్ స్టోరీ)…
ఫైర్ బ్రాండ్ లేడీగా మాధవి నటన హైలైట్ . సుమలత చలాకీగా చక్కగా నటించింది . రావు గోపాలరావు విలనిజం చాలా ఎంఫటిక్ గా ఉంటుంది . ఇతర పాత్రల్లో సత్యనారాయణ , అల్లు రామలింగయ్య , నూతన్ ప్రసాద్ , అన్నపూర్ణ , కాకినాడ శ్యామల , ప్రభాకరరెడ్డి , నర్రా , సుత్తి వీరభద్రరావు , కృష్ణవేణి , మమత , ప్రభృతులు నటించారు . సత్యనారాయణకు భిన్నమైన పాత్ర లభించింది . ప్రేక్షకులు గుర్తుంచుకుంటారు ఆ పాత్రని .
వేటూరి వారి పాటలు బాగుంటాయి . సతీ సావిత్రి నాటకానికి అందరికీ పరిచయమయిన పద్యాలను వాడటంతో ప్రేక్షకులు వెంటనే కనెక్ట్ అయిపోతారు . చిరంజీవి , మాధవి కూడా చక్కగా ఉంటారు , నటించారు . చిరంజీవి స్టేజి మీద ప్రదర్శించే రెండు డాన్సులు బాగుంటాయి . ఒకటి అనూరాధతో , ఇంకోటి మాధవితో .
నేనొక చిలకల కొలికిని చూసాను , పిల్ల పిల్ల పిల్లా పెళ్ళి కాని పిల్లా అంటూ సాగుతాయి ఈ రెండు డాన్సులు .
మాధవితో ఒక డ్యూయెట్ . కంచారే కంచారే కంచా అంటూ సాగుతుంది . చేసేది ఏముంది చెక్క భజన అంటూ సాగే డ్యూయెట్లో చిరంజీవి , సుమలత డాన్స్ బాగుంటుంది . చిత్రీకరణ కూడా బాగుంటుంది .
నరుడా నరుడా ఏమి నీ కోరికా అంటూ సిల్క్ స్మిత అద్భుతంగా డాన్సించింది . క్లైమాక్సులో కదలి రండి కనకదుర్గలై అంటూ గ్రామస్తులను చైతన్యపరిచే సుమలత పాట బాగుంటుంది . పరుచూరి బ్రదర్స్ డైలాగులు పదునుగానే ఉంటాయి . స్క్రీన్ ప్లేని , కధను ఇంకాస్త బిర్రు చేసి , కధను లాజికల్ గా , ప్రాగ్మటిక్ గా నడిపించి ఉంటే పెద్ద హిట్ అయి ఉండేది .
Yet , a watchable one . Action and drama-filled entertainer . చిరంజీవి , మాధవి , సుమలత అభిమానులకు బాగా నచ్చుతుంది . యూట్యూబులో ఉంది . చూడొచ్చు . #తెలుగుసినిమాలసింహావలోకనం #తెలుగుసినిమాలు #సినిమాకబుర్లు
Share this Article