.
హిడ్మా ఎన్‌కౌంటర్ గురించి… తనను హతమార్చిన తరువాత సీఆర్పీఎఫ్ బలగాల శిబిరాల్లో దీపావళి జరుపుకుంటున్న వార్తల గురించి చెప్పుకున్నాం కదా…
ఎందుకెంటే… తను ఓ టెర్రర్… సీఆర్పీఎఫ్ బలగాల పాలిటి మృత్యుదూత… అనేక ఆపరేషన్లలో వందల బలగాలను పొట్టనబెట్టుకున్న కీలక మావోయిస్టు నేత… మిగతా మావోయిస్టు నేతలు ఒకెత్తు, హిడ్మా మరో ఎత్తు…
Ads
హిడ్మా ఉంటే సైన్యం రాదు… ఇదీ మావోయిస్టులు, వాళ్ల సానుభూతిపరుల నమ్మకం… కానీ ఓ శిఖరం కుప్పకూలింది… తను లొంగిపోవడానికి సిద్ధంగా ఉన్నానని సంకేతాలు పంపించినా సరే ఏపీ ఎస్‌ఐబీ ఎందుకు ఆ దిశలో ప్రయత్నించకుండా, సేఫ్ ప్యాసేజ్ క్రియేట్ చేయకుండా, ఎందుకు పొట్టన బెట్టుకుందనేది మిస్టరీ… ఓ ప్రశ్న… బహుశా ఇక ఎప్పుడూ జవాబు తెలియని ప్రశ్న…
మావోయిస్టు ఆపరేషన్లలో అల్టిమేట్ లీడర్… ట్రైబ్.,. దండకారణ్య స్థానికుడు… కానీ ప్రతి లీడర్ వెనుక ఓ కీలక పాత్రధారి ఉంటాడు…
హిడ్మా వెనుక కీలకమైన మెంబర్ టెక్ శంకర్… అవును, హిడ్మా ఆపరేషన్లలో చాలా కీలకం… పేలుడు స్పెషలిస్టు… తను కూడా ఎన్‌కౌంటరయ్యాడు ఇప్పుడు… (ఇంకా కొందరు కీలక సభ్యులు దొరికారని అంటున్నారు… ఖతం చేస్తారా..? అరెస్టు చూపిస్తారా తెలియదు…)
సరే, శంకర్ సంగతికొద్దాం… ఈరోజు చెబుతున్న ఎన్‌కౌంటర్ మృతులలో మావోయిస్టుల ఐఈడీ (IED – ఇంప్రవైజ్డ్ ఎక్స్‌ప్లోజివ్ డివైజ్) నిపుణుడిగా పేరుగాంచిన మెట్టూరు జోగారావు అలియాస్ టెక్ శంకర్ కూడా ఉన్నాడు…
-
టెక్ శంకర్…:
-
ఇతను ఆంధ్ర-ఒడిశా బోర్డర్ స్పెషల్ జోనల్ కమిటీ (AOBSZC)తో చాలా కాలంగా సంబంధం కలిగి ఉన్నాడు….
-
మావోయిస్టు సంస్థలో ఇతను ఐఈడీలను అమర్చడంలో తన నైపుణ్యానికి ప్రసిద్ధి చెందాడు…
-
గత కొన్నేళ్లుగా మావోయిస్టులు అమర్చిన అనేక మందుపాతరల (మైన్స్) తయారీలో ఇతని ప్రమేయం ఉన్నట్లు పోలీసులు తెలిపారు….
-
టెక్ శంకర్ పాత్ర: ఐఈడీ నిపుణుడు
టెక్ శంకర్ అసలు పేరు మెట్టూరు జోగారావు... మావోయిస్ట్ సంస్థలో ఇతను పొందిన ‘టెక్ శంకర్’ అనే మారుపేరు అతని సాంకేతిక నైపుణ్యానికి నిదర్శనం…
1. ఐఈడీల తయారీలో నైపుణ్యం
-
మావోయిస్టులకు ప్రధాన ఆయుధం…: మావోయిస్టులు భద్రతా బలగాలను లక్ష్యంగా చేసుకోవడానికి, దాడులకు పాల్పడటానికి, వాహనాలను ధ్వంసం చేయడానికి ఇంప్రవైజ్డ్ ఎక్స్‌ప్లోజివ్ డివైజ్‌లు (IEDs) లేదా మందుపాతరలు ప్రధాన ఆయుధం…. టెక్ శంకర్ సంస్థలోని ఈ ఐఈడీ విభాగంలో కీలకమైన వ్యక్తి…
-
కొత్త పద్ధతులు…: ఇతను కేవలం సాంప్రదాయ మందుపాతరలను తయారు చేయడమే కాకుండా, వాటిని గుర్తించకుండా ఉండేందుకు లేదా మరింత విధ్వంసక శక్తిని పెంచడానికి కొత్త సాంకేతిక పద్ధతులను ఉపయోగించేవాడు…
-
మైనింగ్ ఆపరేషన్లలో ప్రమేయం….: గత కొన్నేళ్లుగా ఆంధ్ర- ఒడిశా సరిహద్దు (AOBSZC) ప్రాంతంలో మావోయిస్టులు ఉపయోగించిన అనేక శక్తివంతమైన ఐఈడీల తయారీ, వాటిని అమర్చే ప్రణాళికల్లో ఇతని కీలక ప్రమేయం ఉండేది…
2. సంస్థలో అతని స్థానం
-
ఉన్నత స్థానం….: టెక్ శంకర్ ఆంధ్ర-ఒడిశా బోర్డర్ స్పెషల్ జోనల్ కమిటీ (AOBSZC)లో కీలక సభ్యుడిగా పనిచేసేవాడు… ఐఈడీలు, కమ్యూనికేషన్ టెక్నాలజీ వంటి సాంకేతిక అంశాలలో ఇతను ముఖ్య నిర్ణయాలు తీసుకునే స్థాయిలో ఉండేవాడు…
-
యువతకు శిక్షణ…: భద్రతా సంస్థల నివేదికల ప్రకారం, సంస్థలోని యువ కేడర్‌లకు ఐఈడీలను ఎలా తయారు చేయాలి, వాటిని ఎలా అమర్చాలి అనే అంశాలపై ఇతను శిక్షణ కూడా ఇచ్చేవాడు…
-
భద్రతా బలగాలకు ప్రధాన లక్ష్యం…: అతని సాంకేతిక నైపుణ్యం వల్ల ఇతను భద్రతా బలగాలకు ఒక ముఖ్యమైన లక్ష్యంగా ఉండేవాడు.., ఎందుకంటే ఇతని మరణం మావోయిస్టుల దాడుల సామర్థ్యాన్ని తగ్గిస్తుంది…
ముఖ్యంగా చెప్పాలంటే, టెక్ శంకర్ మృతి మావోయిస్టు దళాల దాడుల వ్యూహం, సాంకేతిక సామర్థ్యంపై గణనీయమైన ప్రభావాన్ని చూపుతుందనీ… మావోయిస్టుల వెన్నువిరిగినట్టేననివ భద్రతా అధికారులు భావిస్తున్నారు….
Share this Article