ఫోర్త్ సిటీ అంటే యాంటీ సెంటిమెంట్… అందుకే అది ఫ్యూచర్ సిటీ…

.

ఫ్యూచర్ సిటీని ఇప్పటికీ మెయిన్ స్ట్రీమ్ మీడియా కూడా ఫోర్త్ సిటీ అని రాస్తోంది… ఈరోజు ఆంధ్రజ్యోతి ఫస్ట్ పేజీ బ్యానర్ స్టోరీలో కూడా అదే పదం.,.

5 లక్షల కోట్ల పెట్టుబడులు, చాన్స్ మిస్ చేసుకోవద్దనే తలంపుతో పారిశ్రామికవేత్తల పరుగులు, ముందుగా ఎంవోయూలు, ప్రాజెక్టు రిపోర్టులు వచ్చాకే అనుమతులు, 500 ఎకరాల్లో ఏర్పాట్లు ఎట్సెట్రా బాగా కవరేజీ ఇచ్చారు…

కానీ, అది ఫ్యూచర్ సిటీయే గానీ ఫోర్త్ సిటీ కాదు డియర్ రాధాకృష్ణా… ఈ పేరు వెనుకా ఓ స్టోరీ ఉంది… ఆసక్తికరం… (రేవంత్ రెడ్డి కొత్త నగరం అనగానే ఆ ఏరియాల్లోని రియల్ ఎస్టేట్ సంస్థలు కూడా ఫోర్త్ సిటీ అని ప్రచారం చేసుకున్నాయి…)

హైదరాబాద్, సికింద్రాబాద్, సైబరాబాద్… త్రినగరి… సో, కొత్తగా వస్తున్న నగరం కాబట్టి ఫోర్త్ సిటీ అని పేరు పెట్టాలని మొదట కొందరు ఉన్నతాధికారులు భావించారు విజన్ డాక్యుమెంట్ తయారీ దశలో… కానీ ఆ పేరు ఓ అపశకునం, యాంటీ సెంటిమెంట్ అని ఒకరిద్దరు ఉన్నతాధికారులు అడ్డుపడ్డారు… వెరసి రేవంత్ రెడ్డి ఫ్యూచర్ సిటీ అనే పేరే ఖరారు చేశాడు…

ఫోర్త్ సిటీ అంటే యాంటీ సెంటిమెంట్ ఎందుకు అంటే..?  ఫోర్త్ సిటీ” (Fourth City) వెనుక నమ్మకాలు…

కొన్ని సంస్కృతుల్లో, ముఖ్యంగా ఆసియా సంస్కృతులలో, సంఖ్య ‘నాలుగు’ (4) ను అపశకునంగా భావిస్తారు…

• టెట్రాఫోబియా (Tetraphobia)…: ఇది సంఖ్య ‘4’ పట్ల ఉండే భయం… చైనీస్, జపనీస్, కొరియన్, వియత్నామీస్ భాషలలో, ‘నాలుగు’ అనే సంఖ్య పలికే విధానం ‘మరణం’ (Death) అనే పదాన్ని పోలి ఉంటుంది…

  • ఉదాహరణకు…: మాండరిన్ చైనీస్‌లో, ‘నాలుగు’ అనేది $sì$ (సి) లాగా పలకబడుతుంది, ఇది ‘మరణం’ $sǐ$ (సి) అనే పదానికి చాలా దగ్గరగా ఉంటుంది… (sǐ in Mandarin, shi in Japanese, sa in Korean… మరణం…)

• నగర నామకరణంపై ప్రభావం…:

  • నగరాలకు లేదా భవనాలకు “నాలుగవది” అని పేరు పెట్టడాన్ని (ఉదాహరణకు, “ఫోర్త్ స్ట్రీట్”, “నాలుగవ వార్డు” లేదా “ఫోర్త్ సిటీ”) ఈ సంస్కృతులు నివారిస్తాయి…

  • కొన్ని భవనాలలో, ముఖ్యంగా తూర్పు ఆసియాలోని హోటళ్ళు లేదా ఆసుపత్రులలో, నాల్గవ అంతస్తు (Fourth Floor) ను పూర్తిగా వదిలివేయడం (లేదా 3A అని పేరు పెట్టడం) ఈ నమ్మకం కారణంగానే… (14వ అంతస్తు (14th floor), 24వ అంతస్తు వంటివి ఉండవు లేదా వాటిని ‘3A’, ’13A’ వంటి పేర్లతో పిలుస్తారు)…

  • అలాగే, నగరాల విషయంలో, ఒక ప్రణాళికలో ఇది నాలుగవ ముఖ్యమైన నగరమైనప్పటికీ, దానికి అధికారికంగా “ఫోర్త్ సిటీ” అని పేరు పెట్టడానికి వెనుకాడతారు…

కాబట్టి, “ఫోర్త్ సిటీ” (Fourth City) పట్ల ఉండే అపశకున భావన ఎక్కువగా సంఖ్యాశాస్త్రపరమైన నమ్మకాల (Numerology/Tetraphobia)పై ఆధారపడి ఉంటుంది… సో, రేవంత్ రెడ్డి నిర్మించే కొత్త నగరం ఫోర్త్ సిటీ కాదు… ఫ్యూచర్ సిటీ…

ఇక్కడే మరో విషయమూ చెప్పుకోవాలి… కొన్ని సంస్కృతులు, దేశాలలో, ఒక నగరాన్ని లేదా ప్రాంతాన్ని “ఫోర్ట్ సిటీ” (లేదా “కోట నగరం”) అని పిలవడాన్ని కూడా అపశకునంగా లేదా దురదృష్టకరంగా భావించే ఆచారం లేదా నమ్మకం ఉంది…

మన తెలుగు ఏడు పదాన్ని చాలాచోట్ల పలకరు… ఏదైనా లెక్కించేటప్పుడు అయిదు, ఆరు కాగానే ఆరున్నొక్కటి అంటారు తప్ప ఏడు అనరు… అది ఏడుపుకు సంబంధించిన అంశం అనే సెంటిమెంటుతో…

---

---

13 సెంటిమెంట్ (Triskaidekaphobia)

• ఇది ప్రపంచవ్యాప్తంగా, ముఖ్యంగా పాశ్చాత్య సంస్కృతులలో బలంగా ఉన్న ఒక సెంటిమెంట్…

• కారణాలు…: దీనికి చరిత్రలో, మతంలో అనేక మూలాలు ఉన్నాయి…

  • ది లాస్ట్ సప్పర్ (The Last Supper)…: యేసుక్రీస్తుతో చివరి భోజనంలో 13 మంది వ్యక్తులు ఉన్నారు, 13వ వ్యక్తి అయిన జుడాస్ (Judas) యేసును అప్పగించాడు… అందుకే 13 మంది ఒకే చోట భోజనం చేయకూడదని అంటారు…

  • నార్స్ పురాణాలు (Norse Mythology)…: వాల్‌హల్లాలో జరిగిన విందులో 12 మంది దేవతలు ఉండగా, 13వ అతిథిగా వచ్చిన లోకి (Loki) అనే ఆపద కలిగించే దేవుడు ఆ విందును నాశనం చేశాడని ఒక కథనం…

  • శుక్రవారం 13 (Friday the 13th): 13వ తేదీ శుక్రవారం వస్తే, అది మరింత అపశకునంగా భావిస్తారు…

ఈ కారణంగా, అనేక పాశ్చాత్య దేశాలలో భవనాలలో 13వ అంతస్తు ఉండదు, కొన్ని విమానాలలో 13వ వరుస (row) కూడా ఉండదు….