.
ఎందుకోగానీ… హీరోలు, హీరోయిన్ల పల్లకీల మోసే… ప్రత్యేకించి హీరోల పాదభజన చేసే దిక్కుమాలిన మీడియాకు… కేరక్టర్ ఆర్టిస్టులు పట్టరు… అదొక భావ దారిద్య్రం ప్లస్ మేనేజింగ్ ఫెయిల్యూర్లు… ఎందుకో చెప్పుకుందాం… పనిలోపనిగా ఓ కేరక్టర్ ఆర్టిస్టు ఘనతను కూడా…
మీరు గమనించారా..? అన్ని పత్రికల్లో, అన్ని టీవీల్లో ఒకే తరహా న్యూస్ వస్తాయి… కారణం.,. ‘కవరే’జీ న్యాయం… అది చేతకాని సినిమాల్ని, నటుల్ని మెయిన్ స్ట్రీమ్ మీడియా సిండికేట్, పీఆర్వోల సిండికేట్ అస్సలు దేకదు… అదొక మాఫియా…
Ads
విషయం ఏమిటంటే…. నిన్న సాయంత్రం కొన్ని సోషల్ మీడియా వార్తలు చదివాను… నచ్చింది వార్త… ఎందుకంటే..? నటి ప్రగతి డిఫరెంట్ విజయాలు… సినిమాయేతర విజయాలు… ఆమె ప్యాషన్లో, అందరికీ భిన్నంగా ఆమె ఎంజాయ్ చేస్తున్న ఓ డిఫరెంట్ సక్సెస్…
గ్లామర్ వెనుక గ్రేట్ ఫిట్నెస్: నటి ప్రగతి పవర్ లిఫ్టింగ్ జర్నీ
సినిమా ప్రపంచం అంటేనే నిరంతర గ్లామర్, ఫ్యాషన్, లుక్స్ మెయింటైన్ చేయాల్సిన ఒత్తిడి… ఎంతో మంది తారలు కెరీర్ మొదట్లో సన్నగా, ఫిట్గా ఉన్నప్పటికీ, పెళ్లి, పిల్లలు పుట్టాక, లేదా అవకాశాలు తగ్గుముఖం పట్టిన తర్వాత విపరీతంగా బరువు పెరగడం అనేది సర్వసాధారణం… (మచ్చుకు ఈమధ్య రవళి ఫోటోలు చూశాం కదా)…
ఈ ‘బరువు పెరుగుదల’ ట్రెండ్కు భిన్నంగా, 48 ఏళ్ల వయసులో కూడా తన ఆరోగ్యం, దేహదారుఢ్యం పట్ల అసాధారణమైన తపన చూపిస్తూ, నటి ప్రగతి పవర్ లిఫ్టింగ్లో పతకాలు సాధించడం నేటి తారలకు, మహిళలకు ఒక పెద్ద పాఠం… చూపించే ఓ మార్గం…
ట్రెండ్కు వ్యతిరేకంగా ప్రయాణం
సాధారణంగా నటీమణులు తమ ఫిట్నెస్ను కేవలం ‘కెమెరా కోసమే’ లేదా ‘ఫ్యాషన్ ప్రపంచం కోసమే’ పరిమితం చేస్తారు… సన్నగా, నాజూగ్గా కనిపించడంపైనే వారి దృష్టి ఉంటుంది… కానీ ప్రగతి తన ఫిట్నెస్ లక్ష్యాన్ని కేవలం వెండి తెరలకు, రెడ్ కార్పెట్ వాక్లకు లేదా అందంగా కనిపించడానికి మాత్రమే పరిమితం చేయలేదు…
-
కెరీర్ & ఫిట్నెస్…: తెలుగు పరిశ్రమలో దాదాపు మూడు దశాబ్దాల అనుభవం ఉన్నా, ఆమె తన ఫిట్నెస్ను తగ్గించుకోలేదు… ఈ వయసులో కూడా బరువులు ఎత్తడానికి, శరీరానికి అంతకంటే ఎక్కువ బలం పెంచడానికి ప్రాధాన్యత ఇచ్చింది… బోలెడు వీడియోలే నిదర్శనం…
-
గ్లామర్కు మించిన కష్టం…: ఆమె ఎంచుకున్న పవర్ లిఫ్టింగ్ అనేది కేవలం గ్లామరస్గా కనిపించడానికి చేసే ఏరోబిక్స్ లేదా డ్యాన్స్ కాదు… ఇది ఎంతో శారీరక, మానసిక ఒత్తిడితో కూడిన కఠోర శ్రమ... వందల కిలోల బరువు ఎత్తడానికి ఆమె చేసిన కృషి, జిమ్ సెషన్లకు కేటాయించిన సమయం అపారం…
ఫ్యాషన్ ప్రపంచానికి అతీతంగా ఫిట్నెస్ (Beyond the Fashion World)
ప్రగతి కృషిని, తన ప్రగతిని ప్రత్యేకంగా నిలబెట్టే అంశం ఏమిటంటే, ఆమె తన ఫిట్నెస్ ప్రయాణాన్ని మహిళల ఆరోగ్యం (Women’s Fitness) , క్రీడల (Sports) కోణంలో చూడటం…
సాధారణ సినీతారల లక్ష్యం ఏమిటి… సన్నగా, నాజూగ్గా, కెమెరా ముందు అందంగా కనిపించడం… ప్రగతి మార్గం ఏమిటి… శక్తిని పెంచడం, కండరాల దృఢత్వం (Strength and Muscle Building), అంతర్గత ఆరోగ్యం…
సాధారణ తారల వర్కవుట్స్… యోగా, డైటింగ్, తేలికపాటి ఏరోబిక్స్… కానీ ప్రగతి శ్రమ అది కాదు… స్క్వాట్స్, డెడ్లిఫ్ట్స్ వంటి భారీ బరువులు ఎత్తే కఠినమైన పవర్ లిఫ్టింగ్ శిక్షణ…
అందరూ మెచ్చేలా జీరో సైజ్ మెయింటైన్ చేయడం సాధారణ తారల లక్ష్యం… కానీ ప్రగతి మార్గం మాత్రం…
| అంతర్జాతీయ మాస్టర్స్ స్థాయి పోటీలలో పాల్గొని పతకాలు సాధించడం…. |
ఈ విధంగా, ఆమె కేవలం తన కోసం మాత్రమే కాకుండా, అనేక మంది మహిళలకు, ముఖ్యంగా 40 ఏళ్లు పైబడిన వారికి, శారీరక శక్తి ఎంత ముఖ్యమో చెబుతోంది… సినిమా పరిశ్రమలో ఉంటూనే, కేవలం గ్లామర్కు ప్రాధాన్యత ఇవ్వకుండా, ఆ రంగుల ప్రపంచానికి భిన్నమైన క్రీడా రంగంలో తనదైన ముద్ర వేయడం ఆమె తపనకు, అంకితభావానికి నిదర్శనం…
నటి ప్రగతి ఇటీవల టర్కీ వేదికగా జరిగిన అంతర్జాతీయ ఈవెంట్లో పతకాలు సాధించి భారతదేశానికి గర్వకారణంగా నిలిచింది…
ఈవెంట్ పేరు…: ఏషియన్ ఓపెన్ & మాస్టర్స్ పవర్ లిఫ్టింగ్ ఛాంపియన్షిప్స్ 2025 (Asian Open & Masters Powerlifting Championships 2025)
-
స్థలం…: టర్కీ (Turkey)
-
సాధించిన పతకాలు…: మొత్తం 4 పతకాలు (నాలుగు మెడల్స్)
| పతకం (Medal) | – ఈవెంట్ (Category) |
| స్వర్ణం (Gold) | – డెడ్ లిఫ్ట్ (Deadlift) |
| రజతం (Silver) | – బెంచ్ ప్రెస్ (Bench Press) |
| రజతం (Silver) | – స్క్వాట్ (Squat) |
| రజతం (Silver) | – ఓవరాల్ (Overall) |
అంతర్జాతీయ ఈవెంట్తో పాటు, జాతీయ స్థాయిలో కూడా ప్రగతి అనేక స్వర్ణ పతకాలు సాధించింది… మచ్చుకు….
-
నేషనల్ లెవెల్ పవర్ లిఫ్టింగ్ ఛాంపియన్షిప్ (కేరళ, 2025)…: స్వర్ణ పతకం (Gold Medal)
-
సౌత్ ఇండియన్ పవర్ లిఫ్టింగ్ ఛాంపియన్షిప్ (2024)…: రజత పతకం (Silver Medal)
Share this Article