సిన్నర్స్..! ఆస్కార్ నామినేషన్లలో అదిరిపోయే రికార్డు..! మనమెక్కడ..?!

.

హైదరాబాద్, జనవరి 25 …. మన సినిమాకు ప్రపంచ స్థాయి అంటూ కొందరు దర్శకుల గురించి మీడియాలో, ప్రకటనల్లో భారీ పొగడ్తలకు దిగుతారు మనవాళ్లు… కానీ మనకు దక్కిన ఆస్కార్లు లెక్కదీస్తే మనమే సిగ్గుతో తలదించుకుంటాం… మన కథలు, మన ఎలివేషన్లు, మన కథలు, తన చెత్తను అసలు ఆస్కార్ పట్టించుకోదు…

ఎప్పుడో ఓసారి విపరీతమైన ఖర్చు, లాబీయింగ్ పనిచేస్తే… ఏ దిక్కుమాలిన, నాసిరకం నాటు నాటు పాటకో ఓ ఆస్కార్ పడేస్తారు, అంతే… హాలీవుడ్ రేంజ్ వేరు, మనవాళ్లు కలలు కనాలి… దరిద్రపు సినిమాలు తీసి, టికెట్ రేట్లు పెంచుకుని, ప్రేక్షకుల జేబులు కత్తిరించడం కాదు… ఇదుగో, ఈ సినిమా గురించి చదవండి ఓసారి… నామినేషన్ల దశకే దిక్కులేని ఇండియన్ సినిమా బాధ్యులందరూ చదవాల్సిన స్టోరీ…

రాయన్ కూగ్లర్ దర్శకత్వంలో వచ్చిన ‘సిన్నర్స్’ (Sinners) సినిమా ఇప్పుడు హాలీవుడ్‌లో సరికొత్త చరిత్ర సృష్టించింది… 98వ అకాడమీ అవార్డుల (Oscars 2026) నామినేషన్లలో ఈ సినిమా ఏకంగా 16 విభాగాల్లో నామినేషన్లు దక్కించుకుని ఆల్-టైమ్ వరల్డ్ రికార్డును నెలకొల్పింది…

గతంలో టైటానిక్ (Titanic), ఆల్ అబౌట్ ఈవ్ (All About Eve), లా లా ల్యాండ్ (La La Land) చిత్రాల పేరిట ఉన్న 14 నామినేషన్ల రికార్డును ఇది తుడిచిపెట్టేసింది…

ఈ సినిమా అంతటి ప్రభంజనం సృష్టించడానికి కారణాలు, ఆసక్తికరమైన కథాంశం ఏమిటంటే…

1. సినిమా కథేమిటి? (The Plot)

ఈ సినిమా కథ 1930ల కాలంలో అమెరికాలోని మిసిసిపీ రాష్ట్రంలోని ఒక మారుమూల గ్రామం నేపథ్యంలో సాగుతుంది…

• కథాంశం…: ఇద్దరు కవల సోదరులు (మైఖేల్ బి. జోర్డాన్ ద్వంద్వ పాత్రల్లో నటించారు) తమ గతాన్ని వదిలివేసి కొత్త జీవితం కోసం సొంతూరికి తిరిగి వస్తారు…. అయితే, ఆ ఊరు పగలు ప్రశాంతంగా ఉన్నా, రాత్రి వేళల్లో ఒక భయంకరమైన దుష్టశక్తి (Evil Power) గుప్పిట్లో ఉంటుంది…

• ట్విస్ట్…: ఇది కేవలం మనుషుల మధ్య జరిగే పోరాటం మాత్రమే కాదు… ఇందులో ‘వాంపైర్’ (Vampire) ఎలిమెంట్స్ ఉన్నాయి…. జాత్యహంకారం (Racism), అతీంద్రియ శక్తుల కలయికతో ఈ సినిమాను అత్యంత ఉత్కంఠభరితంగా తెరకెక్కించారు…

2. ఎందుకింత పాపులారిటీ? (Why the Hype?)

• హిస్టారికల్ రికార్డ్…: ఆస్కార్ చరిత్రలో 16 నామినేషన్లు సాధించిన మొదటి సినిమాగా నిలవడం దీనికి భారీ క్రేజ్ తెచ్చిపెట్టింది…. ఉత్తమ చిత్రం, ఉత్తమ దర్శకుడు, ఉత్తమ నటుడు వంటి ప్రధాన విభాగాలతో పాటు సాంకేతిక విభాగాల్లోనూ ఇది దూసుకుపోయింది….

• రాయన్ కూగ్లర్ – మైఖేల్ బి. జోర్డాన్…: ‘బ్లాక్ పాంథర్’ వంటి సినిమాలతో సంచలనం సృష్టించిన ఈ కాంబినేషన్ మళ్ళీ అంతటి స్థాయిలో మెప్పించడం విశేషం….

• హారర్ జానర్‌కు గౌరవం…: సాధారణంగా ఆస్కార్ అవార్డుల్లో ‘హారర్’ సినిమాలకు పెద్దగా ప్రాధాన్యత ఉండదు…. కానీ ‘సిన్నర్స్’ ఒక హారర్/థ్రిల్లర్ సినిమా అయ్యి ఉండి కూడా ఇన్ని నామినేషన్లు సాధించడం హాలీవుడ్‌ వర్గాలను కూడా ఆశ్చర్యపరిచింది…

• సామాజిక అంశాలు…: దెయ్యాల కథతో పాటు ఆ కాలం నాటి సామాజిక వివక్షను, నల్లజాతీయుల పోరాటాన్ని దర్శకుడు అద్భుతంగా మిళితం చేశాడు….

3. ఏయే విభాగాల్లో నామినేషన్లు వచ్చాయి?

ముఖ్యంగా ఉత్తమ చిత్రం, దర్శకుడు (రాయన్ కూగ్లర్), ప్రధాన నటుడు (మైఖేల్ బి. జోర్డాన్), సహాయ నటి (వున్మి మొసాకు), సహాయ నటుడు (డెల్రాయ్ లిండో), సినిమాటోగ్రఫీ, కాస్ట్యూమ్ డిజైన్ వంటి 16 విభాగాల్లో ఈ చిత్రం పోటీ పడుతోంది…

మొత్తానికి, 'సిన్నర్స్' కేవలం ఒక సినిమాగానే కాకుండా ఒక సామాజిక, సాంకేతిక విప్లవంగా హాలీవుడ్‌లో చర్చనీయాంశమైంది.... మార్చి 15న జరగబోయే ఆస్కార్ వేడుకల్లో ఈ సినిమా ఎన్ని అవార్డులు గెలుచుకుంటుందోనని ప్రపంచవ్యాప్తంగా సినీ ప్రియులు ఎదురుచూస్తున్నారు....