.
సముద్రంలో ‘అదృశ్య బాంబుల’ ముప్పు…: పెట్రోల్ మంటలు తప్పవా?
హార్ముజ్ జలసంధిలో ఇరాన్ వేసిన మైన్స్ ఇప్పుడు ప్రపంచానికే తలనొప్పిగా మారాయి…. కాదు, ఇరాన్కు కూడా… అసలేం జరుగుతోంది? చమురు ధరలపై దీని ప్రభావం ఏంటి?
మనం రోడ్డు మీద వెళ్తున్నప్పుడు అక్కడక్కడా గొయ్యి ఉంటేనే బండి నడపడం కష్టమవుతుంది. అలాంటిది, ప్రపంచ దేశాలకు చమురు (ఆయిల్) సరఫరా చేసే అతిపెద్ద సముద్ర మార్గంలో ‘అదృశ్య బాంబులు’ ఉంటే పరిస్థితి ఏంటి? ప్రస్తుతం హార్ముజ్ జలసంధిలో సరిగ్గా ఇదే జరుగుతోంది.
అసలు ఈ ‘మైన్స్’ గోల ఏంటి?
యుద్ధం లేదా ఉద్రిక్తతల సమయంలో శత్రువుల నౌకలను దెబ్బతీయడానికి సముద్రం అడుగున పేలుడు పదార్థాలను (Sea Mines) అమర్చుతారు. ఇరాన్ కూడా అలాగే కొన్ని మైన్స్ను నీటి అడుగున వేసింది. ఇవి ఎలా పనిచేస్తాయంటే.. ఏదైనా నౌక వీటిని తాకినా లేదా వాటి దరిదాపుల్లోకి వచ్చినా వెంటనే పేలిపోతాయి.
Ads
ఇరాన్కే తెలియని లెక్క! ఇక్కడ అసలు ట్విస్ట్ ఏంటంటే… ఇరాన్ ఈ బాంబులను ఎక్కడ వేసిందో ఇప్పుడు ఆ దేశానికే సరిగ్గా తెలియడం లేదు… ఏ ప్రాంతంలో ఎన్ని మైన్స్ వేశారో సరైన లెక్కలు లేవు… మైన్స్ వేసిన చోట గుర్తుగా కొన్ని చిన్న పడవలను నిలిపి ఉంచారు… కానీ సముద్రపు అలల ధాటికి ఆ పడవలు అటు ఇటు కొట్టుకుపోయాయి…
నీటి ప్రవాహానికి అడుగున ఉన్న బాంబులు కూడా ఒక చోట నుంచి మరోచోటికి కదిలిపోయాయి… దీనివల్ల ఇప్పుడు ఏ నౌక ఎప్పుడు పేలుతుందో తెలియని గందరగోళం నెలకొంది…
మన జేబుపై ప్రభావం ఎలా ఉంటుంది? ప్రపంచవ్యాప్తంగా సరఫరా అయ్యే చమురులో దాదాపు 20% ఈ చిన్న సముద్ర మార్గం గుండానే రావాలి… బాంబులు ఎక్కడున్నాయో తెలియక ఆయిల్ ట్యాంకర్లు ఈ మార్గంలో రావడానికి భయపడుతున్నాయి…. ప్రాణాలకు తెగించి వచ్చే నౌకలకు ఇన్సూరెన్స్ కంపెనీలు భారీగా ఛార్జీలు వసూలు చేస్తున్నాయి… నౌకల రాక తగ్గితే పెట్రోల్, డీజిల్ సరఫరా తగ్గి, మన దేశంలో వాటి ధరలు ఆకాశాన్ని తాకే ప్రమాదం ఉంది…
ప్రపంచ దేశాల ప్లాన్ ఏంటి? ఈ బాంబులను తొలగించడం (Mine Clearing) అంత తేలికైన పని కాదు… ఒక్కో బాంబును కనిపెట్టడానికి రోజుల సమయం పడుతుంది… అమెరికా, బ్రిటన్, జపాన్, భారత్: ఈ దేశాల దగ్గర మైన్స్ను కనిపెట్టే అధునాతన టెక్నాలజీ ఉంది… ఇటీవల అమెరికా తన డ్రోన్ల ద్వారా ఈ మైన్స్ను వెతికే ప్రయత్నం చేయగా, ఇరాన్ వాటిని అడ్డుకునే ప్రయత్నం చేస్తోంది.
ముగింపు….. మైన్స్ వేయడం సులభమే కానీ, వాటిని క్లియర్ చేయడం మాత్రం తల ప్రాణం తోకకు వచ్చే పని… ఈ జలసంధిలో సమస్య త్వరగా పరిష్కారం కాకపోతే, ప్రపంచవ్యాప్తంగా చమురు సంక్షోభం తలెత్తే అవకాశం ఉంది… శాంతి చర్చలు కుదిరితే తప్ప, ఈ ‘సముద్ర గండం’ గడిచేలా లేదు…
Share this Article