.
మన దేశంలో క్షుద్ర రాజకీయాలు కులాన్ని చావనివ్వవు… బలపడేలా చేస్తాయి… మన కులం, మన వోట్లు… కానీ సొసైటీ మాత్రం కులాన్ని దాటేస్తోంది వేగంగానే..! ఈమధ్య ఎక్కడో ఓ పోస్టు కనిపించింది రోజుకు 600 కులాంతర వివాహాలు జరుగుతున్నాయి అని..! కానీ ఆ సంఖ్య చాలా చాలా తక్కువ… మరి అసలు సంఖ్య..?
రీసెంటుగా తెలంగాణ ప్రభుత్వం ఓ సామాజిక సర్వే వివరాలు వెల్లడించింది కదా… 5.6 శాతం కులాంతర వివాహాలు నమోదవుతున్నాయి… నిజానికి ఆ సంఖ్య, ఆ శాతం కూడా తక్కువే… కాస్త వివరంగా చెప్పుకుందాం…
Ads
భారతదేశంలో రోజుకు 600 కులాంతర వివాహాలు (Inter-caste marriages) జరుగుతున్నాయనే గణాంకం వాస్తవానికి చాలా తక్కువ ఎందుకంటే..? 2026 నాటి ప్రస్తుత పరిస్థితులు, జాతీయ సర్వేలను బట్టి చూస్తే, ఈ సంఖ్య రోజుకు 1,500 నుండి 2,500 మధ్యలో ఉండే అవకాశం ఉంది….
1. గణాంకాల విశ్లేషణ …. భారతదేశంలో ప్రతి సంవత్సరం సుమారు కోటి నుండి 1.2 కోట్ల పెళ్లిళ్లు జరుగుతుంటాయి….
-
5% సగటు…: గత దశాబ్ద కాలంగా నేషనల్ ఫ్యామిలీ హెల్త్ సర్వే (NFHS), ఇతర నివేదికల ప్రకారం, దేశంలో జరిగే మొత్తం వివాహాల్లో దాదాపు 5% నుండి 5.8% కులాంతర వివాహాలే…
-
వార్షిక లెక్క…: 1.1 కోట్ల పెళ్లిళ్లలో 5% అంటే ఏడాదికి సుమారు 5,50,000 వివాహాలు ఇవే…
-
రోజువారీ లెక్క….: 5,50,000 ÷ 365 రోజులు = సుమారు రోజుకు 1,506 వివాహాలు… (కొందరు రీసెర్చర్ల లెక్కల ప్రకారం ఆల్రెడీ కులాంతర వివాహాల శాతం 10 దాటిపోయింది… ఈ లెక్కన రోజుకు 3 వేలకు మించిన కులాంతర వివాహాలు జరుగుతున్నట్టే… బహుశా ఈ లెక్కల్లో ఉపకులాల నడుమ పెళ్లిళ్లను కూడా తీసుకుని ఉంటారు…)
2. 2026 నాటి ధోరణులు (Trends) …. గతంతో పోలిస్తే ప్రస్తుతం పట్టణ ప్రాంతాల్లో మార్పు కనిపిస్తోంది…
-
ప్రాంతీయ వైవిధ్యం…: 2024- 2026 మధ్య వచ్చిన కొన్ని సామాజిక- ఆర్థిక సర్వేల ప్రకారం, తెలంగాణ వంటి రాష్ట్రాల్లో ఈ సగటు 5.6% గా ఉంది… కొన్ని మెట్రో నగరాల్లో ఇది 10-12% వరకు కూడా నమోదవుతోంది…
-
ఉప-కులాల మధ్య వివాహాలు…: ఒకే వర్గంలోని వేర్వేరు ఉప-కులాల మధ్య జరిగే వివాహాలను కూడా పరిగణనలోకి తీసుకుంటే, ఈ సంఖ్య ఇంకా భారీగా ఉంటుంది…
3. ప్రభుత్వ ప్రోత్సాహకాలు …. ప్రభుత్వం కులాంతర వివాహం చేసుకున్న జంటలకు (ముఖ్యంగా దళితులు, దళితేతరుల మధ్య) ₹2.5 లక్షల వరకు ఆర్థిక సాయం అందిస్తోంది…
-
సామాజిక న్యాయ మంత్రిత్వ శాఖ గణాంకాల ప్రకారం, ఏటా సుమారు 25,000 నుండి 30,000 జంటలు మాత్రమే ఈ ప్రోత్సాహకాల కోసం దరఖాస్తు చేసుకుంటున్నాయి…
-
అయితే, చాలా మందికి ఈ పథకాలపై అవగాహన లేకపోవడం లేదా అర్హత ప్రమాణాల వల్ల (ఉదాహరణకు: ఇద్దరూ అగ్రవర్ణాలకు చెందిన వేర్వేరు కులాల వారు కావడం) అధికారిక రికార్డుల్లోకి అన్ని వివాహాలు రావడం లేదు…
కొన్ని కులాల్లో అసలు పెళ్లీడు ఆడపిల్లల సంఖ్య చాలా తక్కువగా ఉంది… అమ్మాయి దొరికితే చాలు అనే సిట్యుయేషన్… దాంతో అనివార్యంగా ఇతర కులాల పిల్లలను ప్రేమించి పెళ్లి చేసుకుంటున్నారు… గతంలో కొన్ని అగ్రవర్ణాలు ఇతర కులాల పిల్లలను చేసుకోవడానికి ససేమిరా అంగీకరించేవాళ్లు కాదు… కానీ యువత ప్రేమవివాహాలకే సై అంటూ, కుటుంబం నుంచి దూరం కావడానికి కూడా సిద్ధపడుతుండటంతో ‘ఛాందస కుటుంబాలు’ సైతం కులాంతరానికి తలూపుతున్నాయి…
ఇలాంటివి పెద్దగా ప్రభుత్వ రికార్డుల్లోకి రావడం లేదు… లివ్ ఇన్ రిలేషన్స్ సంఖ్య కూడా పెరుగుతోంది… సో, సామాజిక మార్పు స్థిరంగా పెరుగుతోంది… కొన్నేళ్ల తరువాత జెన్ జీ (1997- 2012) తరం పాతబడిపోతుంది… ప్రస్తుత జెన్ ఆల్ఫా (2010- 2025) తరం పెళ్లిళ్లకు రెడీ అయ్యేసరికి… ఆ తరువాత జెన్ బీటా (2025 తరువాత) తరంలో ‘కులం’ తన ఉనికిని మరింత కోల్పోతుంది… ఖాయంగా…!!
జెన్ జీ (Gen Z): వీరు కులం కంటే ‘వైబ్’ (Vibe) మరియు ‘పర్సనాలిటీ’కి ప్రాముఖ్యత ఇస్తున్నారు…
జెన్ ఆల్ఫా (Gen Alpha): 2030-2040 నాటికి వీరు పెళ్లిళ్ల వయసుకి వస్తారు. వీరి ప్రపంచం పూర్తిగా గ్లోబలైజ్డ్. ఇంటర్నెట్ వల్ల వీరికి కుల మూలాలు, పాత ఆచారాల పట్ల అవగాహన మరియు ఆసక్తి రెండూ తగ్గుతున్నాయి…
జెన్ బీటా (Gen Beta): వీరు పెరిగే సరికి, కులం అనేది కేవలం సర్టిఫికెట్లకో లేదా రిజర్వేషన్లకో పరిమితమైన ఒక ‘అడ్మినిస్ట్రేటివ్ ఐడెంటిటీ’గా మిగిలిపోతుందే తప్ప, సామాజిక బంధాలను నిర్ణయించే శక్తిగా ఉండకపోవచ్చు…
- మెట్రో నగరాల్లో కులం అడ్రస్ వెతకడం చాలా కష్టం. అక్కడ వృత్తి, ఆదాయం, జీవనశైలి మాత్రమే ప్రాధాన్యతలు. లివ్-ఇన్ రిలేషన్లలో ఉండేవారు కులాన్ని అసలు ఒక ప్రాతిపదికగానే తీసుకోరు. ఈ ట్రెండ్ గ్రామీణ ప్రాంతాలకు పాకడానికి ఎంతో సమయం పట్టదు….
Share this Article