ఒకవేళ అఖిల్‌ను జనం ఎలిమినేట్ చేస్తే… ఫినాలే మెడల్ గతేమిటి..?!

ఒక ప్రశ్న… ‘అఖిల్‌ను గనుక ప్రేక్షకులు ఈవారం ఎలిమినేట్ చేస్తే… తను గెలుచుకున్న ఫినాలె మెడల్ పనికొస్తుందా..? లేదా..? అప్పుడు ఫినాలె మెడల్‌కు ఉన్న విలువ ఎంత..? ఉపయోగం ఎంత..? అసలు ఒకవైపు అయిదుగురు నామినేషన్ జాబితాలో ఉన్నప్పుడు, ఈ ఫినాలె మెడల్ టాస్కు పెట్టడంలో తెలివి ఎంత..? ఇక ఈసారి బిగ్‌బాస్ బుర్రలేని ధోరణి ఇక ఆగదా..?’ ఈ ప్రశ్నకు సరైన సమాధానాలు ఇవ్వగలిగిన వారిని నేరుగా ‘వైల్డ్ కార్డ్ ఫైనలిస్టు’గా ప్రకటిస్తామహో….

పైన పేరా గురించి ఇంకా ఆలోచిస్తున్నారు కదా… అది తెగదు, ఒడవదు… దీనికి సమాధానం బిగ్‌బాస్ వద్ద కూడా లేదు… ఉండదు, చాన్సే లేదు… ఈసారి బిగ్ బుర్రబొక్క బాస్ కాబట్టి… పోనీ, ఇదేమైనా ఎవిక్షన్ ఫ్రీ పాస్ కాదు కదా, ఏ అరియానాకో ట్రాన్స్‌ఫర్ చేయడానికి..? పోనీ, ఈ ఫినాలె మెడల్ కూడా ట్రాన్స్‌ఫరబుల్ అనుకుందాం… అఖిల్ అంతులేని ప్రేమతో సొహెల్‌కు ఇస్తాడూ అనుకుందాం… మరిక ఈ ఫినాలె రేసుకు అర్థమేమున్నట్టు..? కనీసం ఫినాలె పోటీలనైనా ఎవరికివారు ఇండిపెండెంట్ ఆట ఆడేట్టుగా రచించలేరా..? ఇక్కడ పాసులు, మెడల్స్ త్యాగాలు, దానాలు ఉంటాయా..?

నిజంగానే అఖిల్‌ను గనుక ప్రేక్షకులు తక్కువ వోట్లతో ఎలిమినేట్ చేస్తే అప్పుడు కథ వేరే ఉంటుంది… తమాషా… అసలు మొదటి నుంచీ ఈసారి ఈ బిగ్‌బాస్ టీం ఇంతే… వాళ్ల ఆలోచనలు అన్నీ అపసవ్యంగానే తిరుగుతున్నయ్… పలుసార్లు అభిజిత్ తప్పుపట్టి, అసలు కొన్ని టాస్కులు చేయడానికే తిరస్కరించాడు తెలుసు కదా… నిన్న అవినాష్, అరియానా కూడా అంతే… బిగ్‌బాస్ నిర్ణయాలు, ఆదేశాల్లోనే తప్పులున్నట్టుగా నేరుగా కెమెరా ముందే సీరియస్ అయ్యారు… అరియానా వాదనలో లాజిక్కు కూడా ఉంది…

ఇంకోవైపు పూలు ఏరే టాస్కుపై హారిక కూడా అంతే… దాదాపు ఏడ్చేసింది, వాటీజ్ దిస్ బిగ్‌బాస్ అని ఆక్రోశించింది… అంతకుముందు అవినాష్ ఇలాగే శోకాలు పెట్టాడు… అసలు తొండి ఆటకు బిగ్‌బాస్ చాన్సివ్వడమే తప్పు… ఆడ, మగ తేడా ఏముంది, అందరూ సేమ్ అని నాగార్జున వేదిక మీద ప్రవచనాలు చేసినంత వీజీ కాదు… ఫిజికల్ టాస్కుల్లో కచ్చితంగా మగ కంటెస్టెంట్లకు అడ్వాంటేజ్ ఉంటుంది… టాస్కులు పెట్టేటప్పుడే అది బుర్రలో లేకపోతే ఎలా..?

డోన్ట్ క్రై అవినాష్, అరియానా, హారిక… ఈసారి సీజన్‌లోకి రావడమే మీరు చేసిన తప్పు… ఈ మొత్తం వ్యవహారంలో బిగ్‌బాస్ బట్టలిప్పి ప్రశ్నించేందుకు, ఇజ్జత్ తీసేందుకు అభిజిత్ పైనే ప్రేక్షకుల ఆశలు… నిజం… తను కూల్‌గా ఉంటున్నాడు, తెలివిగా వ్యవహరిస్తున్నాడు, అదేసమయంలో ధైర్యంగా, మొండిగా కూడా నిలబడుతున్నాడు… ప్రేక్షకుల్లో విపరీతమైన ఫాలోయింగు ఉంది ఇప్పుడు తనకు… సొహెల్ ఈమధ్య బాగా పికప్ అయ్యాడు గానీ ఇంకా అభిజిత్ దాకా చేరలేదు… ఇంతకీ అఖిల్ సంగతి ఏమిటీ అంటారా..? తనను ప్రేక్షకులు సేవ్ చేసి, మళ్లీ అవినాష్ మీద గానీ, మోనాల్, హారిక మీద గానీ వేటు వేస్తే… అప్పుడు ఏ సమస్యా ఉండదు… రాదు… ఎటొచ్చీ అఖిల్‌ను ఎలిమినేట్ చేస్తేనే బిగ్‌బాస్ పరువు మరోసారి గోవిందా… ఎందుకో హారిక కథ ముగిసినట్టు అనిపిస్తోంది…