పాపం త్రిష… ఆశ అడియాసేనా? విజయ్– సంగీత బంధంపై కొత్త ట్విస్ట్..!

.

పాపం త్రిష… ఆశలు అడియాసలేనా? విజయ్–సంగీత బంధంపై కొత్త ట్విస్ట్! ఎన్నాళ్లుగానో తమిళ సినీ వర్గాల్లో, సోషల్ మీడియాలో వినిపిస్తున్న కథనాలు నిజమే అయి ఉంటే, ఇప్పుడిక ఆమె ఆశలు అడియాసలయ్యాయా?

గత రెండేళ్లుగా తమిళ మీడియా, యూట్యూబ్ ఛానళ్లు, గాసిప్ కాలమ్స్‌లో ఎక్కువగా నానిన అంశాల్లో ఒకటి హీరో విజయ్ వ్యక్తిగత జీవితం. భార్య సంగీతతో విభేదాలు వచ్చాయని, ఇద్దరూ దూరంగా ఉంటున్నారని, విడాకుల దిశగా వెళ్తున్నారని పెద్ద ఎత్తున ప్రచారం జరిగింది. అదే సమయంలో హీరోయిన్ త్రిషతో విజయ్ సాన్నిహిత్యంపై కూడా ఎన్నో కథనాలు వచ్చాయి.

ఇక రేపోమాపో సంగీతతో విడాకులు, త్రిషతో మంగళవాయిద్యాలు అన్నంత ప్రచారం జరిగింది… త్రిషతో విజయ్ సాన్నిహిత్యం జగమెరిగిన రహస్యమే…

నిజానికి విజయ్–త్రిష మధ్య కెమిస్ట్రీ కొత్తది కాదు. గిల్లి, తిరుపాచి, ఆది, కురువి, లియో వంటి సినిమాల్లో కలిసి నటించిన వీరిద్దరూ చాలా కాలంగా మంచి స్నేహితులుగా పేరుగాంచారు. కానీ గత కొన్నేళ్లుగా ఆ స్నేహం గురించి వస్తున్న కథనాలు మాత్రం మరింత ముందుకెళ్లాయి. విదేశీ పర్యటనల నుంచి పుట్టినరోజు పోస్టుల వరకు, ఒకే ప్రాంతంలో కనిపించడం నుంచి సోషల్ మీడియా సంకేతాల వరకు… అభిమానులు, గాసిప్ రైటర్లు తమకు తోచిన కథనాలు అల్లుకుంటూనే వచ్చారు.

అయితే ఇందులో ముఖ్యమైన విషయం ఏమిటంటే… ఇప్పటివరకు విజయ్, త్రిష ఇద్దరూ ఈ ప్రచారాలను అధికారికంగా అంగీకరించలేదు. ఖండించలేదు కూడా. అందుకే ఇదంతా “అందరికీ తెలిసిన రహస్యం” స్థాయిలోనే ఉండిపోయింది.

ఇలాంటి సమయంలో తాజాగా తమిళ మీడియాలో మరో కథనం హల్‌చల్ చేస్తోంది. విజయ్, సంగీత మధ్య దూరం తగ్గుతోందని, కుటుంబ సభ్యుల జోక్యంతో ఇద్దరూ మళ్లీ దగ్గరవుతున్నారని, పిల్లల భవిష్యత్తు కోణంలో రాజీ ప్రయత్నాలు జరుగుతున్నాయని ప్రచారం మొదలైంది.

ఈ వార్తలు నిజమైతే మాత్రం కథలో పెద్ద ట్విస్ట్ వచ్చినట్టే. ఎందుకంటే ఇన్నాళ్లూ విజయ్–సంగీత బంధం ముగింపు దశలో ఉందనే ఊహాగానాలే ఎక్కువగా వినిపించాయి. ఆమె విడాకుల పిటిషన్ కూడా వేసింది, పరోక్షంగా త్రిషతో విజయ్ బంధం కారణమనీ ఆరోపించిందట… దాంతో విజయ్ భవిష్యత్తు గురించి, త్రిషతో ఆయన సంబంధం గురించి సోషల్ మీడియాలో చాలామంది తమకు నచ్చిన కథలు కూడా రాసుకున్నారు.

కానీ ఇప్పుడు పరిస్థితి మారుతున్న సంకేతాలు కనిపిస్తున్నాయని తమిళ మీడియా చెబుతోంది. కుటుంబం అనే బంధం, ముఖ్యంగా పిల్లల భవిష్యత్తు అనే అంశం ముందుకొస్తే చాలా నిర్ణయాలు మారిపోతాయి. స్టార్ హీరోల జీవితాల్లో కూడా అదే జరుగుతుందేమో అన్న చర్చ మొదలైంది.

అసలు చూడబోతే… ఇందులో త్రిష కంటే ఎక్కువగా బాధపడేది గాసిప్ ఇండస్ట్రీ అయి ఉండొచ్చు. ఎందుకంటే గత రెండేళ్లుగా విజయ్ వ్యక్తిగత జీవితంపై ఎన్నో కథనాలు, విశ్లేషణలు, ఊహాగానాలు మార్కెట్‌లో తిరిగాయి. ఇప్పుడు విజయ్–సంగీత మళ్లీ ఒక్కటైతే వాటిలో చాలావరకు గాలికథలుగానే మిగిలిపోతాయి.

అయినా ఇప్పటికీ ఇవన్నీ అధికారిక ధ్రువీకరణ లేని కథనాలే. విజయ్ గానీ, సంగీత గానీ, త్రిష గానీ నోరు విప్పే వరకు నిజం ఏమిటో ఎవరికీ తెలియదు.

చివరగా ఒక మాట… సినిమాల్లో ట్విస్ట్‌లు చివరి 20 నిమిషాల్లో వస్తాయి. స్టార్ హీరోల వ్యక్తిగత జీవితాల్లో మాత్రం ట్విస్ట్‌లు ఏళ్ల తర్వాత వస్తుంటాయి. ప్రస్తుతం తమిళ మీడియాలో వినిపిస్తున్న కథనాలు నిజమైతే… “విజయ్–త్రిష” అంటూ ఇన్నాళ్లూ ఊహించిన వాళ్ల కంటే, “విజయ్–సంగీత” బంధం నిలవాలని కోరుకున్న వాళ్లకే ఈ ఎపిసోడ్ హ్యాపీ ఎండింగ్ కావచ్చు!