.
బాలీవుడ్లో గత దశాబ్ద కాలంగా నలుగుతున్న అత్యంత వివాదాస్పదమైన, అంతుచిక్కని వ్యవహారం హృతిక్ రోషన్ (Hrithik Roshan) – కంగనా రనౌత్ (Kangana Ranaut) ల మధ్య గొడవ. ఇది మళ్లీ రాజుకుంది… అసలు కొత్తగా ఏమిటీ పంచాయితీ… అంతకుముందు యవ్వారం ఏమిటి..? కాస్త వివరంగా చెప్పుకుందాం… ఆమె అసలే ఫైర్ బ్రాండ్…
1. అసలు లవ్ అండ్ పాత యవ్వారాలు ఏమిటి? ప్రారంభం…: 2009-2010 సమయంలో ‘కైట్స్’ (Kites), ‘క్రిష్ 3’ (Krrish 3) సినిమాల్లో కలిసి పనిచేస్తున్నప్పుడు వీరిద్దరి మధ్య సాన్నిహిత్యం ఏర్పడింది. చాలా… ఇక పెళ్లే తరువాయి అన్నంతగా…
Ads
ఆరోపణలు…: హృతిక్ రోషన్తో తాను రిలేషన్షిప్లో ఉన్నానని, ఆయన తనను పెళ్లి చేసుకుంటానని నమ్మించి మోసం చేశాడని కంగనా రనౌత్ పదే పదే బహిరంగంగా ఆరోపించింది…
ఖండన…: ఈ ఆరోపణలను హృతిక్ రోషన్ మొదటి నుంచి తీవ్రంగా ఖండిస్తూ వస్తున్నాడు… తాము కేవలం సహనటులం మాత్రమేనని, ప్రైవేట్గా ఎలాంటి రొమాంటిక్ సంబంధం లేదని స్పష్టం చేశాడు. కంగనా తనతో రిలేషన్లో ఉన్నట్లు చెబుతున్న ఈమెయిల్ అడ్రస్ అసలు తనది కాదని, ఎవరో ఆకతాయిలు ఫేక్ ఈమెయిల్స్ సృష్టించి మోసం చేస్తున్నారని హృతిక్ వాదించాడు… ఇది ఇంతటితో ఆగలేదు…
న్యాయ పోరాటం (2016): 2016లో కంగనా ఒక ఇంటర్వ్యూలో హృతిక్ను “సిల్లీ ఎక్స్” (Silly Ex) అని సంబోధించడంతో వివాదం తారస్థాయికి చేరింది. ఇద్దరూ ఒకరికొకరు లీగల్ నోటీసులు పంపుకున్నారు. సైబర్ క్రైమ్ పోలీసులను ఆశ్రయించారు. అయితే, సరైన డిజిటల్ ఆధారాలు లభించకపోవడంతో ఆ కేసు అలాగే నీరుగారిపోయింది.
2. ఆ తర్వాత దూరం అలాగే ఉండిపోయిందా?
అవును, పూర్తిగా ఉండిపోయింది. ఆ వివాదం తర్వాత ఇద్దరూ ఎప్పుడూ ముఖాముఖి కలుసుకోలేదు. ఎవరి దారి వారు చూసుకున్నారు. ఒకరినొకరు బహిరంగ వేదికలపై పరోక్షంగా విమర్శించుకోవడం మినహా ఎలాంటి సయోధ్య కుదరలేదు. కంగనా తరచూ బాలీవుడ్ నెపోటిజంపై, హృతిక్ కుటుంబంపై విమర్శలు గుప్పిస్తూనే ఉంది; హృతిక్ మాత్రం ఈ వివాదానికి పూర్తిగా దూరంగా ఉంటూ మౌనం వహిస్తున్నాడు. ఎందుకైనా మంచిదని!
3. ఇప్పుడు కొత్త పంచాయితీ ఏమిటి?
ఇన్నాళ్లు సద్దుమణిగిన ఈ పాత వివాదం సోషల్ మీడియా పుణ్యమా అని తాజాగా మళ్లీ రాజుకుంది…
“సారీ హృతిక్” ట్రెండ్…: సోషల్ మీడియాలో కంగనా రనౌత్ చేసిన కొన్ని వ్యాఖ్యలపై నెటిజన్లు తీవ్రంగా మండిపడ్డారు. ఆమెను టార్గెట్ చేస్తూ, హృతిక్ రోషన్కు మద్దతుగా “సారీ హృతిక్” అనే ట్రెండ్ను సోషల్ మీడియాలో తెచ్చారు. కంగనా గతంలో తనను వేధించిందని, హృతిక్కు అన్యాయం జరిగిందని నెటిజన్లు పెద్ద ఎత్తున పోస్టులు చేశారు.
హృతిక్ స్పందన…: ఈ ట్రెండ్పై హృతిక్ స్పందిస్తూ.. ఒక వ్యక్తి నచ్చలేదనే కారణంతో మరో వ్యక్తికి గుడ్డిగా మద్దతు ఇవ్వడం సరైన పద్ధతి కాదని, ఎప్పుడూ వాస్తవాలు, సందర్భాన్ని బట్టి మాట్లాడాలని హితవు పలికాడు….
కంగనా ఘాటు కౌంటర్…: హృతిక్ చేసిన ఈ వ్యాఖ్యలపై కంగనా తీవ్రంగా మండిపడింది. తన పేరును వాడి సోషల్ మీడియాలో తనను ట్రోల్ చేస్తున్న వారిని హృతిక్ ఎందుకు ఖండించడం లేదని ప్రశ్నించింది. అలా మౌనంగా ఉంటూ, పరోక్ష వ్యాఖ్యలు చేయడం ద్వారా వివాదానికి హృతిక్ ఆజ్యం పోస్తున్నాడని ఆమె మండిపడింది.
ఇలా కొద్దిరోజులుగా సోషల్ మీడియాలో వీరిద్దరి మధ్య మాటల యుద్ధం మళ్లీ మొదలై, బాలీవుడ్లో హాట్ టాపిక్గా మారింది.
Share this Article