మణిపురిలో జాతివైరం… ఓ తెలుగు జర్నలిస్టుతో మొయితీల బతుకు చెలగాటం…

…అప్పటి వరకూ చీకటి గదిలో ఉన్నమమ్మల్ని బయట వరండాలోకి తీసుకొచ్చారు..బయట చూస్తే జనాలతో అంతా నిండిపోయి ఉంది.మేం లోపలికి వెళ్లకముందు కంటే ఇప్పుడు జనాలు భారీగా పెరిగిపోయారు.. బయట వరండాలో రెండు కుర్చీలు వేసి మా ఇద్దర్నీ కూర్చోబెట్టారు..వరండాకున్న గ్రిల్ బయట మొత్తం మైతీ జనాలు నిల్చుని చూస్తున్నారు..కొంతమంది చేతుల్లో కర్రలు, రాడ్లు ఉన్నాయి

…బయటకు వచ్చాక నేను అడిగి ప్రశ్న-మా డ్రైవర్ అమీర్ ఎక్కడ అని..

…అమీర్ సేఫ్ గా ఉన్నాడు…అతన్ని మేం ఏమీ చేయం…మీరేమీ కంగారు పడక్కర్లేదు అన్నాడు ఒకతను

..ఈలోపు అమీర్ ను కూడా మేం ఉన్న వరండాలోకి తెచ్చారు

…అమీర్ వాళ్లని బతిమాలుతున్నాడు..అది అతని కోసం కాదు..మాకోసం.. సర్ ని కొట్టొద్దు..వదిలిపెట్టేయండి..వాళ్లాచాలా రాష్ట్రాలు దాటి మీ న్యూస్ కవర్ చేయడం కోసం వచ్చారు..దయచేసి వాళ్లని వదిలేయండి..కావాలంటే నన్ను కొట్టండి అంటున్నాడు..

….అంతటి దారుణపరిస్థితుల్లోనూ డ్రైవర్ అమీర్ నిజాయతీ…మాట్ల విశ్వాసం నచ్చాయి

…మాకోసం అతను వాళ్ల కాళ్లు పట్టుకుని బతిమాలుతుంటే ఇంకా ఇలాంటి మనుషులు ఉన్నారా..అనిపించింది

…వాళ్లు అతనికి సర్దిచెబుతున్నారు…ఇందులో దయచేసి నువ్వుజోక్యం చేసుకోవద్దు..వీళ్లు చేసింది చాలా ఘోరమైన తప్పు..వాళ్ల తరఫున మాట్లాడొద్దు..లోకం ముందు మనల్ని నేరస్తులుగా నిల్చోబెట్టింది ఈ మీడియా వాళ్లే.ఇలాంటి వాళ్లని వదలొద్దు అంటున్నాడు..(వాళ్లు మణిపురి భాషలో మాట్లాడుకుంటున్నారు..కానీ వారి హావభావాలు అర్థమవుతున్నాయి)

…..కాసేపటికి మా పర్సులో ఉన్న ఐడీకార్డులు,ఆధార్ కార్డులు తీసుకున్నారు..తుపాకి ధరించి బ్లుూడ్రస్ లోఉన్న యువకుడు వాటిని ఫొటోలు తీసుకుని డీటైల్స్ అన్నీ పేపర్ పై రాసుకుంటున్నాడు

…..కాసేపటికి మరో ఇద్దరు పెద్దవాళ్లు వచ్చి మా ముందు కూర్చున్నారు

..మీరు కుకీ గ్రామాల్లోకి వెళ్లి ఏం షూట్ చేశారో చెప్పండి అన్నాడు

…నేను ఏం షూట్ చేయలేదు..అసలు అక్కడ ఏం ఉందని షూట్ చేస్తాం..మీరు అందర్నీ చంపేశారు కదా.. అక్కడ బూడిద మాత్రమే ఉంది అని అరుస్తున్నాడు సంతోష్..

…సంతోష్ మాట ఇంకా పూర్తిగాకముందే అతని జుట్టు పట్టుకుని చెంపమీద కొట్టాడు ఒక లుంగీ కట్టుకున్న ఒకతను

….అతను మళ్లీ నన్ను అదే ప్రశ్న మళ్లీ అడిగాడు

…నేను నిజానికి..అక్కడ గ్రామాల్లో పరిస్తితి మొత్తం రిపోర్ట్ చేద్దామని వెళ్లాను..మీవాళ్లు చెప్పినట్టు అక్కడ వందలమంది కుకీలు ఉంటారనుకున్నాను..వాళ్లందరి ఇంటర్ వ్యూలు తీసుకోవాలని అనుకున్నాను..కానీ ఎంత దూరం వెళ్లినా సరే.. కుకీలు మాకు కనిపించలేదు..అందుకే ఏమీ షూట్ చేయలేదు.

..మరి మీరు మావాళ్లని అక్కడ ఆడవాళ్లని నగ్నంగా ఊరేగించిన ఊరేదో చెప్పమని అడిగారట కదా..

..అవును అడిగాం కానీ..కానీ అక్కడికి వెళ్లాక ఆడవాళ్లని నగ్నంగా ఊరేగించిన ఊరు ఏదో మాకు అర్థం కాలేదు..ఎక్కడ చూసినా కాలిపోయిన ఇళ్లు..కూలిపోయిన ఇళ్లు ఇవే కనిపించాయి..ఒక్కరంటే ఒక్కరు కూడా మనిషి కనిపించలేదు

…ఇంతలో మందు కొట్టిన మరో ముసలాయన అక్కడికి వచ్చి కోపంగా నా కాలుపై తన్నాడు

..అతన్ని ఆపిన మరో యువకుడు ..పక్కకు లాక్కెళ్లాడు

…ఈలోపు లోపల ఏదో జరుగుతోందని అర్థంచేసుకున్న బయట ఉన్న జనాలు ఆగ్రహంతో ఊగిపోతున్నారు..వాడిని చంపేయండి …చంపేయండి అంటూ..అరుస్తున్నారు..గ్రిల్ పై ఆయుధాలతో పొడుస్తున్నారు..చిన్నచిన్న రాళ్లను గ్రిల్ లోపలికి విసురుతున్నారు

…మీరు ఏమీ మాట్లాడొద్దు సర్,..వాళ్లతో ఏమీ ఆర్గ్యూ చేయొద్దు..ఏమీ వీడియోలు తీయలేదని చెప్పేయండి…అలాగే వాళ్లు ఏం చెప్పినా వినండి అంటున్నాడు డ్రైవర్ అమీర్

….నిజంగానే ఏమీ తీయలేదు కదా..ఇక్కడ అబద్దం చెప్పేది ఏముంది అంటూ సీరియస్ అయ్యాడు సంతోష్

..మరో వ్యక్తి సంతోష్ పైకి తీసుకెళ్లి అతని ముఖంపై గుద్దాడు..తర్వాత కెమేరా ఓపెన్ చేసి చూపించమన్నాడు

….సంతోష్ ఏడుస్తూనే కెమేరా ఓపెన్ చేసి.. వీడియోలు అన్నీ చూపించాడు..అందులో ఉదయం నుంగ్ పోక్ షిక్మై గ్రామంలో భూషణ్, స్వర్ణలత ఇంటర్ వ్యూలు,,అక్కడ మహిళల నిరస ప్రదర్శనలు,దానికన్నా ముందు హైవేపై బాబూబజార్ వద్ద మైతీ మహిళలు చందాలు వసూళ్లుచేస్తున్న విజువల్స్ ఇవి మాత్రమే ఉన్నాయి

…అలాగే కెమేరాలో విజువల్స్ అన్నీ చూపిస్తోంటే అంతకుముందు రోజు చుర్ చందాపూర్ లో కుకీ మహిళల ఆందోళన కుసంబంధించిన విజువల్స్ కనిపించాయి

..అవి చూడగానే వాళ్లు మరింత సీరియస్ అయ్యారు

..మీరు చుర్ చందాపూర్ వెళ్లారా అని అడిగారు

..అవును నిన్న వెళ్లాం.అక్కడ అంతా కవర్ చేశాం అన్నాను

…అక్కడి ఐదువేలమందికి పైగాకుకీ మహిళలు నల్ల డ్రస్సుల్లో ఆందోళనచేస్తున్న దృశ్యాలు, రోడ్డుపక్కన వందలాది శవపేటికలు పెట్టి నిరసన చేస్తున్న దృశ్యాలు కనిపించాయి..వాటిపక్కన నిలబడి నేను రిపోర్ట్ చేస్తున్నది అంతా చూశారు వాళ్లంతా..

…దాంతో మరోసారి అటు సంతోష్ ,ఇటు నాపై చెంపై కొట్టిన వాళ్లంతా..మీరు కుకీలతో కుమ్మక్కై ఇవాళ పథకం ప్రకారం ఇక్కడికి వచ్చి మమ్మల్ని మోసం చేశారు అంటున్నాడు వాళ్ల నాయకుడు

….మీరంతా వాళ్ల మహిళల్ని ఊరేగించిన విజువల్స్,వాళ్లు శవపేటికలతో ధర్నాలు చేస్తున్నవే సమాజం ముందు చూపిస్తున్నారు కానీ మైతీల కష్టాల గురించి చూపించడం లేదు..మిమ్మల్ని ఎందుకు క్షమించాలి అని అరుస్తున్నాడు

…మేం కిడ్నాప్ చేయడం మొదట తప్పేమో అనుకున్నాం కానీ కాదు…మేం చేస్తున్నది రైటే.. మీలాంటి వాళ్లని చంపి..తలను కర్రకు గుచ్చి ఇంఫాల్ లో మెయిన్ రోడ్డు మీద పెడతాం..ఇంకో మీడియా వాళ్లు ఇక్కడికి రావాలంటే భయపడాలి…అంటున్నాడు

…సరిగ్గా అప్పుడే ఒక యువకుడు కత్తితెచ్చి నా మెడ మీద పెట్టి నేను కోస్తా ఆంటున్నాడు

..కాదు నేను కాల్చి చంపుతా అంటూ మరో యువకుడు గన్ తెచ్చి నా తల మీద పెట్టాడు

…కాదు కాదు..వాడిని బయటకు వదిలితే మేం కొట్టి కొట్టి చంపుతా అంటూ బయట నుంచి మహిళ అరుస్తోంది

…దీంతో ఒక్కసారిగా అక్కడ అలజడి మొదలైంది..బయట నినాదాలు పెరిగిపోయాయి

…సరిగ్గా అప్పుడే సంతోష్ ఇక మనం బతకడం కష్టమే సర్ ..వాళ్లు చంపేస్తారు అంటున్నాడు సంతోష్

…సరే..చంపాలనుకుంటే చంపేయండి..కానీ తర్వాత మీమీద ప్రపంచం ఎక్కడా జాలి చూపించదు..కేంద్రప్రభుత్వం కూడా మిమ్మల్ని వదిలిపెట్టదు..నన్ను చంపితే మీకు సొల్యూషన్ దొరుకుతుందనుకుంటే వెంటనే చంపేయండి..కానీ మాకెమేర్ మ్యాన్, డ్రైవర్ ను వదిలేయండి..వాళ్లకేం సంబంధం లేదు..వాళ్లది ఏమీ తప్పులేదు అన్నాను

…అప్పటికే సాయంత్రం అయిపోయింది..అంటే..మమ్మల్ని తెచ్చి ఐదారు గంటలకు పైగానే అవుతోందన్నమాట.అనుకున్నాను

….ఇంతలో బయటి నుంచి ఒక కుర్రాడు వచ్చాడు…సర్ నేను హైదరాబాద్ లో చాలాకాలం పనిచేశాను..నాకు కొంత తెలుగు అర్థమవుతుంది..మా వాళ్లు మిమ్మల్నిచంపరు..మీపై ఎలాంటి దాడి చేయకుండా నేను చూసుకుంటాను.. కానీ మీరో సాయం చేసిపెట్టాలి..అసలు వాస్తవాలేంటో ప్రజలకు తెలియజేయం చాలు అన్నాడు

…ఇప్పుడు మేం అదే చేస్తున్నాం..అటు కుకీల వార్తలు-ఇటు మీవార్తలు రెండూ కవర్ చేస్తున్నాం..అన్నాను

…కానీ నేషనల్ మీడియాఅంతా మా అగైనస్ట్ గా ఉంది..మమ్మల్ని రేపిస్టులుగా, హంతకులుగా ప్రొజెక్ట్ చేస్తోంది..ఇప్పుడు ప్రపంచం మొత్తం ఆ వీడియో బయటకు వచ్చాక మమ్మల్ని ధోషులుగా చూస్తోంది అన్నాడు

…ఇలాంటి నగ్న ఊరేగింపులు కుకీలు అనేకం చేశారు..హత్య లుచేశారు..కానీ ఇవేమీ బయటకు రావడం లేదు. మేం అసలు వాస్తవాలు బయటకు తెస్తామని ప్రభుత్వం ఇంటర్నెట్ మొత్తం నిలిపివేసింది.. అందరూ మాకు అగైనస్ట్ గా ఉన్నారు..ఆఖరికి మీడియా కూడా అదే చేస్తోంది అంటున్నాడు..

…ఇలా మాట్లాడుతున్న సమయంలోనే…బయట పోలీసులు జీప్ ఆగింది.అందులోంచి కమాండర్ అరుణ్ కుమార్ ..గన్ లతో ఉన్నఆరుగురు పోలీసులతో గేట్ తీయించి లోపలికి వచ్చారు

…రావడమే..మా చేతి కట్లు విప్పి మీరెవరు అని అడిగారు

…మా డ్రైవర్ మాగురించి పూర్తిగా చెప్పాడు

..ఇలా మీడియా వాళ్లను కిడ్నాప్ చేసి ఇలా ఇబ్బంది పెడితే మీరు చాలా ప్రాబ్లెమ్ ఫేస్ చేయాల్సి ఉంటుంది వెంటనే వదలండి అనివార్నింగ్ ఇచ్చారు

..అప్పుడే మరో నలుగురు నాయకులు అక్కడికి వచ్చి మరో అరగంటకు పైగా అరుణ్ కుమార్ తో చర్చలు జరిపారు

…మీరు ఇప్పుడు వీరిని విడుదల చేయకపోతే కాసేపట్లో ఇండియన్ ఆర్మీ వస్తుంది..ఈ ప్రాంతం మొత్తాన్ని వాళ్ల హ్యాండోవర్ లోకి తీసుకుంటుంది.,..అలాగే ఇకపై ఈ గ్రామాల్లో మొత్తం సైనికులే ఉంటారు.అలాగే ఈ కిడ్నాప్ లో పాల్గొన్న మీ అందర్నీ అరెస్ట్ చేయాల్సి ఉంటుంది.అలాగే మీరు మీడియావాళ్లను కిడ్నాప్ చేసి హింసించారని మరోసారి నేషనల్ మీడియా అంతా మీపై వార్తలు ప్రసారం చేస్తుంది మీకు ఇష్టమేనా అని అడిగారు

…దాంతో వాళ్లంతా మెత్తబడ్డారు..చివరికి మాతో అప్పటివరకూ మాట్లాడిన తెలుగుతెలిసిన కుర్రాడు వచ్చి..మీరు మావాళ్లని క్షమించండి..మా వాళ్లు తొందరపడ్డారు.. మిమ్మల్ని ఇప్పుడు రిలీజ్ చేసేస్తాం..కానీ వెళ్లే ముందు మీరు వీడియో స్టేట్మెంట్ ఇవ్వాలి అన్నాడు

…ఏమని స్టేట్మెంట్ ఇవ్వాలని అన్నాను

..మేం మిమ్మల్ని ఏమీ ఇబ్బంది పెట్టలేదని.చాలాఫ్రెండ్లీగా మాట్లాడామని…మీరు ఎవరో తెలుసుకోవడానికి ఇక్కడికి తీసుకొచ్చి ఐడీ కార్డులు చూసి పంపేశామని చెప్పాలి అన్నాడు..

…కానీ అది వాస్తవం కాదు కదా..మీరు ఉదయ నుంచి మా ఇద్దర్నీ చిత్రహింసలు పెడుతున్నారు..అది కాదని నేను అబద్దం ఎలా చెబుతాను అన్నాను

…ఇంతలో పోలీస్ అధికారు అరుణ్ వచ్చి కాసేపు మీరు ఎలాంటి ఆర్గ్యుమెంట్ చేయొద్దు..అందరూ ఉన్మాదంతో ఉన్నారు..ఇక్కడి నుంచి బయటపడితే వాళ్ల సంగతి చూడొచ్చు..ప్రస్తుతానికి వాళ్లు ఏది అడిగితే అది చేయండి..త్వరగా వెళ్లిపోదా అన్నారు

….సరేనని వాళ్లు చెప్పినట్టు చెబితే అదిరికార్డ్ చేసుకున్నారు..

..తర్వాత ముందుగా డ్రైవర్ అమీర్ ను బయటకు పంపి కారు తీసుకుని ఎక్కడా ఆగకుండా వెళ్లిపోమన్నారు

..ఆ తర్వాత నన్ను ,సంతోష్ ను అరుణ్ చెరో పక్క పట్టుకుని జిప్సీవైపు తీసుకెళ్తుంటే జనాలంతా అడ్డుకున్నారు

…అరుణ్ గారితో వచ్చిన మిగిలిన సిబ్బంది ఆ జనాన్ని పక్కకు తోసేసి మా ఇద్దర్నీ జీప్ లోకి ఎక్కించి అక్కడి నుంచి జీప్ ను చాలా వేగంగా ముందుకు పోనిచ్చారు

…మా జీప్ వెళ్తోంటే వందలాది జనం దానివెంట చాలా దూరం పరిగెడుతూనే వచ్చారు..అలా మెయిన్ రోడ్డుమీదికి ఆ తర్వాత ఇంఫాల్ రోడ్డులోకి పోనించి..అరగంట ప్రయాణం తర్వాత జీప్ ను పక్కన ఆపి..మీకారులో సేఫ్ గా వెళ్లిపోండి అన్నారు అరుణ్..

…ఆ తర్వాత అరుణ్ గారితో సెల్ఫీ దిగి..మాకు మీరు మరో జీవితాన్ని ఇచ్చారు అని ధన్యావాదాలు చెప్పి అక్కడి నుంచి కారులో బయలుదేరాము..ఇక్కడితో కిడ్నాప్ అంకం ముగిసింది…. (వేములపల్లి అశోక్ బిగ్‌టీవీలో సీనియర్ జర్నలిస్ట్)…