అభిజితే విజేత… చిరంజీవే అతిథి… వోట్ల వేటలో కొత్త రికార్డులు…

అరెరె, ఆ బక్కపిల్ల అరియానా ఏకంగా అభిజిత్‌ను దాటేసిందట వోట్ల వేటలో… ఫస్ట్ ప్లేసట… తొలిసారిగా ఓ అనామకప్పిల్ల బిగ్‌బాస్ విజేత కాబోతున్నదట…. ఇలా కొందరి ప్రచారాలు….

అబ్బో… సొహెల్ భలే దూసుకుపోతున్నాడే… సింగరేణి బిడ్డకు వస్తున్న వోట్లతో అభిజిత్, అరియానా పత్తాకు లేకుండా కిందకు జారిపోతున్నారు… సొహెల్ కాబోయే బిగ్‌బాస్ విజేత అట… ఇలా మరికొందరి ప్రచారాలు….

సోషల్ మీడియా లేనిదే బిగ్‌బాస్ లేదు… రకరకాల ఫేక్ ప్రచారాలు లేనిదే సోషల్ మీడియా లేదు.,. కాబట్టి కొన్ని అలా నవ్వుకుని వదిలేయడమే… మరి నిజమేమిటీ అంటారా..? ఈ వార్త రాస్తున్న సమయానికి అభిజిత్ విజేత… మునుపెన్నడూ, ఏ బిగ్‌బాస్ కంటెస్టెంటూ పొందనన్ని వోట్లతో ట్రోఫీ అందుకోబోతున్నాడు… ఈ సగర క్షత్రియ, ఈ ఉప్పరోళ్ల పిల్లగాడు ధూం తడాఖా…

ఇప్పటికి ఉన్న సమాచారం మేరకు… చిరంజీవి ఫినాలే ముఖ్య అతిథి… ఫినాలేకు ముందు నోట్ల కట్టలు తీసుకుపోయి, కంటెస్టెంట్లను టెంప్ట్ చేయడం అనే ఓ పాత చింతకాయ పచ్చడి వంటి టాస్కు ఉంటుందిగా… ఆ షూటింగూ అయిపోయిందట… ఫినాలే లైవ్ చూపించినా సరే, ఈ తతంగాలన్నీ ముందే షూట్ చేయాలి కదా…

ఆదివారం సాయంత్రం ఆరు గంటల నుంచే లైవ్ స్టార్ట్ చేసి, మూడునాలుగు గంటలు ఏకధాటిగా వాయించి పడేయబోతున్నది మాటీవీ… అందరికన్నా చివరి ప్లేసులో హారిక ఉందనీ, తనకన్నా కాస్త పైన అఖిల్, అరీయనా ఉన్నారట… ముగ్గురూ ఎలిమినేట్ అయ్యారట… అనూహ్యంగా ఈ బిగ్‌బాస్ షోలో పుంజుకున్న సొహెల్ రన్నరప్ ప్లేసులోకి కూడా వచ్చి నిలుచున్నాడుట…

అభిజిత్ కథ వేరు… తన వోటింగును బయటి నుంచి ఎంత ఆర్గనైజ్ చేసుకున్నా సరే… మిగతా కంటెస్టెంట్లతో పోల్చినప్పుడు… పలు మైనస్ పాయింట్లున్నా సరే… ఓవరాల్‌గా మెప్పించాడు… అదే తన బలం…

అబ్బే, ఇది బిగ్‌బాస్… వోట్లుగీట్లు జాన్తానై, అభిజిత్‌ను పక్కకు తోసేసి, సొహెల్‌ను విజేతగా ప్రకటించినా ఆశ్యర్యం లేదు అంటారా..? సో వాట్..? ఆ తమాషాలు చూడటానికే మనం ఉన్నది… కానివ్వండి… అది అసలే స్టార్ మాటీవీ మరి…! అది ఏమైనా చేయగలదు…!!

బహుశా ఫైనల్ రిజల్ట్ ఇదీ… ఏదైనా సరే, అటూ ఇటూ మారొచ్చు కూడా…

1. అభిజిత్

2. సోహెల్

3. అఖిల్

4. అరీయానా

5. హారిక