.
లోకమంతా రాజకుటుంబాల వైభవం గురించి మాట్లాడుకుంటుంది… మనకూ తెలుసు కదా, తెలంగాణలో దొరల వారసులు, దేశ్ముఖ్ జమీందార్ల వారసుల వైభోగాలు, విలాసాలు, అరాచకాల గురించి… ఈరోజుకూ మారని ఆ ధోరణుల గురించి…
విదేశాల్లో రాజరికాల్లో ప్రోటోకాల్స్, మర్యాదలు, ఆడంబరాలు ఎక్కువే… కానీ సమర్థ పాలన యంత్రాంగం విడిగా ఉంటుంది… స్పెయిన్ కథ కాస్త డిఫరెంటు… స్పెయిన్ సింహాసన వారసురాలు, అస్టురియాస్ యువరాణి లియోనోర్ జీవితం ఇప్పుడు కొత్తగా వినిపిస్తోంది, కనిపిస్తోంది…
Ads
18 ఏళ్ల వయసులో స్నేహితులతో కాలక్షేపం చేయాల్సిన సమయంలో, ఆమె దేశ రక్షణ కవచంగా మారేందుకు కఠిన దీక్షలో ఉంది…
వ్యక్తిగత ప్రొఫైల్: ఒక లుక్
| పూర్తి పేరు | లియోనోర్ డి బొర్బన్ వై ఓర్టిజ్ (Leonor de Borbón y Ortiz) |
| జననం | అక్టోబర్ 31, 2005 (మాడ్రిడ్, స్పెయిన్) |
| తల్లిదండ్రులు | కింగ్ ఫిలిప్ VI, క్వీన్ లెటిజియా |
| బిరుదు | ప్రిన్సెస్ ఆఫ్ అస్టురియాస్ (వారసులకు ఇచ్చే గౌరవం) |
| చదువు | యానిక్ అట్లాంటిక్ కాలేజీ (వేల్స్), ప్రస్తుతం మిలిటరీ అకాడమీ |
| భాషలు | స్పానిష్, కాటలాన్, గలీషియన్, బాస్క్, ఇంగ్లీష్, ఫ్రెంచ్, మాండరిన్ |
విలాసాలకు దూరం.. విధులకు దగ్గర
రాజకుమారిగా పుట్టడం ఆమెకు వరం కావచ్చు, కానీ రాణిగా అర్హత సాధించడం ఆమె కష్టం. లియోనోర్ తల్లి క్వీన్ లెటిజియా ఒకప్పుడు జర్నలిస్ట్… ఆ మధ్యతరగతి క్రమశిక్షణ, తండ్రి కింగ్ ఫిలిప్ సైనిక నేపథ్యం ఆమె పెంపకంలో స్పష్టంగా కనిపిస్తాయి…
సైనిక క్రమశిక్షణ: ప్రస్తుతం ఆమె జనరల్ మిలిటరీ అకాడమీలో ఒక సాధారణ క్యాడెట్గా శిక్షణ పొందుతున్నది. అక్కడ ఆమెకు ప్రత్యేకమైన సదుపాయాలు ఏవీ ఉండవు. తోటి అభ్యర్థులతో కలిసి బ్యారక్స్లో ఉండటం, నిర్దేశించిన సమయానికే లేవడం, కఠినమైన వ్యాయామాలు చేయడం ఆమె దినచర్య.
భాషా ప్రావీణ్యం: స్పెయిన్లోని వివిధ ప్రాంతాల ప్రజల మధ్య ఐక్యతను కాపాడటానికి, ఆమె అక్కడి అన్ని ప్రాంతీయ భాషలను అనర్గళంగా మాట్లాడగలదు… ఇది కేవలం తెలివితేటలు మాత్రమే కాదు, ప్రజల పట్ల ఆమెకు ఉన్న గౌరవం…
ముళ్ల కిరీటం: భవిష్యత్తు సవాళ్లు
స్పెయిన్ రాజరికం గతంలో కొన్ని వివాదాలను ఎదుర్కొంది… తన తాత (మాజీ రాజు) హయాంలో దెబ్బతిన్న రాజకుటుంబ ప్రతిష్టను తిరిగి నిలబెట్టాల్సిన భారీ బాధ్యత లియోనోర్ భుజాలపై ఉంది… ఈ వయస్సులోనే అర్థం చేసుకుంది… అందుకే ఆమె ప్రతి అడుగు ఆచితూచి వేస్తున్నది… గ్లామర్ కంటే ‘గన్’ పట్టడమే దేశానికి భరోసా ఇస్తుందని నమ్మిన యువరాణి ఆమె…
వచ్చే రెండేళ్లలో ఆమె నౌకాదళం (Navy), వాయుసేన (Air Force) శిక్షణలను పూర్తి చేయనున్నది… అంటే, భవిష్యత్తులో స్పెయిన్ దళాలకు ఆమె కేవలం ‘ప్రోటోకాల్’ బాస్ మాత్రమే కాదు, యుద్ధ తంత్రం తెలిసిన కమాండర్-ఇన్-చీఫ్ కాబోతున్నది… భేష్…
రాజకుమారి అంటే కిరీటం పెట్టుకుని బాల్కనీలో నిలబడి ప్రజలకు అభివాదం చేయడం మాత్రమే కాదు… అవసరమైతే సరిహద్దుల్లో నిలబడి దేశాన్ని కాపాడే బాధ్యతలకు నాయకత్వం వహించడం అని లియోనోర్ నిరూపిస్తున్నది… ఆమె ప్రయాణం కేవలం స్పెయిన్ వారసురాలిగా కాదు, ఒక బాధ్యతాయుతమైన నాయకురాలు అనే కోణంలో సాగుతోంది…
మహిళా వారసత్వంలో కొత్త శకం
- స్పెయిన్ చరిత్రలో దాదాపు 150 ఏళ్ల తర్వాత ఒక మహిళ రాణిగా పగ్గాలు చేపట్టబోతుండటం విశేషం… 1833 నుండి 1868 వరకు పాలించిన క్వీన్ ఇసాబెల్లా II తర్వాత ఆ అవకాశం లియోనోర్కే దక్కనుంది… కేవలం అలంకారప్రాయమైన రాణిగా కాకుండా, దేశ రక్షణ వ్యవస్థపై పూర్తి అవగాహన ఉన్న ధీరవనితగా ఆమె ఎదగడం యూరప్ రాజకీయాల్లో ఆసక్తికరంగా మారింది…
Share this Article