.
సరిగ్గా సినిమాల విడుదల ముందు కొందరు వివాదాల్ని రేకెత్తించడం, బెదిరించడం, కోర్టుల్లో అడ్డుపుల్లలు వేయడం, కాపీ రైట్స్ వివాదాలు చూస్తున్నాం కదా… 4 వేల కోట్ల భారీ రామాయణ్ సినిమాకు ఇంకా షురూ కాలేదేమిటబ్బా అనుకుంటున్నామో లేదో… స్టార్టయ్యాయి…
రామాయణ్ సినిమాకు ముందే బెదిరింపులు: ప్రత్యేక స్క్రీనింగ్ డిమాండ్ చేసిన శ్రీ రామ్‌లీలా మహాసంఘ్… ఇదీ తాజా వార్త… అసలు ఈ శ్రీరామ్ లీలా మహాసంఘ్ నెట్‌వర్క్ ఏమిటి..? ఎవరిదీ సంస్థ..? వాళ్లకు ఎందుకు సినిమాను ముందుస్తుగా చూపించాలి…? బోలెడు ప్రశ్నలు… ఇంగ్లిష్ మీడియాలో వస్తున్న వార్తల సారాంశం ఇదీ…
Ads
నితీష్ తివారీ దర్శకత్వంలో తెరకెక్కుతున్న భారీ బడ్జెట్ చిత్రం ‘రామాయణ్’ విడుదల కాకముందే వివాదాలు, నిరసనల ముప్పును ఎదుర్కొంటోంది. ఈ సినిమాను థియేటర్లలో విడుదల చేయడానికి ముందే తమ సభ్యుల కోసం ఒక ప్రత్యేక ప్రదర్శన (స్పెషల్ స్క్రీనింగ్) ఏర్పాటు చేయాలని, లేదంటే దేశవ్యాప్తంగా థియేటర్ల ముందు ఆందోళనలు చేపడతామని ‘శ్రీ రామ్‌లీలా మహాసంఘ్’ హెచ్చరించింది.
-
అర్జున్ కుమార్ లేఖ…: శ్రీ రామ్‌లీలా మహాసంఘ్ అధ్యక్షుడు అర్జున్ కుమార్ చిత్ర యూనిట్‌కు ఒక అధికారిక లేఖ రాశారు. సనాతన ధర్మం, సాంప్రదాయ రామలీల ప్రదర్శనలతో సంబంధం ఉన్న వ్యక్తులు, సంస్థల మనోభావాలు దెబ్బతినకుండా ఉండేందుకు ఈ ముందస్తు ప్రదర్శన అవసరమని ఆయన పేర్కొన్నారు.
-
ఆదిపురుష్ వివాద ప్రస్తావన…: ప్రభాస్ హీరోగా వచ్చిన ‘ఆదిపురుష్’ సినిమా సమయంలో జరిగిన వివాదాలను ఈ లేఖలో గుర్తుచేశారు. ఆ సినిమాలో లంకను బంగారానికి బదులుగా నలుపు రంగులో చూపడం…, రావణుడి రూపం, పాత్రల దుస్తులు, సంభాషణలు సాంప్రదాయాలకు విరుద్ధంగా ఉన్నాయని విమర్శలు వచ్చాయి. అదే తప్పులు మళ్లీ పునరావృతం కాకూడదనే ఉద్దేశంతోనే ఈ డిమాండ్ చేస్తున్నట్లు తెలిపారు.
-
మనోభావాల ఆందోళన…: నితీష్ తివారీ తెరకెక్కుతున్న ఈ చిత్రంలో హిందువుల మతపరమైన మనోభావాలను దెబ్బతీసే దృశ్యాలు ఏవైనా ఉన్నాయేమోననే అనుమానం తమకు ఉందని మహాసంఘ్ ఆందోళన వ్యక్తం చేసింది. సినిమా విడుదలయ్యే లోపు అటువంటి అభ్యంతరకర దృశ్యాలు లేదా డైలాగులు ఉంటే వాటిని గుర్తించి తొలగించాలని కోరింది.
-
నిరసనల హెచ్చరిక…: నిర్మాతలు ప్రత్యేక స్క్రీనింగ్ ఏర్పాటు చేయడానికి నిరాకరిస్తే, శ్రీ రామ్‌లీలా మహాసంఘ్‌తో పాటు ఇతర హిందూ సంఘాలు కలిసి దేశవ్యాప్తంగా సినిమా హాల్స్ వెలుపల నిరసనలు మరియు ఆందోళనలు చేపడతామని హెచ్చరించారు…
‘ఆది పురుష్’ అట్టర్ డిజాస్టర్ అయిపోయినా… దాని ప్రభావం ఇంకా ఇంకా ఇలా పనిచేస్తున్నదన్నమాట..!
Share this Article