పాకిస్థాన్ తత్వం బోధపడిన తాలిబన్లు… గల్లా పట్టి అడగలేరు… కాళ్లు పట్టుకోలేరు…

అమెరికా అసలు ఏమీ పట్టించుకోవట్లేదు పైగా అమెరికన్ ఫెడరల్ రిజర్వ్ లో ఆఫ్ఘనిస్తాన్ కి చెందిన $7 బిలియన్ డాలర్ల ని స్తంభింప చేసింది. ఎన్నిసార్లు విజ్ఞప్తి చేసినా 7 బిలియన్ డాలర్లని విడుదల చేయట్లేదు అమెరికా ! దాంతో విదేశీ విరాళాల కోసం ఎదురుచూపులు చూస్తున్నది తాలిబాన్ ప్రభుత్వం !

మూడు నెలల క్రితం భారత్ మానవతా దృక్పథంతో గోధుమలని సరఫరా చేసింది ఆఫ్ఘనిస్థాన్ కి. అయితే గోధుమలని తీసుకెళ్తున్న భారత లారీలని పాకిస్థాన్ ఆఫ్ఘనిస్తాన్ సరిహద్దుల వద్ద ఆపేసింది పాక్ ప్రభుత్వం ! దాంతో తాలిబన్లు పలు మార్లు విజ్ఞప్తి చేసిన మీదట భారత లారీలని ఆఫ్ఘన్ లోకి అనుమతించింది పాక్ ! దీని మీద పెద్ద దుమారమే చెలరేగింది అప్పట్లో ! కానీ కొద్ది రోజుల్లోనే అది సద్దుమణిగింది ! భారత్ గోధుమలని ఇచ్చింది కాబట్టి మేమూ ఇస్తాము అంటూ పాక్ కూడా గోధుమలని సరఫరా చేసింది ఆఫ్ఘనిస్తాన్ కి ! వెల్ ! పాక్ గోధుమలని వాడాలని చూసిన ఆఫ్ఘనిస్థాన్ వాటిని పిండి పట్టాలని చూసి అవాక్కయ్యయినది ఎందుకంటే లోపల పురుగులు ఉన్నాయి పాక్ గోధుమల్లో ! దాంతో మండి పడిన తాలిబన్లు మమ్మల్ని హీనంగా చూస్తున్నది పాకిస్థాన్ అని ఆరోపణలు చేయడమే కాదు పాక్ పంపిన గోధుమలని తిరిగి ఇచ్చేసింది మాకొద్దు అంటూ ! భారత్ పంపిన గోధుమల నాణ్యత బాగుంది అని ప్రశంసించారు తాలిబన్లు !

ఆగస్ట్ నెల 2022 మొదటి వారంలో భారత మిలటరీ అకాడెమీలో శిక్షణ పొందుతున్న ఆఫ్ఘన్ సైనికులు తమ శిక్షణ పూర్తి చేసుకొని, అప్పటికే 6 నెలలు పూర్తి అయిపోయింది కానీ ఆఫ్ఘన్ సైనికులు భారత్ లోనే ఉండిపోయారు. ఫిబ్రవరిలో తాలిబన్లు అక్కడి ప్రభుత్వ సైనికులని, పోలీసులని కాల్చి చంపుతున్నారు అనే వార్తలు రావడం వల్ల భారత్ మిలటరీ అకాడెమీలో అప్పటికే శిక్షణలో ఉన్న ఆఫ్ఘన్ సైనికులు తిరిగి ఆఫ్ఘనిస్తాన్ వెళ్లడానికి నిరాకరించారు… దాంతో ప్రభుత్వం ఆఫ్ఘన్ సైనికులని మరో 6 నెలలు భారత్ లోనే ఉండడానికి అనుమతి ఇచ్చింది. ఎటూ సైనిక శిక్షణ పూర్తి అయిపోయింది కాబట్టి ఆఫ్ఘన్ సైనికులకి ఇంగ్షీషు భాష నేర్పడానికి ఆ ఆరు నెలలు ఉపయోగించింది. చాలా త్వరగానే ఇండియన్ మిలటరీ అకాడెమీ సంబంధించిన ఇంగ్షీషు నేర్పే ప్రత్యేక విభాగం ఆఫ్ఘన్ సైనికులకి ఇంగ్లీష్ భాష నేర్పింది. అది కూడా పూర్తయిపోయిన తరువాత ఇక ఆఫ్ఘనిస్తాన్ లో పరిస్థితులు చక్కపడ్డాయి కాబట్టి మీ దేశానికి తిరిగి వెళ్ళమని ఆదేశించింది భారత ప్రభుత్వం… కానీ శిక్షణ పూర్తయిన 80 మంది ఆఫ్ఘన్ సైనికులు కాబూల్ తిరిగి వెళ్ళడానికి భయపడ్డారు.

విషయం మన విదేశాంగ శాఖ మంత్రి జై శంకర్ గారి దృష్టికి వెళ్ళింది. జై శంకర్ గారు వెంటనే ఆఫ్ఘన్ విదేశాంగ శాఖ కార్యాలయానికి అధికారుల ద్వారా ఫోన్ చేసి విషయం చెప్పమన్నారు. విదేశాంగ శాఖ అధికారులు ఆఫ్ఘన్ అధికారులకి ఇలా 80 మంది మిలటరీ కేడేట్లు మీరు అధికారంలోకి రాకముందే భారత్ మిలటరీ అకాడెమీలో శిక్షణ కోసం వచ్చారని, వాళ్ళు ఇప్పుడు తిరిగి మీ దేశానికి రావడానికి భయపడుతున్నారు అంటూ చెప్పారు. దాంతో స్పందించిన తాలిబాన్ నాయకులు మాకు మీ దేశంలో శిక్షణ పొందిన మా వాళ్ళ అవసరం చాలా ఉంది కాబట్టి మేము వాళ్ళని చంపే ప్రసక్తే లేదని, కాబట్టి మిలటరీ అకాడెమీలో ఉన్న మా సైనికుల చేత నేరుగా మాతో మాట్లాడించండీ అంటూ విజ్ఞప్తి చేశారు. దాంతో డెహ్రాడూన్ లో ఉన్న భారత మిలటరీ అకాడెమీలో ఉన్న ఆఫ్ఘన్ సైనికులతో నేరుగా కాబూల్ లోని విదేశాంగ శాఖ కార్యాలయం అధికారులతో మాట్లాడించారు మన అధికారులు. ఫోన్లో ఆఫ్ఘన్ అధికారులు భరోసా ఇవ్వడంతో ఆఫ్ఘన్ సైనికులు తిరిగి కాబూల్ వెళ్లిపోయారు. వాళ్ళకి కావాల్సిన ప్రయాణ సౌకర్యాలని భారత్ ప్రభుత్వం ఏర్పాటు చేసింది.

అయితే 80 మంది ఆఫ్ఘన్ సైనికులలో 25 మంది ఆఫీసర్ ర్యాంక్ కలిగిన వారు ఉన్నారు మిగతా వారు సాధారణ జవాన్లు. ముందు 25 మంది ఆఫీసర్ ర్యాంక్ కలిగిన ఆఫ్ఘన్ మిలటరీ అధికారులు భారత్ నుండి కాబూల్ విమానాశ్రయానికి చేరుకున్నప్పుడు వాళ్ళకి అక్కడ రెడ్ కార్పెట్ స్వాగతం లభించింది!

భారత్ లో శిక్షణ పొందిన ఆఫ్ఘన్ మిలటరీ అధికారులకి రెడ్ కార్పెట్ స్వాగతం ఎందుకు ?

తాలిబన్లు చాలా వేగంగా ప్రభుత్వాన్ని ఏర్పాటు చేయగలిగినా తరువాత వాళ్ళకి అర్ధమయింది ఏమిటంటే చేతిలో AK-47 రైఫిల్స్, రాకెట్ లాంచర్స్ తో దేశానికి రక్షణ ఇవ్వలేమని ! దానికోసం సుశిక్షితులు అయిన సైన్యం ఉండాలి అని ! ఆఫ్ఘన్ పాక్ సరిహద్దుల వద్ద నిత్యమ్ ఏదో ఒక చోట ఆఫ్ఘన్ తాలిబన్ల కి పాక్ సైన్యంతో ఘర్షణలు జరుగుతున్నాయి… కానీ శిక్షణ పొందిన పాక్ సైన్యం ముందు తాలిబన్లు నిలబడలేకపోతున్నారు.. దాంతో సైన్యం అవసరం తెలిసి వచ్చింది ! అదీ కాక అమెరికా వదిలి వెళ్ళిన ఆయుధాలని వాడాలంటే ఇంగ్లీష్ తెలిసి ఉండాల్సిన తప్పని స్థితి ! విషయం గ్రహించారు కనుకనే భారత్ లో సైనిక శిక్షణ పొందిన వారికి రెడ్ కార్పెట్ స్వాగతం లభించింది !

సో! ఇప్పుడు భారత్ నుండి వెళ్ళిన వాళ్ళు అక్కడి సైనికులకి శిక్షణ ఇవ్వడంతో పాటు ఇంగ్లీష్ కూడా నేర్పుతారు. ఇదే తాలిబన్లకి కావలసింది ! ప్రస్తుతం తాలిబన్ల లక్ష్యం తమ దేశాన్ని కాపాడుకుంటూ తమని నియంత్రించాలని చూస్తున్న పాకిస్థాన్ ని అడ్డుకోవాలి ! అనధికారికంగా లభిస్తున్న సమాచారం ప్రకారం తాలిబాన్ రక్షణ మంత్రి నేరుగా కాబూల్ లోని భారత రాయబార కార్యాలయానికి వెళ్ళి మరి కొంత మంది ఆఫ్ఘన్ సైనికులకి శిక్షణ ఇవ్వాల్సిందిగా విజ్ఞప్తి చేస్తూ ఒక లెటర్ అధికారికంగా ఇచ్చాడు. అయితే ఆఫ్ఘన్ విజ్ఞప్తిని భారత్ ఆమోదించిందా లేదా అన్నది తెలియరాలేదు !

ఆఫ్ఘన్ తాలిబాన్ విజ్ఞప్తి !

తాజాగా ఆఫ్ఘనిస్తాన్ ప్రభుత్వం కాబూల్ లో పూర్తి స్థాయి రాయబార కార్యాలయాన్ని ప్రారంభించాల్సిందిగా భారత ప్రభుత్వానికి విజ్ఞప్తి చేసింది. భారత రాయబార కార్యాలయానికి రక్షణ కల్పించే బాధ్యత తమదే అంటూ భరోసా కూడా ఇచ్చింది తాలిబాన్ ప్రభుత్వం ! మీ ప్రతినిధుల అవసరం మాకు ఉంది ! దయచేసి పూర్తి స్థాయి రాయబార కార్యాలయాన్ని మళ్ళీ ప్రారంభించండి అంటూ తాలిబన్లు చేసిన విజ్ఞప్తి కొంచెం ఆశ్చర్యం కలిగించినా వెంటనే స్పందించలేదు భారత్ ప్రభుత్వం ! మొత్తం 14 కాన్సులేట్లు ఉన్నాయి ఆఫ్ఘనిస్తాన్ లో భారత్ కి సంబంధించి !

తాలిబన్ల లో వచ్చిన ఈ మార్పు అనూహ్యం అయితే కాదు. ఆఫ్ఘన్ ప్రజలు భారత దేశ అధికారులని స్వేచ్ఛగా పనిచేయడానికి ఉత్సాహం చూపిస్తున్నారు ! తాలిబన్లు ప్రభుత్వం ఏర్పాటు చేయగానే భారత్ ఆఫ్ఘనిస్తాన్ లో చేపట్టి మధ్యలో ఉన్న చాలా ఇరిగేషన్, మెడికల్ ప్రాజెక్టులని వదిలివేయాల్సి వచ్చింది. కానీ తాజాగా తాలిబాన్ ప్రభుత్వం మధ్యలో ఆగిపోయిన ప్రాజెక్టులని తిరిగి చేపట్టి పూర్తి చేయాల్సిందిగా భారత ప్రభుత్వానికి విజ్ఞప్తి చేసింది. మీ ప్రాజెక్టుల విషయంలో మేము పూర్తిగా సహకరిస్తాము, అలాగే పూర్తి స్థాయి భద్రత కూడా కల్పిస్తాము కాబట్టి వెంటనే స్పందించి సహకరిస్తారని భావిస్తున్నాము అంటూ మరో లెటర్ వ్రాసింది తాలిబాన్ ప్రభుత్వం !

తాలిబన్లు ప్రభుత్వంలో ఉండగా భారత ప్రాజెక్టులకి భద్రత ఎందుకు ?

భారత దేశ ఉనికి ఆఫ్ఘనిస్తాన్ లో ఉండడం పాకిస్థాన్ కి మొదటి నుండి ఇష్టం లేదు. చిన్న చిన్న తాలిబాన్ వ్యతిరేక గ్రూపులకి పాకిస్థాన్ ఆయుధ సహాయం చేస్తున్నది. వాళ్ళు తరుచూ తాలిబన్ల మీద దాడులు చేస్తున్నారు. ఒక వేళ భారత్ కనుక పూర్తి స్థాయిలో తిరిగి ప్రాజెక్టులని చేపడితే ఈ గ్రూపులు మళ్ళీ విజృంభించే అవకాశం ఉంది పాక్ ప్రోద్బలంతో !

తాలిబన్లు ఎట్టి పరిస్థితులలోనూ కాశ్మీర్ విషయంలో జోక్యం చేసుకోరు. వాళ్ళకి భారత్ సహకారం కావాలి ! కాబట్టి తరుచూ భారత్ ఇచ్చే సహాయం కోసం తమ దేశానికి రావలసిన లారీలని పాకిస్థాన్ అడ్డుకొని ఆలస్యం చేస్తూ వస్తున్నది. బహుశా పాక్ ఆక్రమిత కాశ్మీర్ భూభాగం పాకిస్థాన్ మరియు ఆఫ్ఘనిస్తాన్ తో సరిహద్దులు కలిగి ఉంది. ఆ ప్రాంతాలని కనుక భారత్ స్వాధీనం చేసుకుంటే నేరుగా ఆఫ్ఘనిస్తాన్ తో సంబంధాలని ఏర్పాటు చేసుకోవచ్చు అలాగే తాలిబన్లు కూడా సహకరిస్తారు ! ముందు ముందు జరగబోయేది ఇదే ! పూర్తిగా POK ని స్వాధీనం చేసుకునే బదులు ఆ ప్రాంతం స్వాధీనం చేసుకుంటే చాలు ! చూద్దాం భారత ప్రభుత్వ పెద్దల ఆలోచన ఎలా ఉందో !