Subramanyam Dogiparthi…. జయలలిత అందంతో పాటు ఆమె శ్రావ్యమైన గాత్రాన్ని కూడా ఆస్వాదించవచ్చు ఈ సినిమాలో… చల్లచల్లని వెన్నెలాయె మల్లెపూల పానుపాయె అనే పాటను జయలలిత తెలుగులో పాడిన మొదటి పాట ఈ సినిమాలోనిదే… తమిళ , కన్నడ సినిమాలలో కూడా ఆమె పాడారు . తప్పక చూడతగ్గ , వినతగ్గ పాట , ఆ పాటలో ఆమె అభినయం .
పేదరాసి పెద్దమ్మ , కాశీ మజిలీ కధల్లాగా అరేబియన్ నైట్స్ కధలు కూడా మనందరికీ చిన్నప్పుడు చందమామ , బాలమిత్రల ద్వారా సుపరిచితం . ఈ ఆలీబాబా 40 దొంగలు సినిమా కూడా అరేబియన్ నైట్స్ కధల్లోనిదే . బి విఠలాచార్య దర్శకత్వంలో వచ్చిన ఈ సినిమాలో NTR , జయలలిత , నాగభూషణం , సూర్యకాంతం , హేమలత , సత్యనారాయణ , మిక్కిలినేని , రాజబాబు , రమాప్రభ , అల్లు రామలింగయ్య , రావి కొండలరావు ప్రభృతులు నటించారు .
వంద రోజులు ఆడింది కానీ , NTR- విఠలాచార్య లెవెల్లో ఆడనట్లు గుర్తు నాకు . ఒరిజనల్ కధకు సినిమా కోసం , NTR స్టార్డం కోసం చాలా మార్పులు చేసారు . ఆ మార్పులు బాగానే ఉన్నాయి . NTR నోట్లో వేలు పెట్టుకోవటం వంటివి జనానికి నచ్చలేదు . ఘంటసాల సంగీత దర్శకత్వంలో పాటలు హిట్టయ్యాయి . అల్లా యా అల్లా , చలాకైన చిన్నది బలేబలేగున్నది , నీలో నేనై నాలో నీవై తీయని కలలే కందాము , భామలో చందమామలో , మరీ అంతగా బిడియమైతే మనసు ఆగనంటుంది , లేలో దిల్ బహార్ అత్తర్ దునియా మస్తానా , సిగ్గు సిగ్గు చెప్పలేని సిగ్గు పాటలు హిట్టయ్యాయి . ఈ సిగ్గు సిగ్గు పాట షూటింగ్ అయ్యాక ఎప్పటిలానే జయలలిత ఇంటికెళ్ళి వేడి నీళ్ల కాపు పెట్టించుకొని ఉంటుంది .
Ads
1956 లోనే తమిళంలో MGR , భానుమతిల జోడీలో మోడరన్ థియేటర్స్ బేనర్లో నిర్మితమయింది . మన తెలుగులోకి డబ్బింగ్ చేసి విడుదల చేసారు . బాగానే ఆడింది . ఈ సినిమా కలర్లో ఉంటుంది .
మా నరసరావుపేటలో వెంకటేశ్వర పిక్చర్ పేలసులో చూసా . టి విలో కూడా చూసా . యూట్యూబులో ఉంది . కాలక్షేపం సినిమా . జయలలిత పాట కోసం అయినా తప్పక చూడండి . Of course . ఇద్దరి యుగళగీతాలు , డాన్సులూ బాగుంటాయి .
Share this Article