Paresh Turlapati…. ఆళ్ల రామకృష్ణారెడ్డి అలియాస్ ఆర్కే, మంగళగిరి వైసీపీ ఎమ్మెల్యే
లోకేష్ ను ఓడించటమే కాదు చంద్రబాబు మీద న్యాయస్థానాల్లో కేసులు వేసి ముప్పతిప్పలు పెట్టిన వ్యక్తిగా ఆర్కే కు పేరుంది ! ఏపీలో ఎవరికి టికెట్ ఇచ్చినా ఇవ్వకపోయినా ఆర్కే కు మాత్రం మంగళగిరిలో టికెట్ ఖాయం అనే ప్రచారం పార్టీ వర్గాల్లో ముందు నుంచీ ఉంది !
అయితే మారిన సమీకరణాల దృష్ట్యా మంగళగిరిలో ఆర్కే కు టికెట్ ఇవ్వలేమని వైసీపీ అధిష్టానం తేల్చి చెప్పింది ! ఇది ఆర్కే ఊహించని పరిణామం !
సరిగ్గా అదే టైంలో జగన్ చెల్లెలు షర్మిల ఏపీ కాంగ్రెస్ పార్టీ అధ్యక్షురాలిగా ప్రమాణ స్వీకారం చేయటంతో ఆర్కే కూడా వైసీపీ కి రాజీనామా చేసి కాంగ్రెస్ పార్టీలో చేరారు ! చంద్రబాబు అవినీతిపైన సాక్ష్యాధారాలతో కేసు వేసినవాడిని జగన్ అవినీతిపైన కేసు వేయలేనా ? అని స్టేట్మెంట్ కూడా ఇచ్చేసాడు !
ఈరోజు జగన్ పిలిపించి ‘మాట్లాడటంతో’ రాష్ట్రాన్ని అవినీతి రహితంగా జగన్ మాత్రమే పాలించగలడని అందుకే తిరిగి సొంత గూటికి వచ్చేశానని ఇంకో స్టేట్మెంట్ కూడా ఇచ్చేసాడు !
సరే, ఇదంతా అందరికీ తెలిసిన విషయమే అయినా ఒక విషయం నన్ను ఆకర్షించింది ! స్వతహాగా జగన్ వీరాభిమాని అయిన ఆర్కే తన వాట్సాప్ డీపీ లో జగన్ ఫోటో పెట్టుకుని స్వామి భక్తిని చాటుకునేవారు !
మంగళగిరి టికెట్ ఇవ్వట్లేదని తెల్సిన తర్వాత జగన్ ఫోటో తీసేసి ఇందిరాగాంధీ ఫోటో వాట్సాప్ డీపీ గా పెట్టుకున్నాడు ! మళ్లీ ఇప్పుడు జగన్ పిలవటంతో ఇందిరాగాంధీ ఫోటో తీసేసి జగన్ ఫోటో పెట్టుకుని వెళ్లి కలిసి ‘మాట్లాడుకుని’ సంతోషంగా బయటికి వచ్చాడు !
మారుతున్న రాజకీయాల్లో మనుషులే కాదు బొమ్మలూ మారతాయ్ !!
.
Ads
(అప్పట్లో అంబటి రాయుడు సింగిల్ డే జంపింగ్ బాగా వార్తల్లో నానింది… ఇప్పుడు సేమ్ ఆళ్ల జంపింగులు కూడా… ఎందుకు తను వెళ్లిపోయినట్టు, హఠాత్తుగా ఎందుకు వెనక్కి వచ్చాడు..? ఏమిటీ చంచలం..? తన ఘర్ వాపసీని ఎంత సమర్థించుకున్నా, ఏం చెప్పినా ఒకసారి తన క్రెడిబులిటీని, లాయల్టీని కోల్పోయినట్టే… — ముచ్చట)
Share this Article