సింపుల్ స్టోరీయే... అంబానీ వదిలేశాడు... అదానీ గుప్పిట పట్టాడు...

హరి క్రిష్ణ ఎం. బి……. NDTV – Adani కథ.. టూకీగా… NDTV అంటే New Delhi TeleVision .. ఇది 1994-95 ప్రాంతంలో పెట్టారు… ప్రణయ్ రాయ్ (PR) రాధికా రాయ్ (RR) కలిసి పెట్టారు… తర్వాత పబ్లిక్ లిస్టెడ్ కంపెనీ అయ్యింది… NDTV లో ఇద్దరూ తమ సొంత పేర్ల మీద తలా 12% అలాగే ఇంకో holding company (RRPR holding ltd) పేరు మీద ఒక 26% ఉంచుకున్నారు.. మిగతాది వేరే ఇన్వెస్టర్స్ చేతిలో ఉంది… (అంటే సగం వాటా వాళ్ళ పేరు మీదే… మానేజ్మెంట్ వాళ్ళ చేతి లోనే…)

NDTV కి 2007 ప్రాంతంలో అవసరం అయ్యి RRPR ltd ద్వారా ఇండియా బుల్స్ దగ్గర 350 కోట్ల అప్పు తీసుకున్నారు. దాని మీద వడ్డీ 19%… ఇండియా బుల్స్ అసలు కట్టమని ఒత్తిడి తెస్తే, వీళ్ళు ఇంకో చోట అప్పుడు కోసం ప్రయత్నం చేసారు… అప్పుడు VR ltd అనే కంపెనీ ఎక్కడి నుంచో వచ్చి RRPR ltd కు 350 కోట్లు అప్పు ఇచ్చింది… వడ్డీ లేకుండా… (సున్నా వడ్డీ అన్నమాట – అలా కూడా ఇస్తారా?)

“భవిష్యత్తులో ఆ డబ్బుకి వాటా ఇస్తాము” అనే ఒప్పందం మీద… కొన్ని రోజుల్లో ఇంకో 50 కోట్లు ఇచ్చారు… మొత్తం 400 కోట్లు అప్పు అయ్యింది..

ఇంతకీ ఈ VR ltd ఎవరిదీ… అంబానీది… అప్పట్లో అంబానీ మీడియాలో ప్రముఖ చానెల్స్‌ని కొనాలి అనుకున్నారు.. ఇలా xyz కంపెనీలు పెట్టి indirect గా కొనే పనిలో ఉండేవారు..

బహుశా వీళ్ళు రేట్ ఎక్కువ చెప్పారేమో, NDTV కొనడం వర్కవుట్ కాలేదు… సో, దాన్ని ఆయన కొనకుండా network 18 అనే మీడియా గ్రూప్ ఏర్పాటు చేశారు… తర్వాత ఈ VR ltd అనే కంపెనీని అంబానీ ‘వేరే ఎవరికో’ అమ్మేశారు… చేతులు కడిగేసుకున్నారు… ఆ ‘వేరే ఎవరో’ కొన్ని రోజులకు VR ltd ను అదానీకి అమ్మేసారు..

సో.. ఇప్పుడు ఆ 400 కోట్లు అప్పు RRPR ltd అదానీకి ఇవ్వాల్సి ఉంది అన్నమాట.. ముందుగా జరిగిన ఒప్పందం ప్రకారం అప్పుకి ప్రతిగా RRPR Ltd ను ఆయనకు అప్పగించాలి కదా… simple.. అలా అదానీకి NDTV లో 26% వాటా వచ్చేసింది… ఛానల్ మీద అధికారం చెలాయించాలంటే కనీసం 51% ఉండాలి.. పూర్తి ఆధిపత్యం కోసం 76% ఉండాలి..,

చట్టం ప్రకారం ఏదైనా కంపెనీ నిర్ణీత శాతం వాటా కలిగి ఉంటే, వాళ్ళు market లో open offer ఇవ్వొచ్చు… సాధారణ ఇన్వెస్టర్స్ ఎవరైనా ఇష్టం ఉంటే వాళ్ళ వాటాను అదానీకి అమ్మొచ్చు. కానీ అదానీ ఇచ్చిన ఆఫర్‌ను బయట ఎవరూ ఒప్పుకోలేదు.. తక్కువ రేట్ ఆఫర్ చేసాడు మరి.. అదానీ పేరు వినగానే ఆ share value చాలా పెరిగింది పాపం..

ఇప్పుడు రాయ్‌లు, అదానీ మధ్య కార్పొరేట్ చెస్ నడుస్తోంది… ఎలాగూ రాయ్‌లకు age అయిపోయింది… డబ్బులు కూడా లేవు… ఇప్పుడు అంతంత అప్పులు, అదీ వడ్డీ లేకుండా, ఇచ్చేవారు కూడా లేరు. పైగా మీడియా అంత లాభసాటి కాదు… వాళ్ళ మీద చాలా ఆరోపణలు ఉన్నాయి… మీడియాను అడ్డం పెట్టుకుని కొంతమందిని బెదిరించారు అని….

–

Ads

స్టోరీ simple గానే ఉంటుంది.. కానీ కొంచెం మసాలా కలిపితే ఒక సినిమా తీయొచ్చు.. ఒకప్పుడు మన రాజకీయాల్లో అందరూ లాయర్లే ఉండేవారు… చదువుతో సంబంధం లేకుండా అందరూ లా తెలుసుకోవాలి.. అప్పుడే ఏం చేసినా చెల్లుబాటయ్యేలా చేసుకోవచ్చు.. కంపెనీ లా అయినా, ఇన్కమ్ టాక్స్ లా అయినా సరే, ప్రతి దాంట్లో కొన్ని గాప్స్ ఉంటాయి.. వాటిని వాడుకుంటే చాలా చెయ్యొచ్చు… ప్రొఫెషనల్ సహాయం చెయ్యడానికి నాలాంటి CA లు ఇంకా లాయర్లు ఎప్పుడూ ఉంటారు….

Share this Article