కమల్‌హాసన్, కృష్ణంరాజు నడుమ అప్పట్లో స్టెప్పుల పంచాయితీ…

ఇద్ద‌రి మీద కొండ‌మీద వెండివాన పాట… ఊటీలో షూటింగ్ న‌డుస్తోంది… తంగ‌ప్ప అనే నృత్య‌ద‌ర్శ‌కుడి ప‌ర్య‌వేక్ష‌ణ‌లో చిత్రీక‌ర‌ణ న‌డుస్తోంది… తంగ‌ప్ప ద‌గ్గ‌ర అసిస్టెంట్ గా ఓ కుర్రాడు ప‌నిచేస్తున్నాడు. అత‌ను హీరో గారికి మూమెంట్స్ చూపిస్తున్నాడు.

హీరో కృష్ణంరాజుకు వాటిని అందుకోవడం చాలా క‌ష్టంగా అనిపించింది. ఆ కుర్రాడు మెరుపులా చేసుకు వెళ్లిపోతున్నాడు. అసలే జ‌నం మ‌ధ్య న‌డుస్తున్న షూటింగు. ఆ కుర్రాడు చేస్తున్నాడు … హీరో గారి వ‌ల్ల కావ‌డం లేదు అని జ‌నం అనుకుంటారేమో అని హీరో గారికి అనుమానం.

దీంతో … ఇలా లాభం లేద‌ని ఆ కుర్రాణ్ణి ప‌క్క‌కు తీసుకెళ్లి … నువ్వు డాన్స‌ర్ వి బాబూ నేను కాదు … కాబ‌ట్టి నేను నేర్చుకుని చేసేలా ఉండాలి మూమెంట్స్ … నువ్వు స్టైల్ మారుస్తావా … లేక మీ గురువుతో మొర‌పెట్టుకోనా అని అడిగారు.

ఆ కుర్రాడు త‌ల‌గోక్కుని స‌రే … అయితే అలాగే చేద్దాం… నో ప్రాబ్ల‌మ్ అని కృష్ణంరాజు గారికి క‌న్వినియంట్ గా ఉండేలా డాన్స్ మూమెంట్స్ చూపించి ఓకే చేయించాడు. ఆ కుర్రాడి పేరు క‌మ‌ల్ హ‌స‌న్. ఈ విష‌యాన్ని కృష్ణంరాజు గారూ క‌మ‌ల్ హ‌స‌న్ గారూ ఇద్ద‌రూ వేరు వేరు సంద‌ర్భాల్లో చెప్పుకున్నారు.

ఇది కృష్ణంరాజు గారి వ‌ర్ష‌ను. కృష్ణంరాజు గారు నాకు వార్నింగ్ ఇచ్చారు అని క‌మ‌ల్ హ‌స‌న్ చెప్పారు. అంతే తేడా … మిగిలిన సీనంతా సేమ్ టూ సేమ్ …