.
ఆంటీ అంటే కోపమొస్తుందేమో గానీ… యాంకర్ అనసూయ భరద్వాజ్ సోషల్ మీడియాలో ఏదైనా పోస్ట్ పెడితే, అది క్షణాల్లో వైరల్ అవ్వడం పరిపాటి. అయితే ఎప్పుడూ గోక్కోవడం తనకు అలవాటు… తను ఎవరినైనా ఏమైనా అనొచ్చు, కానీ తనను ఆంటీ అంటే, ఏమిటా చెత్త డ్రెస్సులు- పోస్టులు అని ఎవరైనా అడిగితే కస్సుమంటుంది, కేసులు పెడుతుంది… ఉల్టా ట్రోల్ చేస్తుంది… చిత్రమైన కేరక్టర్…
కానీ ఒకటి మెచ్చుకోవచ్చు, తనను నిందించే ధోరణిని కూడా సమర్థించుకుంటుంది, అదీ సున్నితమైన ఇండస్ట్రీలో ఉంటూ..!! ఆ తెంపరితనం ఉంది..!! బికినీ ధరించి కూడా మీ బొంద ఈ డ్రెస్సుకు ఏం లోపంరా అని ఎదురుదాడి చేయగలదు… ఇదంతా ఇప్పుడు ఎందుకు అంటే..? తాజాగా ఆమె షేర్ చేసిన ఒక వీడియో నెట్టింట పెద్ద చర్చకు, వివాదానికి దారితీసింది. ఈ మొత్తం వ్యవహారానికి సంబంధించిన విశ్లేషణ ఇక్కడ క్రమ పద్ధతిలో ఉంది…
Ads
ఏమి జరిగింది? ఫెర్టిలిటీ డాక్టర్ నిహారిక అల్లు రూపొందించిన ఒక వీడియోను అనసూయ తన ఇన్స్టాగ్రామ్ స్టోరీలో పంచుకున్నారు. (నిజానికి అది పాత వీడియో)… అందులో, తెలుగు సినిమాలోని ప్రముఖ హీరోల పాత్రలను ఉదాహరణగా తీసుకుని, వారి జీవనశైలిని బట్టి వారికి ‘స్పెర్మ్ కౌంట్’ (సంతానోత్పత్తి సామర్థ్యం) రేటింగ్ ఇచ్చారు.
డాక్టర్ ఇచ్చిన రేటింగ్స్ ఇవే:
-
రామ్ (అపరిచితుడు): 9/10 – ఫిజికల్ ఫిట్నెస్, వెజిటేరియన్ డైట్, చెడు అలవాట్లు లేకపోవడం వల్ల టాప్ స్కోర్.
-
ధృవ (ధృవ): 9/10 – ఫిట్గా ఉన్నప్పటికీ, జిమ్ బాడీ కోసం స్టెరాయిడ్స్ వాడితే కౌంట్ జీరో అవుతుందని డాక్టర్ ఒక కండిషన్ పెట్టారు.
-
భరత్ (భరత్ అనే నేను): 7/10 – సీఎం పాత్రలో ఉండే మానసిక ఒత్తిడి వల్ల ఫెర్టిలిటీపై ప్రభావం.
-
అర్జున్ రెడ్డి (అర్జున్ రెడ్డి): 6/10 – మద్యం, డ్రగ్స్, చెడు అలవాట్ల కారణంగా మధ్యస్థం.
-
దేవా (సలార్): 6/10 – కోల్ మైన్స్లోని కాలుష్యం, వేడి వల్ల సంతానోత్పత్తిపై ప్రభావం.
-
పుష్పరాజ్ (పుష్ప): 1/10 – నిరంతరం గుట్కా నమలడం, పొగాకు ఉత్పత్తుల వాడకం వల్ల కౌంట్ చాలా తక్కువ.
వివాదానికి కారణాలు… ఈ వీడియోపై నెటిజన్లు, సినీ అభిమానులు భిన్నాభిప్రాయాలు వ్యక్తం చేస్తున్నారు…
-
పర్సనల్ టార్గెట్గా అభిమానుల భావన…: ముఖ్యంగా ‘పుష్ప’ సినిమా ఫ్యాన్స్ అనసూయపై గుర్రుగా ఉన్నారు. గతంలో అనసూయకు, అల్లు అర్జున్ ఫ్యాన్స్కు సోషల్ మీడియాలో ఉన్న గొడవలను ఉద్దేశించి, కావాలనే ఆమె ఈ వీడియోను షేర్ చేశారని కొందరు ఆరోపిస్తున్నారు…
-
అనసూయ గత వివాదాలు…: విజయ్ దేవరకొండ (‘అర్జున్ రెడ్డి’ ఫేమ్)తో గతంలో నడిచిన సోషల్ మీడియా వార్ను గుర్తు చేస్తూ, ఆమె అతన్ని టార్గెట్ చేసేందుకే ఈ వీడియోను ఎంచుకున్నారని మరో వర్గం వాదన…
-
వైద్య వృత్తికి సినిమాకి ముడిపెట్టడం..: ఒక బాధ్యతాయుతమైన వేదికపై సినిమా పాత్రల వ్యక్తిగత అలవాట్లను, వైద్యపరమైన ‘స్పెర్మ్ కౌంట్’తో ముడిపెట్టడం ఎంతవరకు సమంజసం అనే ప్రశ్నలు తలెత్తుతున్నాయి. ఇది క్రియేటివిటీనా లేక పాత్రలను అవమానించడమా? అని నెటిజన్లు ప్రశ్నిస్తున్నారు…
నిజానికి ఆ వీడియో ఉద్దేశం ఏమిటి? వైద్యురాలిగా డాక్టర్ నిహారిక అల్లు ఉద్దేశం బహుశా “ఆరోగ్య అవగాహన” కల్పించడమే అయ్యి ఉండవచ్చు.
-
లైఫ్ స్టైల్ ప్రభావం…: మగవారి సంతానోత్పత్తి సామర్థ్యంపై చెడు అలవాట్లు (ధూమపానం, డ్రగ్స్, స్టెరాయిడ్స్) ఎంతటి ప్రభావాన్ని చూపుతాయో యువతకు అర్థమయ్యేలా చెప్పడానికి ఈ “పాప్ కల్చర్” పద్ధతిని ఆమె ఎంచుకున్నారు…
-
శాస్త్రీయత..: అయితే, సినిమా పాత్రలను బట్టి రేటింగ్ ఇవ్వడం అనేది ఒక సరదా “మీమ్” ఫార్మాట్ మాత్రమే. ఇది ఎక్కడా శాస్త్రీయ పరీక్ష కాదు. కేవలం సినిమా పాత్రలను పట్టుకుని పురుషుల ఆరోగ్యాన్ని తక్కువ చేసి చూపడం కొంతమందికి “బాడీ షేమింగ్”లా అనిపించింది…
అనసూయ ఒక సెలబ్రిటీగా ఒక వీడియోను షేర్ చేయడం వల్ల, అది సోషల్ మీడియాలో ఒక “వైరల్ వివాదం”గా మారింది… డాక్టర్ ఉద్దేశం ఆరోగ్య పాఠాలు చెప్పడం అయితే, అనసూయ షేర్ చేయడం వల్ల అది ఆయా హీరోల అభిమానుల మధ్య రగడకు దారితీసింది… ఏది ఏమైనా, ఇలాంటి సున్నితమైన విషయాల్లో సినీ పాత్రలను జోడించడం వినోదాన్ని పంచడానికి బదులు, ఫ్యాన్ వార్లకు దారితీస్తుందని ఈ ఉదంతం స్పష్టం చేస్తోంది…
నిజానికి ‘‘సినిమా వాళ్లకు ఇలా చెబితేనే అర్థమవుతుంది’’ అని అనసూయ చెప్పడం అంటే ఆయా సినిమా పాత్రల కేరక్టరైజేషన్ను అనసూయ తీవ్రంగా అభ్యంతరపెడుతున్నట్టు..!! మరి నీ రంగమ్మత్త, దాక్షాయణి పాత్రలు ఏమైనా శుద్ధపూసలా..!! ఇక్కడే అనసూయ ద్వంద్వ మనస్తత్వం బయటపడుతుంది… ఐనా సరే, అనసూయ డోన్ట్ కేర్… నేను చేసేదే కరెక్టు, ఎదుటోళ్లందరూ ఫాల్స్ అనే రకం ఆమె… ఈ వివాదమూ అంతే…
ఈ వివాదం చెలరేగాక… ఆమె ఏం బదులిచ్చింది ట్రోలింగుకు, విజయ్- బన్నీ ఫ్యాన్స్ ఎలా రియాక్టవుతున్నారు అనే అప్డేట్ల జోలికి పోవడం లేదు ఇక్కడ… అనవసరం కూడా..! ఇక్కడ ఓ క్లారిటీ ఇవ్వాలి… ఆ డాక్టరమ్మ ప్రస్తుత జనరేషన్కు ఎక్కే రీతిలోనే చెప్పింది, మీ వ్యసనాలు మీ స్పర్మ్ కౌంట్ను ప్రభావితం చేస్తాయి అని…
అఫ్కోర్స్, అది అశాస్త్రీయమే అయినా సరే, ఆ వ్యసనాలు మంచివి కావని సరదాగా, వ్యంగ్యంగా చెప్పడం మాత్రం మంచిదే కదా..!! సినిమాలోని పాత్రల వ్యక్తిత్వాలు, అలవాట్లను బట్టి వైద్యపరంగా ఆ పాత్రల ఆరోగ్యం ఎలా ఉండవచ్చో డాక్టర్ ఒక ఊహతో (Hypothetical analysis) ఈ రేటింగ్ ఇచ్చింది ఆమె…
(ఇలా చెప్పగలిగే పరిణతి అనసూయకు ఎక్కడిది..? ఆ పరిణతే ఉంటే ఆమె అనసూయ ఎందుకు అవుతుంది..?) ఇదుగో ఇదీ అనసూయ షేర్ చేసిన ట్వీట్…
Share this Article