ఆగని పతనం – ప్రపంచ మార్కెట్లలో మరింత సంక్షోభం రాబోతోందా?

.

Pardha Saradhi Upadrasta ….. ఆసియా స్టాక్ మార్కెట్లలో భారీ పతనం.. ఒక్కరోజులోనే $600 బిలియన్ల సంపద ఆవిరి! భారత్‌పై ఎలాంటి ప్రభావం?

ఆసియా మార్కెట్లలో భారీ అమ్మకాల ఒత్తిడి! ఒక్కరోజులోనే కొన్ని గంటల వ్యవధిలో ఆసియా స్టాక్ మార్కెట్ల నుంచి 600 బిలియన్ డాలర్లకు పైగా మార్కెట్ విలువ తుడిచిపెట్టుకుపోయింది
దక్షిణ కొరియా: కోస్పి (KOSPI) సూచీ 4% పడిపోయింది. సుమారు $131 బిలియన్ల మార్కెట్ విలువ ఆవిరైంది. SK Hynix షేర్లు 5.7%, శాంసంగ్ షేర్లు 4.2% క్షీణించాయి.

జపాన్: నిక్కీ సూచీ 2.6% పడిపోయింది. సుమారు $195 బిలియన్ల విలువ తగ్గింది. సాఫ్ట్‌బ్యాంక్ షేర్లు 5.6%, టోక్యో ఎలక్ట్రాన్ షేర్లు 6%కు పైగా పడిపోయాయి.
చైనా: షాంఘై సూచీ 1.5%, షెన్‌జెన్ సూచీ 2.6% క్షీణించాయి. సుమారు $151 బిలియన్ల మార్కెట్ విలువ తగ్గినట్లు నివేదికలు పేర్కొన్నాయి. CSI 300 సూచీ కూడా 2% పడిపోవడంతో బేర్ మార్కెట్ భయాలు పెరిగాయి.

తైవాన్: తైపీ స్టాక్ మార్కెట్ 2.3% పడిపోగా, సుమారు $84 బిలియన్ల మార్కెట్ విలువ తగ్గినట్లు సమాచారం.
హాంకాంగ్: హ్యాంగ్‌సెంగ్ సూచీ 3%కు పైగా పడిపోయింది. అలీబాబా షేర్లు 6.5% క్షీణించగా, టెన్సెంట్, JD.com షేర్లపైనా అమ్మకాల ఒత్తిడి కనిపించింది.
సింగపూర్, 🇮🇩 ఇండోనేషియా, 🇵🇭 ఫిలిప్పీన్స్: ఈ దేశాల మార్కెట్లు కూడా నష్టాల్లోకి జారుకున్నాయి.

భారత స్టాక్ మార్కెట్లపై ప్రభావం ఏమిటి?
ఆసియా మార్కెట్లలో భారీ పతనం, అంతర్జాతీయంగా పెరుగుతున్న ఉద్రిక్తతలు భారత మార్కెట్లపైనా ఒత్తిడిని పెంచింది. ఈరోజు సెన్సెక్స్ 460 పాయింట్ల వరకు నష్టపోయి 73,250 కు పడిపోయింద – ఎన్‌ఎస్‌ఇ నిఫ్టీ (NSE Nifty 50): నిఫ్టీ కూడా 123 పాయింట్లకు పైగా క్షీణించి  22,685 పాయింట్లకు పడింది. ముఖ్యంగా సెన్సెక్స్, నిఫ్టీ సూచీలతో పాటు ఐటీ, టెక్నాలజీ, దిగుమతులపై ఆధారపడే రంగాల షేర్లలో ఒడిదుడుకులు వున్నాయి.

చమురు ధరలు పెరిగితే భారత్‌కు మరింత సవాలు!
బ్రెంట్ క్రూడ్ ధర బ్యారెల్‌కు $111 స్థాయికి చేరినది. భారత్ తన ముడి చమురు అవసరాల్లో గణనీయమైన భాగాన్ని దిగుమతి చేసుకుంటుంది. అందువల్ల చమురు ధరలు ఎక్కువకాలం అధికంగా కొనసాగితే దిగుమతి బిల్లు, ద్రవ్యోల్బణం, రూపాయి మారకం విలువ, కంపెనీల నిర్వహణ ఖర్చులపై ఒత్తిడి పెరగవచ్చు.

అమెరికా–ఇరాన్ ఉద్రిక్తతలు.. ప్రపంచ మార్కెట్లలో ఆందోళన!
అమెరికా అధ్యక్షుడు డొనాల్డ్ ట్రంప్ ఇరాన్‌తో చర్చలు జరపడం లేదని ప్రకటించినట్లు ఓ నివేదిక పేర్కొంది. మధ్యప్రాచ్యంలో ఉద్రిక్తతలు, సౌదీ అరేబియాలో చమురు క్షేత్రంపై హూతీ దాడి జరిగినట్లు వచ్చిన వార్తలు, అమెరికా స్టాక్ ఫ్యూచర్స్‌లో నష్టాలు పెట్టుబడిదారుల ఆందోళనలను పెంచుతున్నాయి.

ప్రపంచ మార్కెట్లలో మరింత సంక్షోభం రాబోతోందా?
ఆసియా మార్కెట్లలో భారీ అమ్మకాలు, పెరుగుతున్న చమురు ధరలు, AI రంగంపై ఆందోళనలు, అమెరికా–ఇరాన్ ఉద్రిక్తతలు ప్రపంచ ఆర్థిక వ్యవస్థపై ఒత్తిడిని పెంచుతున్నాయి.
— ఉపద్రష్ట పార్ధసారధి

#IndianStockMarket #Sensex #Nifty50 #AsianMarkets #GlobalMarkets #CrudeOil #Iran #Trump #StockMarketCrash #IndianEconomy