అవతార్-2… జాతర షురూ… ప్రీమియం ఫార్మాట్ టికెట్లకు భారీ స్పందన…

కనీసం 16, 17 వేల కోట్ల వసూళ్లు ఉంటే తప్ప అవతార్-2 బ్రేక్ ఈవెన్ రాదు అన్నాడు కదా జెమ్స్ కామెరూన్… ప్రపంచ సినిమా చరిత్రలో బిజినెస్ కోణంలో అత్యంత చెత్తా ప్రాజెక్టుగా చెప్పబడుతున్న ఈ సినిమాపై మంచి హైప్ అయితే వచ్చింది… ఇంకా పెరుగుతోంది… జాతర ఆరంభమైంది… ఇంకా 3 వారాల టైమ్ ఉన్నా సరే… ఇండియాలో అప్పుడే టికెట్ల బుకింగ్ స్టార్టయింది…

3 రోజుల క్రితం 45 స్క్రీన్లలో ప్రీమియం ఫార్మాట్ టికెట్లు అమ్మకానికి పెడితే అన్నీ అమ్ముడయ్యాయి… ఇండియాలో ఇది అతి పెద్ద ఓపెనింగ్… ది వే ఆఫ్ వాటర్ అని పేరు పెట్టిన ఈ అవతార్ సీక్వెల్‌ను ఇంగ్లిషు, హిందీ మాత్రమే కాదు, పాన్ ఇండియా భాషలుగా చెలామణీలో ఉన్న తెలుగు, తమిళం, కన్నడం, మలయాళం భాషల్లో కూడా రిలీజ్ చేస్తున్నారు…

త్రీడీ ఫార్మాట్ కోసం ఎక్కువ డిమాండ్ ఏర్పడే సూచనలు కనిపిస్తున్నాయి… ఎందుకంటే… అవతార్ వంటి హైలీ అడ్వాన్స్‌డ్ టెక్నాలజీ వాడిన ఇలాంటి గ్రాఫిక్స్ త్రీడీలోనే అలరిస్తాయి… ఈరోజు ఇతర షోలకు సంబంధించి అడ్వాన్స్ బుకింగ్స్ స్టార్టవుతున్నాయి… ఇక బాక్సాఫీసు కొత్త రికార్డుల వైపు అవతార్ పరుగు ఆరంభించబోతోంది… కరోనా అనంతరం ప్రేక్షకులను థియేటర్లకు రప్పించే అసలు సిసలు సినిమా అని ఎగ్జిబిటర్లు ఆనందంగా ఉన్నారు…