.
Subramanyam Dogiparthi ఈ భలే తమ్ముడి కధ ఆ పాత భలే తమ్ముడు ఎన్టీయార్ కధ ఒకటి కాదు . యన్టీయార్ భలే తమ్ముడు ఫుల్ క్రైం మూవీ . ఈ బాలకృష్ణ భలే తమ్ముడులో క్రైంతో పాటు ఫేమిలీ సెంటిమెంట్ కూడా ఉంటుంది .
పరుచూరి బ్రదర్స్ కధ , స్క్రీన్ ప్లే , డైలాగులతో పాటు దర్శకత్వం కూడా వహించారు . బాలకృష్ణని బాగానే ఎలివేట్ చేసారు . కధాంశం రొటీన్ దుష్టశిక్షణే అయినా మలుపులు పరుచూరి వారి మోడల్లో ఉంటాయి .
Ads
అన్న కానిస్టేబుల్ , తమ్ముడు సబ్ ఇనస్పెక్టర్ . తమ్ముడు విధి నిర్వహణలో చాలా స్ట్రిక్ట్ . ఊళ్ళో పెద్దమనుషుల అరాచకానికి అన్న కొడుకుని పోగొట్టుకుంటాడు . ఉద్యోగానికి రాజీనామా చేసి బడాబాబులను చట్టానికి పట్టిస్తాడు .
గుడ్డివాళ్ళని నేరాలకు ఉపయోగించుకోవటం కొత్తగా ఉంటుంది . ఇప్పుడు కుబేర సినిమాలో బిచ్చగాళ్ళని ఎంచుకోవడం వంటిదే ఈ భలే తమ్ముడు సినిమాలో గుడ్డివాళ్ళని ఎంచుకోవడం . విధవా వివాహాలను సమర్ధిస్తూ కొన్ని సీన్లు పరుచూరి మార్కుతో ఉంటాయి .
బాలకృష్ణ నుండి మంచి నటనను రాబట్టుకున్నారు . కధానాయికగా ఊర్వశి చలాకీగా నటించింది . అశ్విని , జ్యోతి , ప్రభ , జయమాలిని , విలన్లుగా నూతన్ ప్రసాద్ , గొల్లపూడి మారుతీరావులు , అన్నగా చంద్రమోహన్ , ఇతర పాత్రల్లో రంగనాథ్ , ప్రభాకరరెడ్డి , రాళ్ళపల్లి , నాగేష్ , సాక్షి రంగారావు , కాకరాల , చలపతిరావు , రాంజీ , శ్రీలక్ష్మి , ప్రభృతులు నటించారు . మాస్టర్ అర్జున్ గుర్తుండిపోతాడు .
సినిమా బాగానే ఆడటానికి కారణం చక్రవర్తి సంగీత దర్శకత్వంలో వేటూరి వారి పాటలు , నృత్య దర్శకుడు శివశంకర్ డాన్సులు . దొంగ రాముడు సినిమాలో రారోయి మాఇంటికి పేరడీ పాట జయమాలిని , బాలకృష్ణ మీద బాగుంటుంది . రారోయి మా క్లబ్బుకు మామా అంటూ సాగుతుంది . జయమాలిని డాన్స్ గురించి చెప్పేదేముంది .
ఈ సినిమాకు ముందు బాల నటిగా అరంగేట్రం చేసిన అశ్విని మొదటిసారిగా సపోర్టింగ్ పాత్రలో బాలకృష్ణతో ఒక డ్రీం సాంగులో నటించింది . గాలికి రేగిన అందం అంటూ సాగే ఈ పాటలో అశ్విని డాన్స్ చాలా అందంగా చిత్రీకరించారు . రాఘవేంద్రరావు ఆవహించి ఉంటాడు .
మరో డ్యూయెట్ ఊర్వశితో అమ్మా అమ్మా ఏమ్మా ఏమ్మా హుషారుగా ఉంటుంది . అన్న గారి అలక అంటూ సాగే ఫేమిలీ సాంగ్ సెంటిమెంటల్గా బాగుంటుంది . బాలకృష్ణకు పరుచూరి బ్రదర్స్ బాగా పదునుగా ఉండే డైలాగులను వ్రాసారు .
మొదట స్లోగా ఉన్నా తర్వాత తర్వాత ఊపందుకుంటుంది . సినిమా యూట్యూబులో ఉంది . ఇంతకు ముందు చూసి ఉండకపోతే బాలకృష్ణ అభిమానులు తప్పక ట్రై చేయవచ్చు . It’s a family sentimental , action oriented , feel good entertainer . చూడబులే . #తెలుగుసినిమాలసింహావలోకనం #తెలుగుసినిమాలు #సినిమాకబుర్లు
Share this Article