ఎట్ లాస్ట్… గంగవ్వకు విముక్తి లభించింది ఆ హౌజునుంచి..! ప్రేక్షకులకూ కాసింత రిలీఫ్..! ఆమెను ఈ వయస్సులో హౌజులోకి ఎందుకు తీసుకొచ్చినట్టు..? ఈ ప్రశ్నకు బిగ్‌బాస్ టీమ్ సమాధానం వెతుక్కోవాలి నాగార్జునతో సహా..!
ఎవిక్షన్ పాస్ టాస్క్‌లో టేస్టీ తేజ తీరు దారుణం… తను తప్పు చేస్తున్నప్పుడు బిగ్‌బాస్ అక్కడే కలగజేసుకుని, దిద్దాల్సింది… కానీ కిమ్మనలేదు… పాములా మిమిక్రీ చేస్తూ, బుసలు కొడుతూ ఈ తప్పు మాత్రం పట్టించుకోలేదు…
సరే, నాగార్జున దాకా వచ్చింది పంచాయితీ… శనివారం వీకెండ్ షోలో పట్టుకున్నాడు… ఏయ్, నువ్వు చేసింది తప్పు అన్నాడు… తను విధించిన శిక్ష ఏమిటో తెలుసా..? మెగా చీఫ్ పోటీకి వచ్చేవారం నిన్ను బ్యాన్ చేస్తున్నాను పో అన్నాడు… ఎలాగూ తను అలాంటి పోటీల్లో గెలిచేదీ లేదు… ఈ శిక్షతో తనకు పోయేదేమీ లేదు…
Ads
కాకపోతే ఫాఫం, హౌజులో ఎక్కువమంది తననే వరస్ట్ ఆటగాడని ముద్రవేయడం మాత్రం దారుణం… గౌతమ్, పృథ్వి, హరితేజ… ఇలా ఎందరు లేరు..? దానికి తేజ ఇంటి నుంచి ఫ్యామిలీ వీక్ ఎవరూ తన కోసం రావడానికి వీల్లేదని ప్రకటించడంతో, మూర్ఖపు నిర్ణయాల్లో టేస్టీ తేజకూ బిగ్‌బాస్‌కూ తేడా లేదనేది స్పష్టమైంది…
మళ్లీ పోటీ పెట్టడంతో నబీల్‌కు ఎవిక్షన్ పాస్ వచ్చింది… దీంతో తను టాప్ ఫైవ్‌కు వెళ్లడం ఇక ఈజీ… నిన్నమొన్నటిదాకా ప్రేరణకు ప్రేక్షకుల నుంచి ఆదరణ దక్కింది, తనకూ మెగా చీఫ్ దక్కింది… కానీ కుర్చీ ఎక్కాక నాయకుల తీరు మారినట్టే ప్రేరణ కూడా హఠాత్తుగా మారిపోయింది… విష్ణుప్రియ, నబీల్, గౌతమ్‌లను అనవసరంగా గెలికింది… వాళ్లూ ఎహెపో ఏం చేసుకుంటావో చేసుకోపో అని లైట్ తీసుకున్నారు ఆమెను…
చేసేదేమీ లేక ఒక్కతే బెడ్ మీద పడుకుని కన్నీళ్లు పెట్టుకుంది… సందర్భాలు, అవకాశాలను బట్టి వ్యక్తుల తత్వాలు ఎలా మారిపోయి, తమ అసలు రూపాలు కనిపిస్తున్నాయో చెప్పడానికి ఇలాంటివే ఉదాహరణలు… సరే, గంగవ్వ వెళ్లిపోయింది… ఆమె సెల్ఫ్ ఎవిక్షన్… మరి రొటీన్ ఎలిమినేషన్ ఎవరు..?
వైల్డ్ కార్డ్ ఎంట్రీగా వచ్చి, తనదైన మార్క్ వేయడంలో విఫలమైన హరితేజ… ఆమే వెళ్లిపోయింది… సో, పాత కాపుల్ని తెచ్చి ఉద్దరించాలని బిగ్‌బాస్ అనుకుంటే… అలా వచ్చిన వాళ్లలో మెహబూబ్, గంగవ్వ, హరితేజ, నయని పవని వెళ్లిపోయారు… వారిలో మిగిలింది అవినాష్, రోహిణి, టేస్టీ తేజ, గౌతమ్… అవినాష్, రోహిణి తప్ప మిగతా ఆ ఇద్దరూ వేస్ట్…
మన సోషల్ మీడియా కన్నడ బ్యాచ్ అంటూ నోళ్లు, మౌజులు, మైకులు పారేసుకుంటున్నారు గానీ… ఈరోజుకూ స్థిరంగా, బలంగా నిలబడి ఆడగలుగుతున్నది ఆ బ్యాచే… నిఖిల్, యష్మి, ప్రేరణ, పృథ్వి… నాగార్జున సపోర్టుతో విష్ణుప్రియ… వెరసి వైల్డ్ కార్డ్ ఎంట్రీస్ పాత, కొత్త కలయిక అనేది దారుణంగా ఫెయిలైంది..!!
Share this Article