కమెడియన్లే కాదు… ఆటగాళ్లు కూడా… ఇద్దరూ పోటీలో నిలిచారు…

.

మొన్నమొన్నటిదాకా కూల్‌గా, నోబుల్‌గా ఆడిన నబీల్‌కు హఠాత్తుగా ఏమైందో… ఆటతీరు మారింది, తొందరపాటు కనిపిస్తోంది…

నిన్న ఒక విశేషం ఆసక్తికరం… అంతకుముందు అందరి ఊహలను, వెక్కిరింపులను, అంచనాలను పక్కకు నెట్టేసి ఓ శివంగిలా రోహిణి టికెట్ టు ఫినాలే పోటీలోకి కంటెండర్‌గా వచ్చి నిల్చుంది కదా… ఆ ఎపిసోడ్‌కు అఖిల్, హారిక నేతత్వం వహించారు… వీళ్లు బిగ్‌బాస్ పాత కాపులే…

తరువాత మానస్, ప్రియాంక వచ్చారు… (అవును, తిరుమల మీద ఓ పిచ్చి ప్రాంక్ వీడియో సోషల్ మీడియాలో పెట్టి దూషణలకు గురై, టీటీడీ కేసు కూడా పెట్టబోతున్న ఆ ప్రియాంకే…) వీళ్లూ బిగ్‌బాస్ పాత కస్టమర్లే కదా…

అఖిల్ టీమ్ దైహిక సామర్థ్యానికి పోటీపెడితే… అందులో విష్ణుప్రియ బ్లాక్ బ్యాడ్జి పొంది టికెట్ టు ఫినాలే పోటీ నుంచి దూరమైంది కదా… ప్రియాంక టీమ్ బుర్ర పోటీని పెట్టింది… నబీల్, ప్రేరణల్ని మీ ఇద్దరు ప్రత్యర్థుల్ని మీరే ఎంచుకొండని అడిగితే ఇదే నబీల్ ఏం చెప్పాడు..?

మెంటల్ ఎబిలిటీ కదా, ఇంగ్లిషు ఇతర పోటీలైతే అవినాష్ పోటీపడలేడు, సో, వీక్ పోటీదారు అవుతాడని అవినాష్‌, పృథ్విలను ప్రత్యర్థులుగా ఎంపిక చేశాడు… ప్రేరణ సరేనంది… తీరా ఏమైంది..? సుడొకు పోటీ పెడితే నబీల్ అడ్డదిడ్డంగా అంకెలు పేర్చేసి, గంట కొట్టేసి, కప్పు గెలిచినట్టుగా కేకలు పెట్టాడు, ఎగిరి గంతులేశాడు…

తీరా చూస్తే తప్పు… తనే కాదు, నలుగురూ తప్పుచేశారు… అదీ వాళ్ల ఎబిలిటీ..!! తరువాత మిడిల్ అంకె బిగ్‌బాసే చెప్పి మళ్లీ ప్రయత్నించమన్నాడు… మళ్లీ నబీల్ తప్పే… పృథ్వికి ఎలాగూ అంత సీన్ లేదు… ప్రేరణ, అవినాష్ బలంగా పోటీపడ్డారు… చివరకు వీళ్లు వీక్ కేండిడేట్ అవుతాడని ఎంపిక చేసిన ఆ అవినాషే గెలిచాడు… అప్పుడు కూడా అవినాష్‌కు దగ్గరలో నిలబడ్డ వారెవరో సహకరించి ఉంటారని నబీల్ అనుమానారోపణ… తనెందుకు ఈనడుమ బాగా ఇరిటేట్ అయిపోతూ బ్యాలెన్స్ కోల్పోతున్నాడు…

ప్రస్తుతం టికెట్ టు ఫినాలే పోటీలో ఆ ఇద్దరు స్నేహితులు కంటెండర్లు అయ్యారు… బహుశా మరో టాస్క్ పెట్టి మరొకరిని ఎంపిక చేస్తారేమో… ఈసారి ఏ అంశాల్లో పోటీ పెడతారో… బిగ్‌బాస్ పాతకాపులు ఇంకెవరు వస్తారో… ఏమో, దీంతోనే ఈ ఎపిసోడ్‌ను ముగిస్తారో…

నిజానికి అవినాష్‌కు వోట్లు పడటం లేదు… ఓసారి ఎవిక్షన్ అంచుల్లో ఉన్నాడు… ఇప్పుడూ పెద్దగా ఆదరణ లేదు… ఈసారి డబుల్ ఎలిమినేషన్ గనుక ఉంటే ప్రేమికులు విష్ణుప్రియ, పృథ్వితోపాటు అవినాష్ కూడా డేంజర్ జోన్‌లో ఉండేవాడు… ఒకవేళ ఫినాలే టికెట్ గనుక గెలిస్తే… ప్రొటెక్ట్ అయిపోయినట్టే… కానీ రోెహిణి అంత తేలికగా వదిలేసే రకం కాదు..!!