ఓహో… బుల్‌డోజర్ బాబా తొలి ప్రతాపం బాలీవుడ్ కేరక్టర్లపైనే అట…

మొన్నామధ్య అనురాగ్ కశ్యప్ అనబడే ఓ వెకిలి దర్శకుడు హీరోయిన్ తాప్సి స్తనాలపై చేసిన వెగటు వ్యాఖ్య గురించి మాట్లాడుకున్నాం కదా… ఈ కశ్యపుడి కథేమిటా అని చెక్ చేస్తుంటే… మరో ఆసక్తికరమైన వార్త కనిపించింది… ఒక్క కశ్యప్ మాత్రమే కాదు… తనతోపాటు రాజ్‌బబ్బర్, ఆయన భార్య నదిర, విశాల్ భరధ్వాజ్, నవాజుద్దీన్ సిద్దిఖి ఎట్సెట్రా 172 మంది బాలీవుడ్ పర్సనాలిటీలు ప్లస్ కొందరు ఇతరులు నెలనెలా 50 వేల పెన్షన్లు పొందారట…

షాకింగ్‌గా ఉందా..? అంతేమరి… ప్రజాధనాన్ని ఎవరికిపడితేవాళ్లకు అప్పనంగా ఇచ్చేయడం ఉత్తరప్రదేశంలో అలవాటే… ఈ వివరాలు ఎలా బయటికి వచ్చాయి అంటే… బరేలికి చెందిన మహమ్మద్ ఖాలిద్ జిలానీ అనే ఆర్టీఐ యాక్టివిస్ట్ 2017లో సమాచార హక్కు కింద అడిగాడు… తను ఈ వివరాలన్నీ వచ్చాక సీఎం యోగి ఆదిత్యనాథ్‌కు ఓ లెటర్ పెట్టాడు… అనర్హులకు ఇలా పెన్షన్లు ఇవ్వడం ప్రజాధన దుర్వినియోగమే అవుతుందనీ, ఈ స్కీమ్ ఎత్తిపారేయాలని, ఏదైనా నిజమైన ప్రజాసంక్షేమ కార్యక్రమాలకు ఆ డబ్బు వెచ్చించాలని కోరాడు…

యోగి వెంటనే స్పందించి ఆ పెన్షన్లపై వేటు వేశాడు… అంటే బుల్‌డోజర్‌తో ఆ స్కీమ్‌ను తొక్కిపారేశాడు అప్పుడే… బుల్‌డోజర్ బాబా రద్దుల ప్రతాపం అప్పట్నుంచే మొదలైందన్నమాట… అదీ బాలీవుడ్ ప్రముఖులతో… వాళ్లంతా రుసరుసలాడారు… యోగి కదా, ఎహెఫొండి అనేశాడు… జిలానీ సేకరించిన వివరాల్లో ఆశ్చర్యం ఏమిటంటే… జాహిద్ హసన్ అని ఎమ్మెల్సీ ఉండేవాడు, తనకు ఎలాగూ పలు అలవెన్సులు వస్తాయి… తనకు కూడా ఉర్దూ సాహిత్యకారుల జాబితాలో చేర్చేసి పెన్షన్ ఇచ్చేవాళ్లు…