కౌన్ బనేగా కరోడ్‌పతి… ఇప్పటికే పదోపదకొండో సీజన్లు అయిపోయాయ్… ఏళ్లు గడుస్తున్నయ్… ఇప్పుడు పన్నెండో సీజన్ నడుస్తోంది… బోలెడుమంది వచ్చారు, పోయారు… కానీ ఆ హాట్ సీట్ మీద కూర్చోగానే చాలామందికి టెన్షన్, అమితాబ్ బచ్చన్ ఎప్పటికప్పుడు సరదాగా మాట్లాడుతూ, ఒత్తిడి తగ్గించే ప్రయత్నం చేస్తున్నా సరే, చాలామంది ఆ ఒత్తిడిని జయించలేరు… సరే, అదొక ఆట… కానీ ఎదురుగా అంత పెద్ద సెలబ్రిటీని కూర్చోబెట్టుకుని, కుదురుగా, నిమ్మలంగా మాట్లాడటం కష్టమే…
కానీ ఈమె అదరగొట్టేసింది… ఒత్తిడీ గిత్తిడీ జాన్తానై… ఏకంగా అమితాబ్ మీదే చెణుకులు విసురుతూ, చిలిపి మాటలు సంధిస్తూ, కవ్విస్తూ… బిగ్‌బీని పరేషాన్ పరేషాన్ చేసేసింది… అలా ఆడుతూ ఆడుతూ, ఆడుకుంటూ ఆడుకుంటూనే కోటి గెలిచేసింది…. అదీ అసలు విశేషం… అంటే ఆమె ఎంత తెలివైందో అర్థం చేసుకోవాలి… ఆమె నేటివ్, ఇతర విశేషాలు చెప్పలేదు సోనీటీవీ వాడు కానీ… కోటి గెలుచుకోవడం, అమితాబ్‌తో ఆమె సరదాగా మాట్లాడటం చూపిస్తూ ఓ ప్రోమో ట్వీట్ కొట్టాడు…
Ads
కోటి గెలిచింది… ఏడు కోట్ల ప్రశ్న ఆమె ముందుంది… గెలుస్తుందా..? వదిలేసి వెళ్లిపోతుందా..? ఎన్ని లైఫ్ లైన్స్ ఉన్నాయి..? సస్పెన్స్… నిజానికి ఈ సీజన్ చాలా స్పెషల్‌గా సాగుతోంది… ఇప్పటికి ముగ్గురు కోటి చొప్పున గెలుచుకున్నారు… టీచర్ అనుపదాస్, కమ్యూనికేషన్ మేనేజర్ నజియా నసీం, ఐపీఎస్ మోహిత శర్మ… ఇప్పుడు నేహ… అందరూ మహిళలే…
AB and our contestant DR. NEHA SHAH share a few lighthearted moments. Watch her on the hotseat, next week on #KBC12 at 9PM only on Sony TV.@SrBachchan @SPNStudioNEXT pic.twitter.com/kXOmIs2LGX
— sonytv (@SonyTV) January 3, 2021
మొత్తానికి ఆడవాళ్లు కేబీసీ సమాధానాల కిటుకు ఏదో కనుక్కున్నట్టే ఉంది అంటారా..? అదేమో గానీ… నేహ మాత్రం ఈ షోకు తనదైన ఓ ముద్రను అద్దింది… అంతటి అమితాబ్‌ను పట్టుకుని, జిస్‌కా ముఝే అని ఓ పాట వదిలింది… చిలిపిగా ఆడుతూనే, చివరలో కోటి గెలవగానే ఫ్లయింగ్ కిస్సులు కూడా విసురుతూ… లవ్యూ లవ్యూ అంటూ ఆనందాతిరేకం… చివరలో ఏడు కోట్ల ప్రశ్నను ముందు పెట్టుకుని, ఆ టెన్షన్ ఏమీ లేకుండా… మీ గురించే ఆలోచిస్తున్నందున ఆట మీద కాన్సంట్రేషన్ కుదరడం లేదని ముక్తాయింపు ఇచ్చింది… ఫాఫం, అమితాబ్, ఒత్తిడి ఇప్పుడు తనపైనే ఉంది…!!
Share this Article