.
ట్రంప్ 17 మంది అమెరికన్ సీఈఓలతో కలిసి బీజింగ్లో అడుగుపెట్టారు…
టిమ్ కుక్ (Apple), ఎలాన్ మాస్క్ (Tesla & SpaceX), లారీ ఫింక్ (BlackRock), జేమీ డైమన్ (JP Morgan).
ఇది కేవలం ఒక చర్చ మాత్రమే కాదు.. ఒక వ్యూహాత్మక రాయబారం. ఇక్కడ ఈ సీఈఓలే ట్రంప్ చేతిలో ఉన్న అతిపెద్ద ఆయుధాలు.
ప్రస్తుతం బీజింగ్లో అసలు ఏం జరుగుతుందో వివరిస్తాను వినండి.
ప్రతి వార్తా పత్రిక కేవలం ఇద్దరు దేశాధినేతల ‘హ్యాండ్షేక్’ (కరచాలనం) మీద మాత్రమే దృష్టి పెట్టింది. కానీ ఆ షేక్ హ్యాండ్ వెనుక టేబుల్ మీద జరుగుతున్న అసలు బేరసారాల గురించి ఎవరూ మాట్లాడటం లేదు.
సాధారణంగా ఒక దేశాధినేత దౌత్య సమావేశానికి వెళ్తే.. తనతో పాటు దౌత్యవేత్తలను, విదేశాంగ సలహాదారులను, జాతీయ భద్రతా అధికారులను తీసుకెళ్తారు. కానీ ట్రంప్ తనతో పాటు ఆపిల్ సీఈఓను తీసుకెళ్లారు. టెస్లా, స్పేస్ ఎక్స్ అధినేతను తీసుకెళ్లారు.
Ads
ప్రపంచంలోనే అతిపెద్ద అసెట్ మేనేజ్మెంట్ కంపెనీ అయిన ‘బ్లాక్రాక్’ చైర్మన్ను (తన చేతిలో 10 ట్రిలియన్ డాలర్ల నిధులు ఉన్నాయి), జేపీ మోర్గాన్ సీఈఓను, మెటా, బోయింగ్, కార్గిల్ వంటి దిగ్గజ సంస్థల అధినేతలను వెంటబెట్టుకెళ్లాడు…
ప్రపంచంలోని అత్యంత శక్తివంతమైన ప్రైవేట్ రంగ నాయకులను ఒక విదేశీ రాజధానికి తీసుకు వచ్చారంటే.. వారి ఉనికియే ఒక బలమైన సందేశం.
చైనాకు ఇప్పుడు ఏం కావాలి?
చైనా ఆర్థిక వ్యవస్థ ప్రస్తుతం తీవ్రమైన ఒత్తిడిలో ఉంది:
2025 చివరి నాటికి జిడిపి (GDP) వృద్ధి 1% కి పడిపోయింది.
రియల్ ఎస్టేట్ రంగం కుప్పకూలింది.
వినియోగదారుల విశ్వాసం గత కొన్ని దశాబ్దాల్లో లేనంత కనిష్ట స్థాయికి చేరింది.
నిరుద్యోగం పెరిగిపోయింది.
చైనా మళ్లీ పుంజుకోవాలంటే ఇప్పుడు బీజింగ్లోని ఆ గదిలో కూర్చున్న వారి సహాయం కావాలి. అమెరికన్ పెట్టుబడులు, ఆపిల్ తయారీ భాగస్వామ్యం, టెస్లా టెక్నాలజీ, గ్లోబల్ మార్కెట్ల యాక్సెస్ చైనాకు అత్యవసరం. చైనా తన సొంత ఆర్థిక వ్యవస్థతో వీటిని సాధించలేదు. వీటి కోసం అది బేరసారాలు చేయాల్సిందే. ట్రంప్ సరిగ్గా ఆ “బేరాలనే” తన జేబులో వేసుకుని అక్కడికి వెళ్లారు.
ట్రంప్కు ఏం కావాలి?
ట్రంప్కు కావాల్సింది ఒక్కటే: “చైనా.. ఇరాన్కు సహాయం చేయడం ఆపాలి.”
ఎందుకంటే మిలిటరీ వాస్తవం ఏమిటంటే.. ఇరాన్ దగ్గర క్షిపణులు, డ్రోన్లు ఉండవచ్చు. కానీ ఎక్కడికి గురి పెట్టాలో చెప్పే ‘బయటి నిఘా’ (External Intelligence) లేకపోతే అవి పనికిరావు.
అరేబియా సముద్రంలోని చైనా ఓడలు ఇరాన్ దళాలకు రియల్ టైమ్ రాడార్, శాటిలైట్ డేటాను అందిస్తున్నాయి. రష్యా ఇస్తున్న సమాచారంతో ఇరాన్ దాడులు చేస్తోంది. అంటే ఇరాన్ క్షిపణులకు చైనా కళ్లు, రష్యా మెదడులా పనిచేస్తున్నాయి. ఈ డేటా కట్ అయితే.. ఇరాన్ యుద్ధంలో గుడ్డిదైపోతుంది.
చైనాను కేవలం హెచ్చరికలతో ట్రంప్ దారికి తెచ్చుకోలేడు. ఇప్పటికే టారిఫ్ లు, ఆంక్షలు విధించినా చైనా వినలేదు. కానీ, టిమ్ కుక్ వచ్చి “చైనాలో ఆపిల్ తయారీని మరో బిలియన్ డాలర్లు పెంచుతాం” అని ఆఫర్ ఇస్తే.. చైనా కచ్చితంగా ఆలోచిస్తుంది. 17 మంది సీఈఓలు వచ్చారంటే అర్థం ఇదే. పెట్టుబడులే ఇక్కడ లీవరేజ్ (అడ్వాంటేజ్).
చైనా అడిగే ధర ఏమిటి?
చైనా ఏదీ ఉచితంగా చేయదు. అమెరికా ఆర్థిక ప్రయోజనాల కోసం తైవాన్ భద్రత విషయంలో ట్రంప్ రాజీ పడతాడేమో అని ఆసియా దేశాలు ఆందోళన చెందుతున్నాయి. తైవాన్ వైపు నుంచి చూస్తే ఇది చాలా టెన్షన్ కలిగించే విషయం. ఇప్పటికే తైవాన్కు అందాల్సిన ఆయుధాల సరఫరాను ట్రంప్ ప్రభుత్వం కొద్దికాలం నిలిపివేసింది.
చైనా పెట్టుబడులను, టెక్నాలజీని కోరుకుంటుంది.. అలాగే తైవాన్ విషయంలో ఏదో ఒక స్పష్టమైన హామీని ఆశిస్తుంది.
మరో కీలక వ్యక్తి!
ఈ వారం బీజింగ్లో ఎవరూ పెద్దగా గమనించని వ్యక్తి రష్యా విదేశాంగ మంత్రి సెర్గీ లావ్రోవ్. ట్రంప్ వచ్చిన 24 గంటల్లోనే ఆయన కూడా బీజింగ్ చేరుకున్నాడు. పుతిన్ ఆ గదిలో లేకపోవచ్చు, కానీ ఆయన ప్రతినిధి అక్కడ ఉన్నాడు.
పుతిన్ సందేశం స్పష్టం: “ఉక్రెయిన్ విషయంలో మీరు వెనక్కి తగ్గండి.. ఇరాన్ విషయంలో మేము తగ్గుతాం.”
గతంలో ట్రంప్ దీనికి నో చెప్పాడు. కానీ ఇప్పుడు షీ జిన్పింగ్ సాక్షిగా ఈ ఆఫర్ మళ్లీ టేబుల్ మీదకు వచ్చే అవకాశం ఉంది…
రాబోయే రోజుల్లో ఏం జరుగుతుందో చూడటం చాలా ఆసక్తికరంగా ఉండబోతోంది… (అంతా నిజమే, కాకపోతే కథలా చెప్పబడింది ఇక్కడ, అంతే)
Share this Article